جواب فولسكاب

من بعد ماغاب ولاقالش وداع والقلب نساه
جه منه جواب صفحه فلوسكاب يحكى اللى اساه
وبيشرح فيه عن ايه اسباب لوعته وضناه
وعن المعاناه وايه اللى جناه من طول الغيب عنى وناره
وبيحلف قال من يومها مانال من ليل الشوق الامراره
وعيونه كمان سهرت صاحيه ورموشوا وراهم احتاروا ..
من بعده عليا واصراره
وحلف لى كمان دور مالقاش من بعدى حبيب
والاكتر كان انه مابقاش له بعدى حياه
وانتهى بى الحال صدقت ماقال
وفضلت استنى اتهنا معاه
كان اول سطره واخد على خاطره
من يوم مانده وماردتشى
اول ماقريت له خلانى اشطره لهيب النار اللى ماهديتش
احزانه وهمه م البعد وظلمه
وعامل مش همه والشوق كان كاتمه
كان كاتب ليا عن حيرته والمه
ويقولى ياريت مابعدش وسابنى
وقريت بعنيه ايه كاتب قلمه
اول ماقريت السهم اصابنى
قال لى ياحياتى مالقتش حياتى من بعد ماسبتك
ولاعودتش قادر استحمل غيبتك
من يوم مافرقتك انا جاى وناوى
مااسيبك تانى ولااجيب غير سيرتك
وبعت لى كلام كان واصف فيه لياليه ازى
كات نار وحروق من يوم بعدى وعنيه غرقت
فى بحور الشوق
مالقاش المينا ولا اى سفينه ترمى له الطوق
ورجع لى بيندم وحلفلى بعمره تانى ماحيغيب
ولايبعد عنى علشان ماقابلشى من بعدى حبيب
وعدنى وقال
ماحسيبك تانى وحتنى قريب
وفتح لى فى قلبه ولقيت فى مطالبه
منك يازمانى كل اللى انا طالبه
ولقيت امانيه تشبه امانيه انا حرجع ليه
وحيرجع ليا
حنيت انا ليه ونويت اناديه
وبقيت اناجيه مشتاق لهواه والقلب الاقيه
راح يجرى عليه ولااعرف مين لمكانه وداه
من اول سطر كلامه عجبنى من اول سطر قدر يكسبنى
والحب وصل لى من اول سطر
ونسيت ماحصل لى من اول سطر
وانتهى بى الحال صدقت ماقال
وفضلت استنى اتهنى معاه
وف نص جوابه جت نسمه وهلت
بعبيره وعطره والفرحه اترسمت
وعيونى ابتسمت لكلامه وخواطره
ماقدرتش اقرا فى كلامه بقيته من فرحتى
لما محسبته لقيته
وكفايه عليا ماقريته كفايه وسؤاله عليا كدا عندى كفايه
انده ياحبيبى على طول حتلاقى قلبى هوا يجيلك
ومعاه اشواقى واشعل قناديلك انا جايه اناديلك
علشان نتهنى بالعمر الباقى
والحب وصل لى من اول سطر
ونسيت ماحصل لى من اول سطر
والقلب اتاريه كان لسه شاريه
راح يجرى عليه اول مالقاه مادرتش انا بيه
ولاايه موديه ولااعرف مين لمكانه وراه
وانتهى بى الحال صدقت ما قال وفضلت استنى اتهنى معاه
كان باقى كلامه احلام وامانى
عن بكره وبعده وكلام خلانى ارجع من تانى ماقدر على بعده
مليان بأغانى نسانى احزانى وحلفت لواعده والقلب ياسعده
لقى مين حيساعده ونسيت يازمانى مين ظلم التانى
مين كان الجانى ونويت برضه انسى يوم
لما وعدنى وهجر ولاجانى
راح اسيب الدنيا عشان اقابلك
ونا عارف اكيد حيجيلى ملام
ون جيت ولقتنى هناك قابلك احكى على طول
ماتقولشى سلام ماتضيع ثانيه وحسمع لك
واقولك عيد يابو احلى كلام .