تــَـارى ياوائــل (( كوميديا سوداء ))

الأستاذه الجميله القاصة \ ايمان الروبي

جميلة قصتك وفكرتها ليست بغريبه ومعاصره حتي الآن ولكن لى همسه اذا سمحتي لي
اللهجه الصعيدة بالذات لا يفهمها الكثيرين
ممكن تكتبي الحوار واعلاه ( اللهجه الصعيديه )وعلى القارئ تخيل الشخصيات ويسمع كلماتهم

على فكرة دائما تعجبني مواضيعك وافكارك المميزة
تقبلى المرور بود

محمد سالم كتب:

الله على القصة الجميلة يا اخت ايمان
و ياريت تمرى على عملى
فى القصة

الأستاذ القدير / محمد سالم

أشكرك على المرور العطر ووالإطراء الجميل

وإن شاء الله سأمر على عملك وكل ما يليه بإذن الله فهذا سيسعدنى بالتأكيد أن أقرأ لك .

دمت بكل الخير .

محمد عبد الغفار صيام كتب:

إيمان الروبى كتب:

تـَارى ياوائـل
******

رشا كانت فتاة تتمتع بذكاء شديد وعلى قدر من الجمال بشرتها بيضاء وقوامها نحيف ,
عاشت حياة بسيطة فى بيتها الصغير مع أمها فى القرية الريفية الصغيرة فى الجنوب , ولم تكن تعرف تلك الحقيقة حتى بلغت سن الثامنة عشر ,
ذات يوماً قامت فزعة من نومها على نفس الحلم الذى يأتيها دائماَ .. ترتعش خوفاً .. تنهج بشدة .
تأتى إليها أمها مسرعة .. كانت الإضاءة فى الحجرة خافتة ,
جلست بجوارها وحدقت بعينيها الواسعتين .. وعبست بوجهها ذا البشرة السمراء وملامها الغليظة , وسألتها .
_ جَلك إيه المرة ديِه ؟
مازالت تنهج بشدة .
_ نفس الكلام .. بعتو دمى .. أنا دمى غالى .. أنا تارى ملوش دية .
ثم نظرت الى أمها وسألتها .
_ مين الراجل ديه يامه اللى بيجينى كل حلم ديه ؟
_ آن الأوان أجولك مين ديه .
وتنهدت تنهيدة قوية وأردفت .
_ ديه بوكى يابنيتى .
_ بوى .. بوى مات جتيل ؟؟؟ !!
_ إيوه .
_ انتِ مش جولتيلى إنه مات فى حادثة .
_ عمك هو اللى جال إكديه عشان يدارى على عملته اللى ترمخها مع كبار الكفر .
_ ليه هو عمى اللى جتله .
_ لا .
_ عمك هو اللى باع دمه .
_ كيف يامه ؟؟.
_ جَبل الديه .. ودبح الناجة بدل الجتيل .. ياما كان نفسى أشوف دمه سايح جدامى .
_ وبعدين .
_ ولا جبلين يابنيتى طمع فى الديه كلاتها وأخدها .. باع دم بوكى وسابنى أنى أبيع
خلجاتى وهرب على مصر .. وماكفهوش إكديه وبس ده هددنى بالجتل لو أتكلامت
والا فتحت بوجى فى الموضوع ديه .
ثم وضعت يدها اليمنى على كتفها وأستطردت .
_ بوكى تركلك الوصية ديه .
وأعطتها ورقة أحضرتها من مخزن صغير فى جوف الأريكة .
أخذتها وقرأت .
_ ويلد أبو سويلم هيجتلنى يابنيتى , وعمك هيفرط فى تارى وهياخد الديه .. وأنا تارى ملوش ديه ..........
قبل أن تستكمل الوصية , نظرت بتعجب شديد الى أمها .
_ ديه كتبها بوى جبل ما يموت إزاى يامه .
_ بوكى يابنيتى كان مكشوف عنه الحجاب , كان بيجرا الطالع وبيعرف الحاجات
جبل ما تحصل .. كان راجل مبروك ..........
ثم مالت عليها وهمست .
_ دا كان فاضله شوية ويحول التراب دهب , لكن الله يلعنه ويلد أبو سويلم جتله
جبل ما يحجج حلمه .
_ طب دلوجتى بوى عايزنى أخد تاره من مين بالظبط .
_ من عمك يابنيتى .. مش هو اللى فرط فى دم بوكى واللى يفرط فى دمه يبجى مجرم .
_ يعنى بوى ميعرافش إن عمى مات ؟ !
_ كيف يعنى ميعرافش , إذا كان كان بيعرف وهو عايش مش هيعرف وهو فوج عند ربه .
_ يعنى إيه يامه .
_ يعنى ولده موجود يابنيتى .
ضربت صدرها بيدها اليمنى بقوة وبصوت عالى .
_ وائل ؟؟!!.
_ إيوة .
_ كيف يامه .
_ وائل ديه اللى اتربى بفلوس الديه , يعنى اتربى بدم بوكى لازماً ينجتل .
وناولتها شىء ملفوف بقطعة قماش سوداء .
_ خدى ديه خنجر جدك .. روحى إجتليه وطفى نارنا .
أخذت الخنجر وذهبت الى وائل .
لم تكن مفاجأة لوائل عندما واجهته وأخبرها أنه يعرف كل شىء فوالده إعترف له قبل أن يموت عندما أراد أن يتوب ويتطهر من الذنوب .......
وعندما إشتد غضبها وأقتربت لتطعنة أخذ يرجوها .
_ أرجوكى مش تقتلينى , أنا بحبك , مش تنسى حبى ليكى .. مش تنسى
أيام حبنا الجميله .
صمت أذنيها وأقتربت وطعنته , فسقط مرديا على الأرض ...........
هالها منظره ففزعت وجثت على ركبتيها تبكى عليه ., ففاجأها بأن إنتزع
الخنجر من صدره وطعنها فى صدرها وقال .
_ أبداً لم يفرقنا الموت .


********************************

و الله و بجيتى واعرة جوى فى الجصص المليحة و احنا ما درينيش !!

و بعد ما هى جتلته و هو جتلها مين هياخد تاره من وين ؟؟
هع هع هع هههع .


الشاعرة المبدعة / إيمان الروبى .
أمتعنى ما خطت يمينك .
و أعجبنى أن أصحاب الحظوة من أهل الخطوة يتركون مع الإرث الخناجر .. و صايا الثأر ... و يسودون الأحلام الوردية !!

ماخبراش مين هياخد التـَار من وين , وانى هعرف كل حاجة والاإيه .

هههههههههه

شكراً لك الأستاذ القاص المبدع / محمد صيام

أسعدنى تواجدك وتعليقك الرائق والمزحة الجميلة .. كل الود والتقدير

دمت بكل خير .

اسماء عبدالعزيز كتب:

الأستاذه الجميله القاصة \ ايمان الروبي

جميلة قصتك وفكرتها ليست بغريبه ومعاصره حتي الآن ولكن لى همسه اذا سمحتي لي
اللهجه الصعيدة بالذات لا يفهمها الكثيرين
ممكن تكتبي الحوار واعلاه ( اللهجه الصعيديه )وعلى القارئ تخيل الشخصيات ويسمع كلماتهم

على فكرة دائما تعجبني مواضيعك وافكارك المميزة
تقبلى المرور بود

المبدعة أسماء عبد العزير

شكراً على مرورك وتعليقك وإطراءك الجميل وأيضاً وجة نظرك

تحترم مع أننى أرى أن الفضائيات لم تترك أى لهجة لم يعرفها أحد , وأيضاً

القصة يتخللها شىء من الكوميديا بصرف النظر عن اللهجة وهذا فى طريقة

الطرح .. نستطيع أن نقول عنها شىء بسيط للتسلية كقطعة الشيكولاتة ,

وهذا يكون فى الكوميديا فقط أو الفانتازيا .

بس أوعى تاكليها وانت جعانة لتغلق شهيتك عن الطعام ههههههه .

بس ممكن حد يعتبرها تصبيرة هههههههه .

شكراً لك ثانية ودمتِ جميلة ومبدعة .