احسبيها

موضوع: احسبيها الخميس أكتوبر 07, 2010 10:10 am

للشاعر المبدع الراحل مأمون كامل

الحقينى

الحقى اللى باقى منى

بطلى طبع الطناش

واحسبيها

شوفى مين فينا اللى يخسر

لو ح أسيبك وتسبينى

قالوا عنك ياما قالوا

ضلة الملهوف وأمن لكل خايف

لما صدقتك ما نابنى إلا مصمصة الشفافيف

خلى بالك

طول مافيه بينا مسافة

المكرش واللى ح يموت م النحافة

لو ندهتى

قلبى مش ح يدق ليكى

لو وقعتى مش أسمى الله عليكى

ولو فى حزنك ح أشارك

طول ما يوم فرحك ما بتسعنيش ديارك

إنتى إيه .. قلبك حجر

حضنك المفتوح تمللى للى خانك

واللى فوق ضهرك عبر

ينقفل وف وش مين

اللى يا سنين صبر

تيجى نلعب شقلبوك

غيروك بدلوك

اللى تحتك يبقوا فوقك .. واللى فوقك يخدموك

والكتاب للكل واضح

والحساب ع الكل فاضح

حتى لو فايح وطايخ .. ما تسبيه لو حلفوك

آدى ايدى بأمدهالك

يا ترى تمديلى ايدك

هى شعره لسه بينا

لو قرارك تقطعيها .. اقطعيها

بس لازم تحسبيها

اوعى تفتكرى إنى خ أفضل راضى بالحرمان رغيف

إوعى تفتكرى إنى ح أفضل راضى بالصبر الغموس

صدقينى
مش راح سايب اللى يدوس يدوس
[b]

وكأنه يقولها الآن
رحم الله شاعرنا المبجل
مأمون كامل

موضوع: رد: احسبيها الخميس أكتوبر 07, 2010 10:16 am

إنتى إيه .. قلبك حجر

حضنك المفتوح تمللى للى خانك [b]

والله تعبير رائع ..ولا اروع ..جميلة اوي أخي الحبيب وشاعرنا الكبير حسام خليل

جزاك الله خيرا على أمتاعنا بهذة التحفه الجميلة
رحم الله شاعرنا ..ورحمنا اذا ما صرنا الى ما صار اليه

حبي وتقديري وأحترامي

موضوع: رد: احسبيها الخميس أكتوبر 07, 2010 4:19 pm

بالفعل رائعه استاذ حسام

وطبعا عنده حق ف كل كلمه

رغم انى متهيألى ان ف ايامه ماكنتش فاتحه صدرها

للى بيخونها قوى زى دلوقت

شكرا لروعة اختيارك

دمت بحب وخير وسعاده

موضوع: رد: احسبيها الخميس أكتوبر 07, 2010 6:51 pm

بس لازم تحسبيها

اوعى تفتكرى إنى خ أفضل راضى بالحرمان رغيف

إوعى تفتكرى إنى ح أفضل راضى بالصبر الغموس

صدقينى
مش راح سايب اللى يدوس يدوس

كلمات رائعه فيها اصرار للدفاع عن الوطن مهما يكون

نقل موفق لشاعر رائع

سلمت شاعرنا القدير /حسام خليل

تقبل مرورى واحترامى

موضوع: رد: احسبيها الخميس أكتوبر 07, 2010 7:58 pm

رحم الله الشاعر الكبير

مأمون كامل

وملحمته ( شندويل .... وعايزانى اقول يامه )

مأمون كامل هو احد ايرز شعراء العامية فى الوقت الحاضر

وعلى الرغم من سنه الكبيروبصره الضعيف رحمه الله كان يجوب المدن والعزب والكفور فى

ربوع مصر

من اسكندرية الى اسوان ولا نجاريه نحن الشباب

دائم الحضور للمؤتمرات وان لم يرشح من قبل ناديه ليذهب ويقيم على حسابه الخاص

رحم الله الفقيد وتجاوز عن سيئاته

وليرحمنا الله فى هذه الدنيا

موضوع: رد: احسبيها الخميس أكتوبر 07, 2010 10:21 pm

الاخ الشاعر الكبير

حسام خليل

نشكرك على نشر تلك القصيده

للشاعر الكبير الراحل

مأمون كامل

والواضح ان الساحه قد خسرت كثيراّ بموته

لبراعته ومقدرته كشاعر .

كل الشكر والتقدير ...

موضوع: رد: احسبيها الخميس أكتوبر 07, 2010 11:49 pm

أخي الفاضل الأستاذ / حسام خليل

شكرى علي الوفاء

رحم الله شاعرنا الشرقاوي مأمون كامل

وأطال الله عمرك

موضوع: رد: احسبيها الإثنين أكتوبر 11, 2010 11:32 am

محمود جمعة كتب:: إنتى إيه .. قلبك حجر

حضنك المفتوح تمللى للى خانك [b]

والله تعبير رائع ..ولا اروع ..جميلة اوي أخي الحبيب وشاعرنا الكبير حسام خليل

جزاك الله خيرا على أمتاعنا بهذة التحفه الجميلة
رحم الله شاعرنا ..ورحمنا اذا ما صرنا الى ما صار اليه

حبي وتقديري وأحترامي

اللهم آمين
جزاك الله خيرا أخي الشاعر الكبير
محمود جمعة

موضوع: رد: احسبيها الإثنين أكتوبر 11, 2010 1:22 pm

فعلا قصيده تستاهل النشر والاجمل قلب حسام خليل

وحشتنا في العاميه يااستاذ حسام

******

ملحوظه؟

مأمون كامل هو احد ايرز شعراء العامية فى الوقت الحاضر

وعلى الرغم من سنه الكبيروبصره الضعيف رحمه الله كان يجوب المدن والعزب والكفور فى

ربوع مصر

من اسكندرية الى اسوان ولا نجاريه نحن الشباب

حدش خد باله من كلمة الدكتور صلاح طاهر -------

نحن الشباب

ههههههههههههههههههههههههه