عايز اعيش

عايز اعيش


مش عايز اعرف جغرافيا ولا تاريخ
ولا مين احمس وفين كوكب المريخ
ولا حدود اسكندريه من شرم الشيخ
انا بس عايز اعيش............؟
مش عايز اشرب بانجو وحشيش
ولا قعدة قهاوى والدش والشيش
ومعاكسة بنات ولمة شباب الطيش
كبسه وحكومه وهات يا تقفيش
اقفه وشلوت ومعليش يا شاويش
يفتش جيوبى( الهواء) مايلاقيش
ما انا ما معيش وعايز اعيش
زى غيرى من ولاد الآيش
والاقى شغله منها اعيش
مش الاسم شغل والقبض مفيش
اه وجعانى .... مش قادر اعيش
ساعات واقف فى طابور العيش
وسنين سودا مبتعديش
النهارده زى امبارح متصور فى افيش
تبص فى وشه متلاقيش
عايز اكون اسرة فى وطن ميخوفنيش
ولا يطلعلى ولد اسميه مفيش
يطل على الحيطه يشوف صورة الافيش
يصرخ هى السنين السودا مبتعديش
موتنى يا وطن انا مش عايز اعيش

عصام سالمان

الشاعر الاستاذ عصام سالمان
تقبل مرورى على زجليتك الجميله
تحياتى

ازاى ... نعيش

مع ناس ... مبتختشيش

ان قلنا لهم ... عايزين

يقولوا ... مفيش

ودوخونا ... فى دروبهم

اللى ... ما بتنتهيش

اكلوا ... عرقنا

وحرموا علينا .. رغيف العيش

واحنا اللى ... حلى لنا

عيشه ... الدراويش

وبسكوتنا .ضيعنا خقوقنا

يبقى .. خلاص منشتكيش


-------------------------------------

الأستاذ الشاعر عصام سلمان

ابيات من وحى ابداعك ووجعنا اللى مبينتهيش

تقبل مرورى... ودمت بخير 

محمد سرور كتب:

الشاعر الاستاذ عصام سالمان
تقبل مرورى على زجليتك الجميله
تحياتى

عادل عوض سند كتب:

استاذ عصام سالمان

زجال جميل يكتب ببهاء ومقدره

عن قصية الساعه ألا وهو الفقر المدقع

مودتى وتقديرى ...

الاستاذ عصام سالمان

زجليه جميله رغم ما بها من وجع الفقر


بانتظار جديدك

محمد البسيونى كتب:

أنا بس عاوز اعيش فيك ياوطن بكرامتى

والقَى رغيف العيش اللى يقوت عيلتى

وشقه نتلم فيها .. و(طربه) مترف متر

وارتاح من المرمطه .. وكفايـــه بهدلتى



حبيبى الأستاذ عصام

زجليه جميله ، وسوف أرسل لك رساله

خاصه باكر حيث أنى تأخرت اليوم عن

ميعاد نومى ، حتى لاأتأخر عن عملى باكر

فأرجو أن تسامحنى وتأذن لى .

وإلى لقاء قريب إن شاء الله .

دمت عزيزى بكل الخير .

محمد البسيونى

الرائع الاستاذ عصام سالمان الله عليك ابداع اكثر من رائع

عصام سالمان كتب:

[quote="
حمدى شيبة"]الرائع الاستاذ عصام سالمان الله عليك ابداع اكثر من رائع

الشاعر الجميل والاخ العزيز/ حمدى شيبه
اشكرك على مرورك الكريم
وقد زاد متصفحى نورعلى نور
ربنا ميحرمنيش منك
يا جميل

عصام