اصل .. الحكايه

الشاعر المبدع استاذ عادل
مرورك وتعليقك وهو ما يسعدنى
وما عدت الا لآنى اعرف ان مكانى هنا
بين من دعمونى وشجعونى واخذوا بيدى
واحاطونى بحبهم وتعاونهم المخلص
استاذى ..
اضطررت لتغير بريدى الألكترونى ولا اعرف كيف
اضعه هنا فى المنتدى .. دخلت لصفحه بياناتى
ولكنى لم انجح .. اريد المشوره من حضرتك

شكرا لك ودمت بخير

صباح الفل
الجميله عزه
اولا شكرا على تثبيت القصيد والتنسيق
وربنا ما يحرمنى منك ست الكل
زى ما قلتى تمام ياعزه مش المهم عمق
الضربه ولكن المصدر .. وكل ما كان قريب
بيقى اصعب على التفس اتها تتحمله والجرج
يبقى اعمق وصعب مدواته .واحنا والحمد لله
على كل حال نزيف قلوبنا مبيتوقفش لأن الضربات
كتير وللأسف كلها قريبه
شكرا مرورك اللى بيسعدنى ويشرفنى
ودمت بخير

عمل رائع
أما عن التسمية ياعم شواش
فالناس تفضل أن يكون ابنها قاتلا ظالما
على أن يكون قتيلا مظلوما

العمل رائع وخلفة شجن حقيقي واخلاص واحساس ف التناول

دمت مبدعه حقيقية

الشاعر المناضل
الأستاذ عطيه
والله يا باشمهندس لقد كان هذا السؤال يلح على ذهنى كثيرا
نحن فعلا اولاد قابيل ودمه الآثم يجرى فى عروقنا
ولا لما بحور الدماء التى تجرى على الأرض حتى اعتادناها
وعندما طبقت الشيوعيه فى اروبا الشرقيه اتخذت اللون الأحمر
شعارا لها بعد ان اسيلت دماء الكثير من ابنائها من اجل ان تسود
نحن فعلا لدينا شبق للدماء .. ولكن ليس معنى هذا ان كل واحد منا
يحمل سلاحه فى جيبه .. لكن على الأقل غادرتنا السماحه .. وساحتنا
لم تعد بيضاء بعد ان تسلل منها الحب الى غير رجعه..
( من اجل ذلك ) لم نسمى هابيل .. لأنه لم يدافع او يقاوم
عندما قتله اخوه ولكنه استسلم تماما له ..
عرفت لماذا يسمى طيب هذا الزمان اهبل .. تفتكر حضرتك
مين هيسمى ابنه هابيل ..

مرورك نورنى واسعدنى جدا
دمت بخير

شاعرنا الجميل
الأستاذ عاطف عاشور
شكرا جزيلا على هذا الثناء وان كنت
حضرتك ترى فى فيما قدمته تكاملا
فأنا مدينه لكم بهذا بلاشك
متاعبتى لما يكتبه مبدعونا هنا كان
مدرسه حقيقه لى بس بدون رسوم
فى اعظم من كده ..
شكرا لمرورك الجميل استاذ عاطف
ودمت بكل الخير

الأستاذة الأديبة المبدعة كالعادة..\ فاطمة حمزة

أصابتي قصيدتك بالحزن الشديد لأنه فعلا هذا عالمنا
لذا لم أجد شيء أقوله غير أني
أتمنى من الله عز وجل .. أن يزيح الغمة ويفرج كروبنا ويصلح حال امتنا
ام عن نبض قلمك يعجز عن وصفه الكلام
فلك سيدتي سحرٌ خاص بكل ماتخطينه

دمت بكل الحب

الأستاذ الشاعر الجميل
الدكتور صلاح طاهر
دائما امسك قلبى عند مرورك على اى عمل لى
افهم من كده ان مفيش حاجه سقطت منى المره دى
و لاحضرتك مش عايز تصدمنى بعد غيبه وهتعديها
لى .. على فكره يا دكتور توجيهات حضرتك مهمه
بالنسبه لى جدا وبسعد بيها لأنى عارفه انها فى صميم
مصلحتى .. فقول الحقيقه

سعدت بمروك .. ودمت بخير

الكاتبه والأديبه الجميله .. اسماء
هو واقع حالنا عزيزتى..واعتقد انه ليس
احد منا بمنأى عن متاعبها واحزانها التى
لاتنتهى .. فعندما نفرح يشق الحزن جلباب
الفرح .. هكذا اعتدنا الدنيا تعطى لتأخذ اكثر
اسعدنى مرورك اسماء
ودمت بخير

فاطمة حمزة كتب:

الشاعر المبدع استاذ عادل
مرورك وتعليقك وهو ما يسعدنى
وما عدت الا لآنى اعرف ان مكانى هنا
بين من دعمونى وشجعونى واخذوا بيدى
واحاطونى بحبهم وتعاونهم المخلص
استاذى ..
اضطررت لتغير بريدى الألكترونى ولا اعرف كيف
اضعه هنا فى المنتدى .. دخلت لصفحه بياناتى
ولكنى لم انجح .. اريد المشوره من حضرتك

شكرا لك ودمت بخير

مساك الله بالخير دكتور صلاح
اعتذر لجهلى والله انا حتى لم اعرف ان
فى المنتدى رسائل خاصه
ولا اعرف اين اجدها .. ومن غير المعقول
استاذى ان تجاهل شئ كهذا وعموم سأبحث
الآن عنها الآن ..

شكرا دكتور وبارك الله فيك

وصلت اخيرا يا دكتور
لولا اشاره حضرتك لا يمكن كنت هعرف المكان
والحقيقه علبه الهديه كانت دى بتثير عندى تساؤل
ومفكرتش ابدا اضغط عليها بالماوس واعرف ايه هى
يمكن كنت خايفه تنفجر فى وشى ولا حاجه
المهم يا استاذى .. اخدت بالى تماما من التعديل
ومخبيش على حضرتك بلاقى صعوبه شويه فى
الأستيعاب لكن بحاول ومع الوقت انى اوصل
للأفضل ..
دكتور طاهر انا بشكر حضرتك جدا جدا
عايزه اعدل القصيده على الأساس اللى حضرتك
وضعته بس مش عارفه ازاى

فاطمة حمزة كتب:

فى يوم ... اسود حزين

نبش الغراب ... فى الطين

وارى ... جتت اخوه

الطيب ... المسكين

فتح للشر ... باب

وقنن ... شريعه الغاب

وأدينا فيها ... عايشين

لما الآمان ... اتسرق

الظلم ... شق وبرق

ودمر ... البساتين

والحب فينا... اتقصف

ولا عمره مره ... اتنصف

ونجيبه بس ... منين

الأبن ... يظلم ابوه

والآخ ... يقتل اخوه

ويوم الحساب ... ناسيين

مكتوب تعيش .. فى كبد

ياابن آدم ... للأبد

وتشيل حمول ... جبلين

الآصل فينا ... قابيل

لما غدر ... بهابيل

وشق القلوب ... نصين

============= فاطمه حمزه

الجميلة الرائعة فاطة حمزة الله ينور عليكى
قصيدة بها جمال رائع وبتتكلم على حاجت كبيرة
والحمد لله انك رجعتى بالسلامة فى وسط اخواتك
حقيقى كنت ميت م الخوف عليكى
ههههههههههههههههههههه
دى اخر قصيدة ليا
دمتى بكل حب وابداع
تيمو

الشاعر الرائع والحساس
تيمو باشا
نورتنى .. وانتوا كمان وحشتونى جدا
وعلى رأى الست نجاه ما احلى الرجوع اليه
والمنتدى هنا له افضال على مقدرش انكرها
اولا للصحبه الطيبه والجميله اللى بينكم
ثانيا اتعلمت منه كتير من خلال متابعتى لأبدعاتكم
وتشجعيكم لى على الأجاده
وبعدين هلاقى المشاعر الجميله دى فين ومتخافش
على يا تيمو انا بمب و انفد فى الحديد
شكرا تيمو وربنا ما يحرمنى منك
ودمت بخير

-------

الشاعره الأميره
مساك الله بالخير
ومتشكره على متابعتك التى تسعدنى جدا
اميره .. عندما نحكى واقع عادا ما تكون
حكايانا مؤلمه وتمس جروحنا واوجاعنا
لذلك نهرب بالخيال الى الحلم علنا نجد
فيه ما يرطب نفوسنا ..

تحياتى لك ودمت بخير

الاستاذة الشاعرة / فاطمة حمزة
ابدعتى رغم حزن موضوعك ....احييك تحيه ملأ السماء والأرض فقد أثرت قضية طالما شغلت تفكيرى ........... قتل قابيل لأخاه هابيل وكأنما قسم الله الدنيا الى شطرين الخير والشر وللاسف كان المنتصر هو الشر من وجهه النظر الظاهرة الا أننا لم نفكر بجزاء هابيل فى الاخرة الذى ابى ان يمد يده لاخيه بالاذى خوفا من الله و أصبح فى نظرنا مثلا للطيبة التى تهلك صاحبها رغم انه رمزا كبيرا لطاعة الله حتى الموت و ما الموت الا حياة الخلود...........
اشكرك ايتها المبدعة الرقيقة عالية الاحساس
ارجو ان تتقبلى مرورى و تحيتى و ودى