مفاوضات

موضوع: مفاوضات الأحد سبتمبر 19, 2010 8:09 am

حدث ما بين القرود والحمار

وتحت رعاية كبير الديابه

مفاوضة ولكن وراء الستار

لحفظ حقوق القرود الغلابة

******

حمارنا المخطط خطط وراح

بحزمة مطالب ضد القرود

واصدر سيادتة بيان الكفاح

واطلق لشعب الحمير الوعود

******

ولكنه قرر حمارنا الاميرْ

قبل التفاوض كشرط الديابهْ

يكسر حوافر كل الحميرْ

ويخلع سنانهم ويطرد صحابهْ

******

وعين تلاتةْ حمير مخبرينْ

يراقبوا خصوصا كل الجحوشْ

وعين تسعةْ حمير مجرمينْ

قيادة حكيمة ولابسين وشوش

******

وجاب الحمار من الديابه خبيرْ

يعلم ولاد الحمير النهيقْ

فصاروا بفضل الخبير القديرْ

حمير مستكينةْ وضد الزعيقْ

******

وجاب المخطط تعلب معاه

يساعد بخبثة ويقرا الشروط

وعين سفير بن اوي وجزاه

لانه بن حنت وصعب وحويط

******

وبعد المداولة وطول النقاش

وافق حمارنا بكل الشروط

تاخد قرودنا الاراضي بلاش

وتمسح كل الحمير الخطوط

******

فتبقي الحمير مش حمير الوحوش

اليفة وهادية هنا ومستكينة

تاكلها الديابه وكل الوحوش

يأما تهاجر تعيش ف المدينة

******

وعاد الحمار اللى فاوض بيهتف

وكل الحمير جت بتهتف وراه

تعيش الديابه ..بيهتف ويحلف

وكل القرود فوقه تضرب قفاه

******

وبعد سنين العذاب واللى فيهم

شافت فيها الحمير الدمار

عرفت بأن اللى فاوض عليهم

واحد م الديابه مهواش حمار

موضوع: رد: مفاوضات الأحد سبتمبر 19, 2010 8:39 am

نقد لازع وساخر شاعرنا القدير محمود جمعه

عرضك رائع رشيق بين المعانى والكلمات

تقبل مرورى الاول واعجابى بحسن كلماتك الساخرة
فشر البليه ما يضحك

دمت متميزا اخى

موضوع: رد: مفاوضات الأحد سبتمبر 19, 2010 8:44 am

بسمة الورد كتب:: نقد لازع وساخر شاعرنا القدير محمود جمعه

عرضك رائع رشيق بين المعانى والكلمات

تقبل مرورى الاول واعجابى بحسن كلماتك الساخرة
فشر البليه ما يضحك

دمت متميزا اخى

عاشقة الشعر الرائعة .. شرفت أختي الكريمة بمرورك الاول ..وتعليقك الرقيق الجميل
شكر الله لك حضورك الرائع
سعيد ان اعجبتك قصيدتي
دمت بكل خير وسعادة

موضوع: رد: مفاوضات الأحد سبتمبر 19, 2010 8:51 am

الشاعر الرائع الكبير

الاستاذ محمود جمعه

دعنى اصفق لك بحراره

على روعه مضمون قصيدتك الساخره

التى تحمل فى داخلها

اهم القضايا

برعت فى استخدام الاسقطات

بحرفيه واتقان فأخرجت ابدع المعانى

واروع القصائد التى اصابت الهدف

دائما ما استمتع بمتابعه اعمالك

التى تحمل الكثير والكثير من الابداع

دمت بكل سعاده

موضوع: رد: مفاوضات الأحد سبتمبر 19, 2010 8:53 am

ههههههههههههههههههههه

استنا لما افوق بقي ابقي ارجعلك

تحيا مصر

هههههههههههه Evil or Very Mad

موضوع: رد: مفاوضات الأحد سبتمبر 19, 2010 9:03 am

أختي الكريمة اميرة المنتدي الرائعة الاستاذة أميرة البدري ... اسعدني والله ردك الراقي الواعي الفاهم ..وأخجلتني كلماتك الرائعة المختارة بعناية

شكر الله لك أختي الكريمة حضورك العاطر المنير

دمت مبدعة رائعة وأختا دائما

وبكل خير وسعادة

موضوع: رد: مفاوضات الأحد سبتمبر 19, 2010 9:16 am

بواسطتى ثبتت

لجمال الحرف والمضمون

وقبل الأستاذة عزة ماتيجى

موضوع: رد: مفاوضات الأحد سبتمبر 19, 2010 9:18 am

الرمز يأتي بل يكون ضرورة في زمن القمع ، هذا هو دور الأدب معايشة مواكبة، ذكرتني بكليلة ودمنة، بل جعلتني أتذكر رمزيات نزار ، بارك الله فيك أخي ورزقك التقوى والعفاف والغنى. أيمن أبومصطفى.
على فكرة شاركت بعملين في الأونة الأخيرة وانتظرت ردك كثيرا لا تحرمني من توجيهك.

موضوع: رد: مفاوضات الأحد سبتمبر 19, 2010 9:22 am

وانا اقول جنينة الحيوانات كبيرة جدا

يقولوا لأ دا فى الجيزة بس

اتاريها اكبر من كدة بكتير

تحياتى لما اربط الحمار.............!!!!!!!!!

موضوع: رد: مفاوضات الأحد سبتمبر 19, 2010 9:50 am

طاهر الصوفاني كتب:: ههههههههههههههههههههه

استنا لما افوق بقي ابقي ارجعلك

تحيا مصر

هههههههههههه

حبيبي طاهر الصوفاني

فوق ياعم براحتك واشرب قهوتك ..وانا ف جبلاية القرود لو تحب تقابلني ...ههههههههههههههه

موضوع: رد: مفاوضات الأحد سبتمبر 19, 2010 10:59 am

الشاعر الكبير أستاذى محمود جمعة

مفاوضة عظيمة وفيه نسلم

لرمز ف بواطن حروفك يعلم

ويديه الإشارة ف سهمه اللى صايب

كتير ف الحكاية ودايماً بيظلم

أحيك بشده أستاذى الفاضل على هذه الروعة لقد قلت الكثير بالرمز والتشفير وكان الوقع خطير

لشدة التخذير فى الحرف الكبير من مبدع رائع

تقبل تعليقى المتواضع ولك منى كل التقدير

موضوع: رد: مفاوضات الأحد سبتمبر 19, 2010 8:45 pm

الله عليك

شاعرنا القدير محمود جمعه

هو دا الكلام اللى م الاخر

واللى بيطبق فى الغابه بتاعتنا

تحيه بلا حدود لجمال عملك

ايها الرائع

دمت بحب

موضوع: رد: مفاوضات الأحد سبتمبر 19, 2010 9:01 pm

قصدك مين ياأفندي إنت ؟؟؟؟؟

ياجبننننننننننا

هو إنت تغيب تغيب وجاي

لنا بقرد وحمار ف إيديك ؟؟

مقبوله يا عمنا الهديه

طب حيباتوا فين ومصر الجديده

مافيهاش خرم إبره ؟؟؟؟؟

يمكن علي 2011 يلاقوا مكان

تحياتي

قد آن ياكيخوت

للقلب الحزين أن يستريح

فاحفر هاهناقبرآ ونم

وأنقش علي الصخر الأصم

يا نابشآ قبري حنانك

هاهنا قلب ينام

لافرق بين عام ينام وألف عام

موضوع: رد: مفاوضات الإثنين سبتمبر 20, 2010 12:27 am

أيمن أبومصطفى كتب:

الرمز يأتي بل يكون ضرورة في زمن القمع ، هذا هو دور الأدب معايشة مواكبة، ذكرتني بكليلة ودمنة، بل جعلتني أتذكر رمزيات نزار ، بارك الله فيك أخي ورزقك التقوى والعفاف والغنى. أيمن أبومصطفى.
على فكرة شاركت بعملين في الأونة الأخيرة وانتظرت ردك كثيرا لا تحرمني من توجيهك.

أخي الكريم أيمن ابومصطفي ..شرفت أخي الكريم متصفحتي المتواضعة ..سعيد بمرورك الجميل ..جزاك الله عني كل الخير

اعتذر لقد غبت عن المنتدي لفترة لم أتابع فيها كل الاعمال ولكني أعد ان اعود لاعمالك التي فاتتني في أقرب فرصة ..دمت بكل خير

موضوع: رد: مفاوضات الإثنين سبتمبر 20, 2010 12:34 am

[quote="د /صلاح طاهر"]

وانا اقول جنينة الحيوانات كبيرة جدا

يقولوا لأ دا فى الجيزة بس

اتاريها اكبر من كدة بكتير

تحياتى لما اربط الحمار.............!!!!!!!!!

[b][justify]أخي واستاذي الكريم الشاعر الكبير د.صلاح طاهر .. اشرقت الانوار .. أشكرك على التثبيت
شرفت متصفحتي .. جنينة الحيوانات كبيرة اوي في هذا الزمن يا عمنا .. ربنا يخرجنا منها على خير
احسن خايف الاقي نفسي بنهق بكرة ههههههههههههههه
دمت أستاذي بكل خير ...وياريت تربط الحمار وترجع تاني للقصيدة عايز تعليق أشد من كده
مودتي وخالص أحترامي وتقديري

[/quote[/justify[/b]]]

موضوع: رد: مفاوضات الإثنين سبتمبر 20, 2010 1:03 am

رشا فؤاد كتب:: الشاعر الكبير أستاذى محمود جمعة

مفاوضة عظيمة وفيه نسلم

لرمز ف بواطن حروفك يعلم

ويديه الإشارة ف سهمه اللى صايب

كتير ف الحكاية ودايماً بيظلم

أحيك بشده أستاذى الفاضل على هذه الروعة لقد قلت الكثير بالرمز والتشفير وكان الوقع خطير

لشدة التخذير فى الحرف الكبير من مبدع رائع

تقبل تعليقى المتواضع ولك منى كل التقدير

مفاوضة عظيمة وفيه نسلم

لرمز ف بواطن حروفك يعلم

ويديه الإشارة ف سهمه اللى صايب

كتير ف الحكاية ودايماً بيظلم

اشكر جنابك كلامك جميل

بيدي لشعرك أكبر دليل

بأنك يا نجمة في سما المنتدي

حرفك منور ويشفي العليل

موضوع: رد: مفاوضات الإثنين سبتمبر 20, 2010 2:49 am

الشاعرة عزة الزرقانى كتب:: الله عليك

شاعرنا القدير محمود جمعه

هو دا الكلام اللى م الاخر

واللى بيطبق فى الغابه بتاعتنا

تحيه بلا حدود لجمال عملك

ايها الرائع

دمت بحب

الرقيقة الجميلة الشاعرة عزة الزرقاني ....

والله خايف يكون أقل بكتير من اللى بيحصل فعليا في الغابة ...ربنا يستر

شرفتني أختي الكريمة ..وجزاك الله خيرا على حضورك العاطر المنير

خالص التقدير والود والاحترام

موضوع: رد: مفاوضات الإثنين سبتمبر 20, 2010 5:43 am

[quote="م/عطية شواش"]

[color=red]
قصدك مين ياأفندي إنت ؟؟؟؟؟

ياجبننننننننننا

هو إنت تغيب تغيب وجاي

لنا بقرد وحمار ف إيديك ؟؟

مقبوله يا عمنا الهديه

طب حيباتوا فين ومصر الجديده

مافيهاش خرم إبره ؟؟؟؟؟

يمكن علي 2011 يلاقوا مكان

تحياتي

قد آن ياكيخوت

للقلب الحزين أن يستريح

فاحفر هاهناقبرآ ونم

وأنقش علي الصخر الأصم

يا نابشآ قبري حنانك

هاهنا قلب ينام

لافرق بين عام ينام وألف عام

[center][b]
أستاذي الكبير وشاعرنا الرائع المهندس عطية شواش

وأنا مالي يا عمنا بس أنا بفسح العيال في العيد دخلت جنينية الحيوانات لقيت القصة دي

قت رزقك في رجليك أهو تنشرها وتعمل بيها شاعر ..وتتنطط بيها ع الخلق

لكن لا قصدي حد والا أنا بتاع مشاغبه ... حتودونا ف داهية باين عليكم

عظيم شكري لمرورك الكريم

خالص مودتي واحترامي وتقديري

موضوع: رد: مفاوضات الإثنين سبتمبر 20, 2010 6:21 am

الحبيب / محمود جمعة

في زمانٍ يتباها القرد فيه ....
باحمرار المقعدة
وتموت الأسد جوعا
وتجف الأوردة
لم يعد للشعر صوت
يستفذ الأفئدة

أهم شئ ألا تعيش حمارا وتموت حمارا

وهذه الفرصة لا تتاح لنا نحن حيوانات غابة عربستان

مودتى

عاطف

موضوع: رد: مفاوضات الإثنين سبتمبر 20, 2010 8:25 am

نزلت إمتى القصيده دى ؟؟؟

انت بتذاكر من ورايا ؟؟

ههههههههههههههه

الاخ الحبيب الشاعر المشكله

محمود جمعه

ايه يا عم الحدوته الجميله دى ؟ والإسقاطات الهايله ؟؟

على فكره لولا الحمار كان زمان بقينا بنى آدم .

وبنحس وبنغير على حاجات ياما .

لكن لكل حمار وجهة نظر .. مش بالضروره تكون صائبه

وهاهو حال الحمير فى بلد ال...........

تقبل تحيتى قبل مانروح فى ............

منك لله منا كنت ساكت !!!!!!!!!!!!!

موضوع: رد: مفاوضات الإثنين سبتمبر 20, 2010 10:08 am

أخي الغالي محمود
حقيقة كيف وفقت فى كتابة هذه الزجلية الرائعة
بما تحمله من تشبيهات و رموز
و بما تتكئ عليه من تراث أدبي سابق
ككليلة و دمنة و بين واقع معاصر
حقيقة أهنئك على عملك الجميل
دمت رائعا
أخوك
Very Happy

موضوع: رد: مفاوضات الإثنين سبتمبر 20, 2010 11:54 am

عاطف عاشور كتب:: الحبيب / محمود جمعة

في زمانٍ يتباها القرد فيه ....
باحمرار المقعدة
وتموت الأسد جوعا
وتجف الأوردة
لم يعد للشعر صوت
يستفذ الأفئدة

أهم شئ ألا تعيش حمارا وتموت حمارا

وهذه الفرصة لا تتاح لنا نحن حيوانات غابة عربستان

مودتى

عاطف

في زمانٍ يتباها القرد فيه ....
باحمرار المقعدة [/color]
[color=blue]وتموت الأسد جوعا
وتجف الأوردة
لم يعد للشعر صوت
يستفذ الأفئدة

في زمان القرد

فيه يسجن الاسد الهصور

كل نسناس تسيد

وأبتني فوق العرين الحر

للخزي القصور

ليس للشعر مكان

غير قلب لا يحاكي القرد

بل يهوي النسور

موضوع: رد: مفاوضات الإثنين سبتمبر 20, 2010 12:48 pm

السلام عليكم .. مجرد راي
كلام من قلبي
الشاعر القدير .. الأستاذ محمود جمعه
احترامي وتقديري

هوّا انت مين .؟
وفْ نيتك توصل لفين.؟
عشان تجيب سيرة الحمير
هوّا انت عشت فْ وسطهم.؟
علشان تزيد وتعيد كتير
حاولت تقـرب منّـهم.؟
وفهمت شيء من طبعهم.؟
إوعاك تفكر زيّهم..
لأنك انت عكسهم
واقبلها مني
وبلاش تلومني
لأني عارف إنّـهم
نسيوا الزرايب
والطوايل
والغيطان.؟
قلعوا البرادع
والحوافر
واللجام.؟
نسيوا السّـقِـيـّه م الترع.؟
خاصموا النهار
واتعلموا فنون السهر
وكمان لقيتهم أدمنوا
نفخ السيجار
مايهمش اللون والثمن
لأنه نوع م المفتخر
هرسوا المعسل ف العجير
زرعوا الهباب جوّا الشعير
بعد النجيله والدنيبه والحطب
فجأه لقيتهم بدّلوا
أكل النـُّخاله بالفطير
من بعد خيش
يدّاروا فيه ، وقت اللزوم
عرفوا طريق شـُرْب الحشيش
والبردعه من خيط حرير
وتـْلمّعوا
وتـْقمّعوا
عالشط زاطوا ولعلعوا
عايشين حياتهم أبـّهه
سُـكـْر وحداقه وزهزهه
والمرمغه فوق الرمال
نسيوا وتدهم ع الحيار
في الكارو سايقنهم عيال
نسيوا الدواره
ناف السواقي والغما
في الري والتلويط
حرقوا الكمامه
والعمامه
وفلانكة المحرات
نسيوا الكواكب في السما
قلعوا خلاص زعب الغبيط
يبقي انت ليه.؟
من غير دليل
بتقول كلام
يشغل قلوب والشك فيه
ياعم داحنا اشبعنا لوم
عايز نهارنا يبقي ليل.؟
والليل وراه تيجي الغيوم.؟
عصافير وننسي الزقزقه.؟
والخيل يبطل دقدقه.؟
ماكفايه حقد ع الحمير
أصل الحياه ، مش ناقصه زوم
والشمس طافشه م الهموم
دول حلف عايش خندقه
مملكته حلوه محندقه
عايشين حياه مترستقه
ويّـا الديابه والتعالب والقرود
حتي الجوارح والزواحف والفهود
بس الأسود
جوّا الحديد متلجمه
وكتير صحاب من كل لون
أصل الحياه متقسمه
نرضي الإله ، كله يهون

.........

أستاذ محمود
كلماتك رائعه
قرأتها مرات ومرات
وكانت النتيجه هذه الكلمات
أعمل إيه أكتر من كده
المهم
أشكرك لو تقلبت مروري المتواضع
وللجميع تحياتي

موضوع: رد: مفاوضات الإثنين سبتمبر 20, 2010 2:40 pm

الاستاذ الشاعر الكبير/ محمود جمعة
ابدعت و شر البلية ما يضحك
اسلوب ساخر واسقاط اكثر من رائع
احييك على هذا العمل الذى يحمل فى طياته الكثير و الكثير
وكأنها عمل مسرحى مصغر
تقبل منى كل تقدير وتحية

موضوع: رد: مفاوضات الإثنين سبتمبر 20, 2010 2:44 pm

الاستاذ / محمود جمعة
ملحوظة
اولا:اعتذر لتأخيرى فى الرد على هذا العمل
ثانيا: اعتقد انك لم تلحظ ان اول مرور للاستاذة الجميلة والاديبة المبدعة بسمة الورد
اشكرك وارجو ان تتقبل خالص التحية
اختك فى الله

» من غير دليل ..شعر : ضياء الدين البري ..ردا على : مفاوضات