حكاية عم حســين ( منولوج )

حكاية عم حسين

""""""""
مرة فى يوم .. لملمت احزانى

وغزلت همومى.. ولفتها فى منديل

حطـِّيتها وديعة وإديتها أمانة

فى دكان عم حســين

- قـُلتـ له خليها عندك واحميها

وأياك تحكيها للناس التانيـين

بس عاديك وساعتها لقيتهـا

كل الدنيا والناس عـارفيــن

- قـُلتـ له ليه ياعم حسين ؟

- قال لى يابنتى مانتش عارفه

إن أنا واحد م الناس التانيين

_ اه يامصيبتى ياحظى يابختى

حتـَّى انتَ ياعم حسين

- قالى يابنتى دول يا حرام مش فاهمين

- مش فاهمين ؟

طب ماتقولى ياعم حسين

- شوفى يابنتى من غير علقم

طعم السكر ما لهُ دليل

ولولا الأبيض ما كان فى

ألوان تانيين

وزى الدنيا ما فيها طيابه فيها كمان

كتير خاينين

ردَّيت قـُلت يكترخيرك

وكمان ليه ربى يخليك

وتعلمنى كمان وكمان ياعم حسين

وهو دا كان وهي دى حكاية عم حسين .


***************