مش عارفه ... أكتب

وأن كمان والله يا أستاذة نفسى أكتب بس مش عارف
لو لقيتى حل يبقى قوليلى عليه

الشاعر الجميل والمبدع .. استاذ عادل
كل سنه وانت بكل الخير
شكرا استاذى على تنسيق القصيده واكيييييييد عجبانى
فعلا انا احيانا بيبقى عندى فكره لقصيد لكن علشان
اخرجها فى نص بجد صعوبه شديده وده بيضايقنى جدا
وبحس انى خلاص مش هعرف اكتب تانى
لكن زى ما حضرتك قلت الجمل بتيجى من غير
ما نضغط عليها او نرتب لها .. لأن الشعر بالنسبه
لى مرهون بأحساس اللحظه مش حرفه
لازم يبقى فى محفز يخرج من جوايا الكلمه
شاكره لمروك الجميل

الأخ الشاعر الجميل ابو عدنان
صباح الخير .. وعيدك مبارك
وعساكم من عواده

ولو ان الأستاذ عادل شرح لنا القضيه
لكن اوعدك لو لقيت الحل هقولك
وان شاء الله تكتب وتخرج لنا
احلى كلام

فاطمة حمزة كتب:

الشاعر الجميل والمبدع .. استاذ عادل
كل سنه وانت بكل الخير
شكرا استاذى على تنسيق القصيده واكيييييييد عجبانى
فعلا انا احيانا بيبقى عندى فكره لقصيد لكن علشان
اخرجها فى نص بجد صعوبه شديده وده بيضايقنى جدا
وبحس انى خلاص مش هعرف اكتب تانى
لكن زى ما حضرتك قلت الجمل بتيجى من غير
ما نضغط عليها او نرتب لها .. لأن الشعر بالنسبه
لى مرهون بأحساس اللحظه مش حرفه
لازم يبقى فى محفز يخرج من جوايا الكلمه
شاكره لمروك الجميل

الشاعر الرائع
استاذ عادل... صبحك الله بالخير
استاذى انا على يقين من ذلك .. فالأبيات التى تكتبها
وتهزنا جميعا من الداخل ولابد وان كان لها محفزا قويا
حرك وجدان شاعر مهموم بقضايا وطنه وامته فعبر
وابدع واخرج بصدق فتلقيناها بنفس الأحساس
اتمنى استاذ عادل ان اخرج قريبا من دائره اللا جدوى
التى اعيشها الأن

دمت بخير

الأستاذ الشاعر والمناضل
الباشمهندس .. عطيه الشواش
صباح الخيرات
اليأس مش مسموح .. اتمنى ان ادفعه عنى ولكن كل ماحولى
لا يدعو للتفاؤل..
ماذا تشعر عندما ترى الصور والنماذج التى كنت تؤمن بها
تتساقط امامك الواحده تلو الأخرى لتحدث دويا يهز اركانك
ويهز معه كل الحقائق التى توهمت بوجودها يوما فتتزعزع
ثقتك فى كل شئ .. سأعطيك مثلا واحدا من امثله كثيره
بعض الأقلام التى كنت اتوسم فيها النزاهه والشرف والجرئه
على قول كلمه الحق ودون خوف وكنت اتابعها بشغف واجد
فيما تكتب مايشفى بعض من غليلى .. وهم فى حقيقه الأمر
مجموعه من المنافقين الطبالين والزمارين والعازفين على
على وتر الألم .. وهذا ما عرفته اخيرا
ماذا تشعر عندما تجد كل شئ امامك يتهاوى وانك كالغريق
الذى لم يجد حتى القشه التى يتعلق بها ...
فما جدوى الكتابه ؟؟ وماذا لو انكسر القلم .. اهناك اسوء
من انكسار النفس والقلب ..
نعم قد نجد فى الكتابه التعبير عن الصراخات المحبوسه
وتفريغ لشحنه الغضب التى تغلى بداخلنا .. ولكن لا حياة لمن
تنادى ..الناس نيام يا استاذى والغيبوبه طالت..
قل لى بالله عليك منذ متى والحكومات هى التى تصنع
التاريخ .وماذا عن دورنا نحن فى هذا كله .. ديكور ؟
يبدوا اننا لانريد الحياه واستعذبنا الموت

فاطمة حمزة كتب:

كل ما بكتب .. شطر قصيده

يهرب منى .. الشطر التانى

والجمله .. عن عقلى بعيده

تايهه عن فكرى .. ونسيانى

حتى قلمى .. كمان مخاصمنى

سايق تقل .. وزعلان منى

قال ايه .. عامل اضراب

من غير .. ما يوضح أسباب

وشتات عقلى .. خلاص جننى

نفسى ارجع .. اكتب تانى

نثر وشعر .. كلام ومعانى

وافتح باب قلبى .. الجوانى

يخرج منه .. فرحى وهمى

لكن فى شئ .. مش مفهوم

سجن الكلمه .. وسط غيوم

واقف .. بين عقلى ووجدانى

فاطمه حمزه

الشاعرة الجميلة
فاطمة حمزة
بجد رائعة يا فاطمة انتى كده مش عارفة تكتبى امل
احنا نجي جنبك ايه بعد الكلام الجامد الى انتى قولتيه ده
بس فعلا احيانا الواحد بيقعد فترة كبيرة مش عارف يكتب حاجة بس ممكن من موقف بسيط يحصلة
او يشوفة فى اى مكان يلاقى نفسة بيكتب علطول يعنى انا علطول بكتب وانا ماشى ى الشارع
ااو راكب الميكروباص هههههههههه
دمتى رائعة يا فاطمة وانا عارف ان عندك اجمل واجمل فى الفترة الى جاية بس انتى تقلانة علينا
دمتى بكل خير وحب
تيمو

استاذى الشاعر والمبدع .. الدكتور صلاح طاهر
شكرا على توجيهاتك المفيده ..ربما فعلا فكره القصيده
تحتاج وقت حتى تخرج بشكل طبيعى .. وخروجها ليس
له وقت نحدده نحن ولكن احيانا تشوش الأفكار لأسباب
ما فتوقف تدفقها . التفعيلات عقدتنى يا دكتور وسأتوقف
عن القراءه اذا كانت ستجعلنى اتوقف عن كتابه الشعر
كل هذه الفتره ..ست شهور ده حكم فى جنحه
واحقاقا للحق همساتك وتوجيهاتك اجدها افيد لى فهى تأتى
قطره قطره وسأستوعبها مع الوقت بس خليك صبور مع تلميذتك
شكرا لمرورك استاذى ودمت بخير
وكل سنه وانت طيب

استاذنا وشاعرنا المبدع ..عاطف عاشور
كل سنه وانت طيب
جبر خاطر مقبول ..
بس بجد دماغى فيها شخبطه
حاجه مش مفهومه وملخبطه
والأمور .. مش متظبطه
العقل ..تاه ويا الأهات
جوه شوارع .. وفى حارات
والخطوه بتمد .. لساعات
تعبونا قهر .. ومرمطه

الشاعر الجميل ..والأكثر روعه
تيمو .. كل سنه وانت طيب
وعيد فطر مبارك وسعيد

كلامك صحيح وتمام .. لان الشغر بالنسبه لنا مش حرفه
وفعلا ممكن يجى لك الهام فى اى مكان ببيت شعر
فى قصيده وتتوالى الأفكار
اما بقى يا استاذ يا متواضع .. احنا نيجى جنبك ايه
لأ تيجى جنبى وقدامى كمان .. انت شاعر هايل
وده مش رأى لوحدى لأنه هكيون متواضع جنب
اراء شعرائنا المبدعين اللى قالوا فيك كده
شكرا على مرورك تيمو

الشاعره الجميله والمبدعه .. عزه
اولا اشكرك على تثبيت القصيده
وان كان عنوانها مش عارفه اكتب
وبحاول والله ياعزه وفى طوبه واقفه
فى دماغى ..بس الحقيقه كلامكم مطمنى
وانا سعيده بأهتمامكم ونصايحكم الغاليه
وما على الا الصبر لعل الفرج يأتى قريبا

شكرا لمروك الجميل
ودمت بخير

الشاعر المبدع الأستاذ محمود جمعه
كل سنه وانت طيب
وعيد فطر مبارك
اعرف ان هذه الحاله تمر بكل الشعراء ربما انا قليله
الصبر ويمكن علشان جديده فى الكار
اكتب الشعر من فتره ولكنى كنت اتوقف بالسنوات
دون ان اكتب حرف واحد ولم يكن بقلقنى ذلك
لأن كل ما كنت اكتبه حبيس الدفاتر .. من شهور
فقط انتظمت فى الكتابه وكان لهذا المنتدى الجميل
الفضل الأكبر لحثى على المتابعه والأستمرار
ولذا تجدنى لدى رغبه دائما فى تقديم الجديد
شكرا استاذ محمود على مرورك وطيب كلامك

اميرتنا الشاعره الجميله
صباح الفل ياست الكل
جميله جدا ابياتك اميره كملتى بروعتك
ما بدأته ربنا يفتح علينا وعليك
اذا هرب الألهام بتبقى مشكله
وهو مبيرجعش بالألحاح .. لكن
لازم نطنشه ونهمله ونعمل مش
واخدين بالنا فيرجع زى ال...

اسعدنى مرورك الجميل