جايز

بريت قلمى وكراسى كمان

جاهز

وقلت أكتب من الممكن وم الجايز

أزيح الحمل عن قلبى

قعدت أكتب وأقول وأحكى

وساعة أضحك.. ساعات أبكى

وأروى كل يوم قصة

كأنى طالبة وف حصة

بأحاول أجمع الإجابات

فلان سافر وغيره مات

ومين فاهم ومين صالح

ومين فاشل ومين طالح

ومين عايش فى توب غيره

وفات أرضه وفات خيره

ومين بيدور ورا المتاهات

يعيش فى الوهم والحكايات

ويهرب من لظى الواقع

ولا شايف ولا سامع

ولا حاسس بمشاكلنا

ومين فى الهم مشكلنا

وفرقنا وفشكلنا

ورجعنا لورا لدهور

خلق ضلمة بخنق النور

ومين سارق أوان الحلم

ومين كاتب علينا اليتم

نعيش يتما فى حضن الأم

وحاسين إنه مش سايع

لأحلام عمرنا الضايع

بنجرى لأجل لقمة عيش

وحتى المش بح مفيش

لا متر حرير ولا كيس خيش

نطوله ندارى بيه الجته

ياقلبى ياستميت حتة

ومتوزع على الأوجاع

أنا عقلى أسير جهلى

وحلم عليل سقيم متباع

منى سليمان