ما انت عارفة انى فلاح

ما انت عارفة انى فلاح

ما انت عارفة انى فلاح
لا انا سفير
ولا وزير
ولا طير بجناح
حلمى على قدى
تودينى قد ودي
ونغنى للصباح
ما انت عارفة انى فلاح
ماليش غير يدى
اكل من عرقها
واصون وعد جدى
انى اموت
ولا أفوت ارضى
ارضى اللى بحبك قدها
وبتحبك قدى
اه يا ام قلب طايش
لو تحب الأرض ترضى
وعمرك ما تقولى امتى
وعمرك ما ف يوم تعاندى
ما انت عارفة انى فلاح
وانى بحب الزرعة والمية
وانى لو اطول أسقى أرضى من عنيى
وانا بحبك صحيح
بس ماليش الا هى
وان كان لى خير فيكى
ف الخير أصله هى
يبقى ما تزعليش
أما أسهر ليالى فيها
وأحكى فيها شوية
ده اللى يفوت أرضه
يفوت عرضه
ويعيش من غير قضيه
يا حبيبتى ده أجمل احساس ف الدنيا
الواحد يرتاح فى ضلة ارضه
ياكل لقمة ويمسح عرقه
ويحكى لها عن غرامه وحبه
ويرسم فوق ترابها فرحه
يضحك طينها الطرى ويدعى له
يلاقى البركة طارحة ف عمره
ماليش غير الفاس والمقطف
لا عمرى احايل الايام
ولامستنيها تعطف
اللى عاوزه باخده
واللى مش بطوله مش عاوزه
محدش بيعاند قدره
وينام مرتاح
ما انت عارفة انى فلاح
ودقت ياما جراح
من هنا حبة
ومن هناك حبه
وبفرح بزرع الحبة
وبستنى الحصاد
مش قولتك
كل شئ بمعاد
يبقى ليه الزعل عاد
وتقولى طريقنا طول
وانا لسه حبك عمن اول
اصبرى قرب حبنا يطرح فرح
قرب يوم الحصاد

شعر أحمد صلاح محمود

ahmedsalah124@yahoo.com

خاطره جميله

دمت ودامت روعتك

دمت بحب

خاطرة معنى كده انها مش قصيدة ممكن اجابة

يا عممش لازم تقولها انك فلاح
انت عارف ان فيه عداوة بين الناس والفلاحين
مع ان هم اسا الحضارة الفرعونية اللى بنتشدق بيها عمال عى بطال

من غيرى لا موز ولا خوخ ولا تين
ولا كنده حتبنوا قصور عابدين

أنا بزرع رز وقمح وفول
وبزود ليكم ف المحصول
ما انا بعلف ناس وحمير وعجول
من هدة حيلي أتعشي وانام

من قصيدة فلاح مش فصيح

لا تحزن
الخاطرة هى أول طرق الشعر
اجتهد على موهبتك ولا تتعجل
هذا ما أرادت أن تقوله لك الشاعرة العزيزة على قلوبنا

عزة الزرقاني

دمت بخير
مودتى

الشاعر الجميل احمد صلاح

مش معنى انى قولت لك خاطره

تبقى عمل مش كويس

بالعكس

ومثلما قال لك شاعرنا الكبير

عاطف عاشور

لو تنظر الى قسم الخواطر

سوف تجد لى خواطر كثيره

ويمكن تستغرب عشان هتلاقى اغلبها موزون

لكن مش كلها

هكذا فعلت انت

كتبت موضوع جميل ولكن ينقصه موسيقى الشعر

ولذا تسمى خاطره

ولو احبتت تنزيلها مره اخرى

وتنسب لشعر العامى

فاعليك بظبط الوزن واعادة سردها

فلا تغضب

فما اجمل الخاطره التى تفيد المعنى وبناء االحرف

ولا يلزم فيها الالتزام فى الوزن والقافيه

دمت بحب دمت بخير

وانا بردك فلاح ياسى احمد

هية دى شتمه كمان باقريبى

ليه هاتسلط نارى عليا

والقى بيزيد جوايا لهيبى

الفلاح لو يبقى كويس

زوق وآصالة ف جنب حبيبى

لازم يبقى مجليط واغبر

لأه دا شىء هايزيد تعذيبى

جميل ماكتبت ياأبو حميد

والقادم اجمل

تحياتى

الاستاذ / احمد صلاح

ارى امامى شاعر ويمتلك ادوات رغم بساطتها

إلا انها عبرت عما بداخلها . وبدايات مبشره بالخير

وننتظر وقريباّ جداّ القصيده الكامله .

تقبل منى تحيتى ومودتى ...

أخي احمد صلاح
كل من يمر على عملك و قدم تعليقا
فهو شهادة لك على أن العمل به شئ ٌ يستحق الوقوف
و التعليق عليه فممكن يمر القارئ و لا يستوقفه شئ ليعلق عليه
و هنا يموت العمل
و انت تمتلك روح شاعر و تعرف كيف تتكلم عن موضوع
و لديك القدرة على ذلك و لكن ما يعيب أعمالك و هنا هذا العمل
هو عدم تمكنك من السير على بحر عروضى واحد
فهنا مثلا بدات بتفعيلة بحر الرمل = فاعلاتن فى قولك ما أنت ِ عارفه
و كان يجب أن يسير العمل على هذا المنوال و لكنك دخلت فى اشياء اخرى بعيدا عن هذا البحر هى أشياء ستمتلكها فى قادم الأيام حتى لو لم تعرف على أى بحر تكتب
ستتعلمها سماعيا و مثال لبحر الرمل
( يا حبيبي / كل شئ ٍ / بقضاء ** مابأيدي/نا خلقنا / تعساء * و هى على وزن
فاعلاتن / فاعلاتن / فعلات ** فاعلاتن / فاعلاتن / فعلات
يا صديقي أكتب و ليس عيبا أن تكون خاطرة و لو كنت مكانك لكتبتها فى الخواطر
كل عمل لى و عندما يجد المشرفون قصيدة سينقلونها للقسم الصحيح
يجب ان يكون لديك الصبر و التحدى لتكون شاعر فلقب شاعر لا يحصل عليه
سوى المجتهد و الشعر كما يقال طويل سلمه لا يبلغ نهايته سوى قلة قليلة من الشعراء
دمت بخير

كل عام وانتم بكل خير

عيد سعيد

اعاده الله عليكم بالخير واليمن والبركات

» و لد فلاح
» انا فلاح م الريف
» فلاح -مـــــش- فصيح
» فلاح وليا الشرف
» حكاية فلاح مع الأوتوبيس فى مصر ( من ديوان كرابيج 2008 )