فاكره انى عشان بحبك انسى عزة نفسى ليكى (سيف الدين الدسوقى )

فاكره أنى عشان بحبك أنسى عزة نفسى ليكِ ؟

وارضى ظلمك لى مشاعرى ونظرة بى أطراف عنيكِ ؟

وأبقى شاعر يبيع كرامته ديمة واقف بين أيديكِ ؟

مستحيل ما ممكن ..أقل تانى ما بسأل ...عليكِ

نحن نتفانى ونضحى ونسهر الليل الطويل

نهدى للحب ضو عيونا وكل إحساسنا النبيل

نحيا مهما عشنا ليه وما بنلاقى سوى القليل

نحن ما نصنع مصيرنا وما بنضارع المستحيل

مرت الأيام علينا كم فرحنا وكم بكينا

كلمة طيبة تجينا منك تبقى موسم بهجة فينا

وكلمة زعلانه وحزينه تهدم أمالنا البنينا

وهسى فى تيه المشاعر ضحكت الأحزان علينا

صرت متعب فى هواك وعندى احساس بالندامة

وحاجة تعصر قلبى لما أبكى من جرح الكرامة

والحروف فى لسانى ماتت وفوق عيونى مشت غمامة

وأنتهت قصتنا بدرى يا ربيعى مع السلامه

[b]

الرائع سيف

اهلا ومرحبا بك فى بيتك ومنتداك

موضوع جميل

ولا ينقصه الا القليل

دمت بحب[

/b]