سألت عنيكي .. أحمد سعيد موسى

سألت عنيكي
....
..
سألت عنيكى جاوبوني
بإنك دبتى ف عيوني
وليه تدّاري من حبي
ياصوتي و نبضي و سكوني
..
بحبك قلتها ف همسه
وإيه فاضل كمان لسه
و لو هتقولي مش حاسه ؟؟
هحبك زى متكوني
..
دا حبك جنتي وناري
ومهما تحاولي تدّاري
بشوفك نجمه فِ مداري
واشوفك عقلي وجنوني
..
غرامك تاج على جبيني
تطفّي الآهه ف أنيني
ونظرة عين بتحييني
ياحبي و حيرتي و ظنوني
..
بحبك.. أيوه مش ناكر
وقمري معايا بيذاكر
عشان الصبح اكون فاكر
أقول الحب بعيوني
..
معاني الحب دي قليله
وانا اللي ف قلبي ميت ويله
يا شمس الروح .. يا ضلّيله
حياتي تهون ولا تهوني

......
..
كلمات / أحمد سعيد موسى

أيام ما كنت بكتب أغاني
قديمة جدا .. بس حابب رأيكم فيها
تحياتي

احمد جميلة جداجدا سألت عنيكي .. أحمد سعيد موسى 29832

ثبتت بواسطى

لجمال الشاعر والشعر

Very Happy

ياولد يااحمد موسىالله عليك

شاعر قاتل

وعنائية اكثر من رائعة

لك تحياتى دائما ياأستاذ احمد

ياابو موسسسسسسسسسسسسسسسسسسسى

هبه سلامة كتب:: احمد جميلة جداجدا

والله يا هبه الأغنية دي قديمة جدا من بداياتي
الحمد لله إنها عجبتك وشدي حيلك هتبقي أحسن مننا كتير
إنتي أدواتك جميلة
تحياتي

الله عليك اغنيه رائعه بكل المقاييس فيها معاني رائعه
وان كان القالب الغنائي بها مكرر كفكره او بالاحري كنمط يدور حوله كاتبي الاغاني
ولكن كلماتك متسلسله في حوار رائع حاولت ادندنها طلعت معايا كده راجع معايا استاذ
احمد بدقه لو سمحت
****
سألت عنيكى جاوبوني
بإنك دايبه في عيوني
وليه تدّاري من حبي
ياصوتي و نبضي و سكوني

بحبك قلتها ف همسه
وإيه فاضل كمان لسه
و لو هتقولي مش حاسه ؟؟
هحبك زى متكوني
..
دا حبك جنتي وناري
ومهما تحاولي وتدّاري
بشوفك نجمه فِ مداري
واشوفك عقلي وجنوني
..
غرامك تاج على جبيني
تطفّي الآهه ف أنيني
ونظرة عين بتحييني
ياحبي و حيرتي و ظنوني
..
بحبك.. أيوه مش ناكر
وقمري معايا بيذاكر
عشان الصبح اكون فاكر
أقول الحب بعيوني
..
معاني الحب دي قليله
وانا اللي ف قلبي ميت ويله
يا شمس الروح .. يا ضلّيله
حياتي تهون ولا تهوني

*****
كلمة بيذاكر مش مستسغها معرفش ليه مع جمال معاني كلامك؟ومعرفتش اغيرها
معرفش انا شوفتها كده
****

المقطع ده بقي روعه بجد فيه ابداع جديد لانج

بحبك قلتها ف همسه
وإيه فاضل كمان لسه
و لو هتقولي مش حاسه ؟؟
هحبك زى متكوني
****
اتمنالك التوفيق
روعه يااحمد بجد بجد وياريت تعرض اعمالك دي علي اهل الفن والمزيكا
ومتقلش السكه صعبه حاول وحاول وحاول

تحباتي ويارب ميكنش كلامي تقيل عليك
طاهر الصوفاني

ياااااه يا احمد فكرك في حد في الزمن ده ممكن يقول لحبيبته " حياتي تهون ولا تهوني"؟
بس بجد قصيده موفقه
في الجول زي ما بيقولو

والله ماعارف اقول ايه !!

لكن اقول غنائيه ولو كثتبت من قرن بها خرفيه

واضحه ومهارة شاعر مقتدر .

دامك الله دائماّ شاعراّ وكبيراّ .

مودتى ابنى احمد وخالص تقديرى ..

الشاعر الحبيب \احمد سعيد موسى

والله العظيم حاجة رائعة وفوق الوصف

تسلم الايادي والقريحة ايها الشاعر الواعي

دمت جميلاً وكل عام وانت بكل خير

الشاعر الرائع
احمد موسى
حبيب قلب يابو حميد
شعر قديم ولا جديد كلماتك كله اعمالك ملهاش حل يا بو حميد
بجد رائع الله ينور عليك

دا حبك جنتي وناري
ومهما تحاولي تدّاري
بشوفك نجمه فِ مداري
واشوفك عقلي وجنوني

هذا المقطع يا احمد من اجمل ما قرات
دمت بكل حب وابداع
اخوك
تيمو

وأقولك إيه دأنا بحبـــــــــــــــــــــــــــــــــك

جميل يا أحمد كعادتك
دمت صديقى جميلا

د /صلاح طاهر كتب:: ثبتت بواسطى

لجمال الشاعر والشعر

ثبتنا الله وإياك بالقول الثابت في الحياة الدنيا وفي الآخرة
شكرا أيها الكريم

علموناالحب يكون إزاي

ماهو إحنا فاضيين 00000

بس إيه الجمال ده ياعم أحمد

الحمد لله إن أنا راجل

وإلا ماكنتش حتخلص مني

وبعدين أنا مش قلت لك قبل كده

سلفني النضاره دي حبه ؟

يمكن أعرف أأقول زيك

ولا إنت راجل بخيل؟؟

تحياتي لأحاسيسك الراقيه

يا ابن ال....
اللذينا
بس

د /صلاح طاهر كتب:: ياولد يااحمد موسىالله عليك

شاعر قاتل

وعنائية اكثر من رائعة

لك تحياتى دائما ياأستاذ احمد

ياابو موسسسسسسسسسسسسسسسسسسسى

ياعمنا والله منا قد الكلام الحلو دا
إنت مرورك عندي بالدنيا
وبعدين دي قديمة والله وبطلت أكتب النوعية دي من زمن
رغم ان عندي منها كتير حضرتك عارف البداية بتكون أغاني
تسلملي ويسلم لي مرورك يا حبيب
أحمد

طاهر الصوفاني كتب:: الله عليك اغنيه رائعه بكل المقاييس فيها معاني رائعه
وان كان القالب الغنائي بها مكرر كفكره او بالاحري كنمط يدور حوله كاتبي الاغاني
ولكن كلماتك متسلسله في حوار رائع حاولت ادندنها طلعت معايا كده راجع معايا استاذ
احمد بدقه لو سمحت
****
سألت عنيكى جاوبوني
بإنك دايبه في عيوني
وليه تدّاري من حبي
ياصوتي و نبضي و سكوني

بحبك قلتها ف همسه
وإيه فاضل كمان لسه
و لو هتقولي مش حاسه ؟؟
هحبك زى متكوني
..
دا حبك جنتي وناري
ومهما تحاولي وتدّاري
بشوفك نجمه فِ مداري
واشوفك عقلي وجنوني
..
غرامك تاج على جبيني
تطفّي الآهه ف أنيني
ونظرة عين بتحييني
ياحبي و حيرتي و ظنوني
..
بحبك.. أيوه مش ناكر
وقمري معايا بيذاكر
عشان الصبح اكون فاكر
أقول الحب بعيوني
..
معاني الحب دي قليله
وانا اللي ف قلبي ميت ويله
يا شمس الروح .. يا ضلّيله
حياتي تهون ولا تهوني

*****
كلمة بيذاكر مش مستسغها معرفش ليه مع جمال معاني كلامك؟ومعرفتش اغيرها
معرفش انا شوفتها كده
****

المقطع ده بقي روعه بجد فيه ابداع جديد لانج

بحبك قلتها ف همسه
وإيه فاضل كمان لسه
و لو هتقولي مش حاسه ؟؟
هحبك زى متكوني
****
اتمنالك التوفيق
روعه يااحمد بجد بجد وياريت تعرض اعمالك دي علي اهل الفن والمزيكا
ومتقلش السكه صعبه حاول وحاول وحاول

تحباتي ويارب ميكنش كلامي تقيل عليك
طاهر الصوفاني

الأخ الحبيب / طاهر الصوفاني
أهلا بكَ أيها الأخ الحبيب وبتعليقك الجميل المثمر
وياليت كل من يمرّ على أي عمل لي يدلي برأيه وبكل وضوح هكذا
كما فعلت الآن ...
اسمح لي بمناقشة ملاحظتك فالأولى :
قلت في ردّك (( حاولت ادندنها )) أي دندنة للوزن والمعنى
و ( دايبه ) نفس الوزن هي و ( دبتي ) حيث لا يكتب ألفها في التوزيع العروضي
ومن حيث المعنى قلتُ ( دبتي ) لأنَّ فعل الماضي يفيد التقرير والتأكيد وهذا ما أردته حقيقة

أما الملاحظة الثانية :
فلو وضعنا حرف الـ (( واو )) سيؤدي إلى كسرٍ في الوزن
وتغيير في البحر الشعري الذي سارت عليه الأغنية ...

الملاحظة الثالثة :
(( بيذاكر )) أراها صورة شعرية متواضعة جعلت من القمر تلميذا
يتهجّى جمال المحبوبه وكأنّه مقرر عليه ولا يروق لي تغييرها ..

ولكنّها أولا وآخرا أذواق يا أخيّ وما يروق لي قد لايروق لغيري
ولا ضير أبدا واختلاف الراي لا يفسد للودّ قضية ..

أمّا عن البحث عن الفنّانين وهذا الوسط فقد حاولنا مرارا وتكرارا ووصلنا إلى بعضهم
ولكن ........ هكذا أفضل (( سجِّل وانشر ))

محبتي وتقديري
أحمد

الشاعر الأستاذ أحمد موسى غنائية تفكرنا بزمن نجاة وفايزة أحمد وعادل مأمون ..لازم تتغنى على الأقل تنضف بيها وداننا ...لأحسن تعبنا من الغنا اللى مالهوش لازمة ....جميلة ويا ريت تعرض علينا أعمالك القديمة ولا تبخل بذلك ....دم مبدعا أرجوك ..

دعاء العطــار كتب:: ياااااه يا احمد فكرك في حد في الزمن ده ممكن يقول لحبيبته " حياتي تهون ولا تهوني"؟
بس بجد قصيده موفقه
في الجول زي ما بيقولو

أنا بقول وبنفذ والله ههههههههه
بس معندكيش بت حلال تستاهل أخوكي ؟؟
د الحكم حسبها تسلل

[b]

اجاوبك ايه

واقول لك ايه

وحرفك ياه

ماقولش عليه

جمال الدنيا

اصبح فيه

ويابختها بقى

اللى تنول

ف يوم

معانيه

دمت رائعا كاعادتك

دمت بحب[

/b]

الشاعر الرائع : أحمد موسى
قصيدة غزلية غنائية رائعة
كتبتها باحساس ملفت جدا
شكلك كده كنت زمان روميو كبير
ماهو القديم عندك كله رومانسية بالشكل ده
يالا بقه صعبان عليا شكلها راحت عليك
هههههههههههههههههههههههه
ابدعت يا احمد فى غنائيةمتميزة تحسب لك

عادل عوض سند كتب:: والله ماعارف اقول ايه !!

لكن اقول غنائيه ولو كثتبت من قرن بها خرفيه

واضحه ومهارة شاعر مقتدر .

دامك الله دائماّ شاعراّ وكبيراّ .

مودتى ابنى احمد وخالص تقديرى ..

تقول ايه بس انت مخلّي حد عارف يقول حاجه ؟؟
ههههههههههه
الله يكرمك يا رب يا أستاذنا ردودك شهادات شرف ليا
بارك الله فيك أبي العزيز
أحمد

أحمد سعيد موسي الشاعر الاخ والصديق ..ياعم حيرتني وراك .. من عامي لفصيح .. ومن غنائي لغزلي ..ومن ومن ومن ..اروح من الجمال ده فين .. ياعم خلي الناس تاكل جنبك عيش ..جمييييييييل اوي يابوحميد ..رائع ورب الكعبه ..دمت رائعا متالقا جميلا وبكل خير وسعادة