أعلان هاااام ..اتوقف عن الكلام في عبد الناصر

عمي وأخي الحبيب عادل عوض سند .. أنا أعلن انني أتوقف نهائيا عن الكلام في هذا الموضوع على المنتدي .. لن اخوض في موضوع عبد الناصر مرة أخري ... ليس من أجله .. وليس لشيء الا لانكم أغلي عندي من ناصر وأنقلابه وحقبتة .. اتوقف واطلب من الله أن يبين لي ولكم أمرا ظاهرا لا لبس فية .. أنا لم ولن أفتري علية وأعوذ بالله ان أفعل .. انا كتبت قناعاتي الشخصية التي جمعتها من مصادر عديدة اصدقاوءه قبل أعدائه .. ومن نتائج لا تحتمل الشك ..ولا تتأثر بالمد الناصري الذي حقن عبد الناصر في دمائنا ..
أعلن لك أخي الكريم .. ولأخي الحبيب طارق منيب ..ولا ستاذي الكريم عطية شواش ..ولابنتي فاطمة حمزة ..وللجميع .. أنني اتوقف عن الكلام عن عبد الناصر على هذا المنتدي حبا فيكم أنتم .. وحتي لا أزعج قناعاتكم والتي أعرف مدي تأثرها به .. أحبكم جميعا .. ولمن اراد النقاش مع في الموضوع فليرسل رساله خاصة وسوف ارد بايميلاتي .. ولكن ارجوكم الا يفتح أحدكم الموضوع معي مرة أخري ..أتركه لا جلكم لاني أحبكم ..

الاخ الحبيب

محمود جمعه

خيراّ مافعلت . فهذا الموضوع له مريدينه

وله مؤيديه وله معارضيه .

فدعنا منه والله اعلم بما نجهله .

دمت صديقاّ اعتز به ما حييت ...

يســــــــــــــــلم فمك ياسى محمــــــووووووووووود...!!!!

ههههههههههه

لاكن إيه رأيك فى عبدالناصر

ههههههههههههههههه

Smile

آه .. انت داخل بقى تهدى النفوس

ماشى د / صلاح لما اقابلك ...

هههههههههههههههههههههههههه

استاذي الحبيب صلاح طاهر ... عمي الحبيب عادل عوض .. انا عندي موضوعات أهم انا وعدولة كنا بنتكلم فيها أمبارح ياريت يا دكتور تروح على قضايا عامة وتشوف موضوع الاستاذة اسماء عبد العزيز وتقول لنا رأيك .. ...هو ده الكلام .. مش تقولي سياسة ووجع قلب .. والا اية يا عمنا عادل ....ههههههههههههههههههه

عبد الناصر محمد كان لاعب المقاولين في التسعينيات.. وكان مرشح يحل محل حسام حسن في المنتخب في كأس أفريقيا 98... ههههههههههههههه ضحكت عليك يامحمود

ايوه فاكره مش ده اللى شد الشورت

بتاع الخطيب .

هههههههههههههههههههههههههههههه

عندك حق يا حوده

تعالى نشوف الموضوع الاهم ده .

بلا سياسه ووجع دماغ .

اخدنا منها ايه غير السكر والضغط

ياللا كل واحد منه لله .

مش انت . دا اللى فى بالى .

هههههههههههههههههههههههه

عبد الناصر ده كان اللبان في بحري زمان ..وانا لسه فس بيت ابويا .. فاكرة يا عادل كان بيركب عربية بحصان ولية جرس مميز ... كان منجوز 3 وكلهم بيوزعوا معاه اللبن ..كل ما يحتاج يوسع الشغل يتجوز واحدة بدل ما يشغل معاه واحد .....

ايوووووووه .. لسه فاكره ؟؟؟

مين عبد الناصر بتاع اللبن ده ؟؟؟؟؟؟؟؟؟؟؟؟؟؟؟؟؟؟؟؟؟؟

هههههههههههههههههههههههه

استاذنا الشاعر الكبير .. محمود
والله احنا كمان مش عايزين ندخل فى متاهات الخروج منها صعب
والموضوع هيطول والجدل فيه مش هيخلص وكل واحد عنده قناعاته
المتسمك بيها وانا شخصيا بحترم كل الأراء المعارضه والمؤيده
وربنا يرحم عبدالناصر هو فى دار الحق واحنا لسه بندور عليه
فى دار الباطل ربنا يخرجنا منها بحسن الخاتمه
وبعدين يا استاذ محمود بنتك دى هبقى بكبرك قوى علشان
انا كمان مش صغيره قوى
ودمت بكل الخير Very Happy

يا استاذة فاطمة حمزة الستات كلهم صغيرين هو فية ست في الدنيا بتكبر ؟؟ ههههههههههههههههههِ

أخي العزيز الفاضل / محمود جمعه

ليس صحيحآأن ندعوا إلي فصل

السياسه عن الإبداع إنها موجوده

منذ البدايه وعند البعض قبل البدايه

وكل منا يبدع وفقآ لثقافته

ونشأته الإجتماعيه وإنتمائاته

الفكريه ( الأيدلوجيه )

هذه هي المساحات الإبداعيه لكل منا

التي تصنع أيضآالحاله المزاجيه لدينا

ونختلف كيفما نشاء ولكن لا ننسي ان

المباره في الفن وليس في السياسه

ولا ننسي أيضآ ( وأنا متأكد من هذا )

أن الخلاف في الرأي لن يؤدي إلي إختلاف في

السلوك المسأله أبسط من جهد إحتوائها

ونحن إخوه بإختيارنا وسنحافظ بكل جهد

علي هذه العلاقه الجميله

وعلي العموم إن حب أحدنا للون الأبيض

لايعني أن كل الألوان سيئه

وبعدين ياعم الحاج أنا باعت أهنيك

بالصوره والجرافته تدخلني في موضوع

تاني 000000 إنت عارف أنا والله

العظيم بكتب الشعر ده علشان مزاجي أنا

ولو ماقدرش يبسطني أنا الأول والله

ماناموريه لحد 00000

وأظن إنك كده كمان 0000 يالا ياحوده

كل سنه وإنت طيب ياسماره

أخي الاكبر وأستاذي الجميل المهندس عطية شواش .. والله ردك جميل وشامل ودمه خفيف اوي كمان ... نعم أخي الكريم لايجب فصل اي موضوع عن الفن والابداع لاننا نكتب ما يتعمل داخلنا وما تنبض به أفكارنا .. ولكن الموضوع ده بالذات فيه قدر عالي من التحزب وأنا احسست ان ارائي مزعجة ونحن مازلنا في بداية المشوار فكل ما كنت فعلت هو المناوشات الفكرية ..قبل تمهيد ارض المعركة بالمدفعية الوثائقية ... قبل بداية تقدمالمشاة الى مواقع العاطفة السياسية ..ثم دخول المعركة بطيران النتائج والارقام .. وانهاء الحرب بالكيماويات التي تطهر ارض المعركه من الافكار المضادة .. ولكن قدر الله وما شاء فعل ..

ثانيا نعم يا أخي الكريمانا ايضا أكتب الشعر لنفسي اولا ولكي يسعدني ولا أمرره الا اذا احسست بالانبساط والمزاج العالي ...

ثالثا .. كرافتة ايه بس دي بتاعتة ابن عمي واخدها من جاره لما استلفها شوية من مديرة في الشغل ...هههههه

كل عام وانت بألف خير ...وتقبل الله منا ومنكم

اخوانى وأساتذتـــــــى وزملائــــــــــــــــى

عادل.....عاطف......محمود..... شواش......طارق ....والجميع

فى احد الندوات الكبيرة بالزقازيق سئل احد المعروفين سؤالا مهمـــا جدا

ارجو قبل الأجابة ان تفكر بعمق لأن اجابتك ستفتح سؤالا اخر وهكذا

السؤال هو :

لماذا نكتب الشعـــــــــــر..؟

وسل نفسك مرة اخرى لماذا ؟

ستجد ان هناك اجابة جديدة اذن الأجابة الأولى ليست كافية اوانها ليست نهائية

نريد فى النهاية ان نصل جميعا لإجابة نتفق عليها جميعا ونرتضيها

اذن

لماذا نكتب الشعـــــــــــــر؟.

أخي العزيز الدكتور/ صلاح

السلام عليكم

بالنسبة لي:

1- الهواية
2- التنفيس
3- التفاعل مع الأحداث

دي دوافع:

أما بالنسبة باكتب لأيه:

أميل جداً إلى النقد الاجتماعي والسياسي..

ده بالنسبة لي .. وبالنسبة لغيري حيختلف..

ولكن فيه دافع آخر.. منذ دخولي المنتدى .. وأنا أشعر بجو أسري جميل وأنني بين أخوتي وأخواتي.. وأبنائي وبناتي.. مما جعلني حريص على الاستمرار في المنتدى والتفاعل معه.. وبالتالي زادت جديتي في كتابة الشعر..

ده كل شئ بالنسبة لي..

أخوك

طارق منيب

أخي واستاذي الكريم الدكتور صلاح طاهر .. عرفت كتابة الشعر لاول مرة وعمري دون الحادية عشرة ..اذ صدمت سيارة نقل اخوين والدهما صديق شخصي لوالدي رحم الله الجميع فماتا وهما في طريقهما للمدرسة .. فوجدتني امسك القلم واكتب

أمتم عليا ومصطفي ؟؟؟.. ولكن للعلم كنتم شهداء
جاء صوت الموت يعوي .. لبيتم كالبرق هذا الدعاء

.....الخ ..قصيدة من 17 بيت وكنت أكتبها لنفسي حزنا على اصدقائي .. قرأها ابي قدرا ..وفوجئت به يناديني ويكافئني وكان رحمه الله محبا للغة العربية والشعر والادب .. ثم عرض القصيدة على اصدقائه ..ثم كتبها .. وعلقها والد الطفلين .. واصبح والدي ينتظر بشغف ما اكتب ..
أصبت بالدهشة المفرطة .. ولكن بالفخر ايضا ..فقد كان والدي شخصية قوية جدا ومهابه ..فمعني ان ينتظر هذا الاب ما أكتب ويقرأه ومعي ويتباسط ويناقش ..أحسست انني مميزا والتصقت بالشعر أكثر ... لاحوذ على قلبه ..وقد فعلت واصبحت مفضلا عنده وانا طفل بين ثمانية أبناء

اكتب الشعر .. - لاكون سعيدا من داخلي ومميزا
- لاعبر عما اعتمل في نفسي من تفاعلات واحداث واحمل هموم امتي ووطني ومجتمعي
- لارسل به رسائل عامة او شخصية ذات هدف خاص او عام
- لمتعة الكتابة ومتعة التواصل مع الاخرين

» عبد الناصر
» إلى الزعيم الخالد جمال عبد الناصر
» صوت لعبد الناصر الجوهري
» رحبوا معى بمصطفى عبد الناصر
» نرحب بالشاعر / عبد الناصر حجازى