عليا السخام - ردا على د صلاح طاهر

أنت مشاغب يا أحمد موسي

والفكرة ف مخك معكوسه

رجعت ابن عاشور يتكلم

عن ميمي وشلتها ودوسه

وحتفضل تتقمع يا أحمد

لماالاقيك واقع ف عروسه

وزنها ستين بعد المية

ورفارف حتحوسك حوسه

عرضها بالميت مترين

والصدر مدللي فانوسه

وسنانها طالعين قدام

وتعضك لو طلبت بوسه

وياعين ماماتك لما تنام

بتشخر .. وبتفطر كوسه

ولسان ولا منشار حداد

وحماتك بتقول ننوسه

حاسب يا احمد م الستات

مش كل الحلوين بسبوسه

وحتبقي ف نهايتها سخام

والفرحه ف قلبك محبوسه

واسأل يا بني مجرب قبلك

اصلي مدوب ميت محروسة

هههههههههههههههههههههههههههههههههههه

مش كل اللي ينقّي يا صاحبي
ينطسّ ويغرق في الحوسه
ولا كل اللي تعدّي تسبِّل
برموشها بنختارها عروسه
ولا كل اللي تقولك دايبه
راح تصْدُق وتكون ننّوسه
ميت صنف ولون صفّي ونقّي
وافصلهم واعزل أو رقّي
واسمعها هتطلع من بُقّي
لو يوم احتارت ف تصنيفهم
قوم اجري ونادي احمد موسى
...
فيه صنف بتاع الترابيزه
ودا صنف بتاع الكورنيش
لتنين بيجولك ببريزه
لابسينلك زيّ الدراويش
ودا صنف تخشه بدون فيزا
لا حجاب بيفيد ولا تعويزه
هتجيك وتقول : نفسي عزيزه
وهتبدأ ويّاك بالبوسه
...
وفي صنف بتاع التليفون
بتكلم ميت مليون لون
هتسيبك تقلب على غيرك
مَ الجدول ميت ألف زبون
تغريك بكلام حلو وناعم
وتقولك بيضه انا ونواعم
أعضائي تشدّك كبراعم
والآيه بتطلع معكوسه
...
وفي صنف جماله يادوب جسمي
تجريلها تقول لو تبتسمي
آدي العنوان وكمان إسمي
والهوجه ف قلبك محسوسه
...
وفي صنف جماله جمال روحي
بفرد له مراجل من بوحي
واتحمّل واكتم ف جروحي
بجمال العفّه بتتمشّى
وترشّ الطهر مْتين رشّه
وف قلب القلب تكون خشّه
وتملّي من العين محروسه
...
أصناف بتخمّ ما تخفاش
م الشاعر قال زي قماش
فيه صنف يشدّك ليه لونه
يغريك الفُسفُس ف جفونه
قلبك يا حبيب الله ف عونه
طلّعنا قماشته من الشاش
وحياته آهي صبحت موكوسه
...
شوف واسأل مين اللي عارفهم
وبنظره يدوبك يكشفهم
مليانهم يعرف وناشفهم
تلقى الأستاذ : احمد موسى

هههههههههههههههه
أنا بره البيت والله يا جماعه النهارده
ودخلت ارتجلت الردّ دا من جهاز صديق ليا
وصباحك فل يا صديقي الحبيب وأخي الكبير محمود
عرفت الانواع ؟؟ ذاكرهم كويس ؟؟ههههههههههه
الحصّه الجايه هسمع لك وهديك أنواع جديدة
ههههههههه
بحبك في الله وكل سنه وانت طيب

مغرور وحتنزل على بوزك

وساعتها ولا حسأل فيك

وحسيبك لعزيزة بلوظة

وحماتك حتشهر بيك

وحتبقي فضيحتك بجلاجل

لما سوزان بأبوها تجييك

وسناء ترفع دعوة نفقة

وحنان بالبوكس حتديك

ويعلقوا صورتك ف النادي

غلبان أفندي وعامل ديك

تحذير يا بنات .. أحمد موسي

هربان من صالة التدليك

كانوا بيحاولوا يرموا عضامه

ويسلكوا معدتة تسليك

من كتر حريم مصر ماقاموا

ضربوه ضرب وجسمه عاديك

اوعي ساعتها ياحلو تنادي

محمود جمعة الله يخليك

خليك بقي في العك بتاعك

وابقي قابلني ..وحفرح فيك

هههههههههههههههههههههههههههههههههههههههه

اخي الحبيب الشاعر الجميل أحمد موسي .. القافية حكمت وخفة الدم حضرت ..جري قلمك ووريني

ههههههههههههههههههههه

ههههههههههههههههههههههه
ناديت فاسمع والله انا بره البيت بردو وهجرّيه ولا يهمك بسّ حصّلني وملكش دعوه
الشعرُ بالشعرِ والبادي ..... أكرم ههههه

غلبان يا حبيبي الله يعينك
مش كل الناس محمود جمعه
مخدوع وكلامك هيدينك
دنا فاتح منهم مية جامعه
على كفّ إديا بيتربّوا
دايبين ف عنيا وبيحبّوا
وأنادي عليهم بيلبّوا
يتلبّوا الطرشه تبات سامعه
...
دي سوزان وأبوها بيتمنّوا
وتملّي ف شعري بيتغنّوا
وسناء وعيلتها بيتتنّوا
لجَنابي وجايين ع السُّمعه
...
وحنان من قلبي بحنّلها
وبسيب الكل واغنّيلها
وامّا ابعد بُعدي يبهدلها
وتجرّ ف دمعه ورا الدّمعه
...
بسألها عليك مره يا حودَه
ضحكتها اتجلِّت ف الأوضه
بتقول محمود ابو برموده ؟
بالنايتي .. يغمّس فول دِمعه
...
وقالت لي عليك الله يعينه
غلبنان وملاوع عارفينه
وتملّي ما بين نفسه وبينه
بيقلّد صاحبك .. أبو لامعه
...
وتقولّي هتفرح يوم فيّا ؟؟
د بدقنك يا اسطى وبعنيّا
د ف سقف الأوضه مستّفهُم
وبقوم من نومي أبستفهُم
واهجوهم حبّه وأوصفهُم
وان سمعوا كلامك فاستحمل
لو هبِّت فوقك عواصفهُم
دايبين من بدري ف دباديبي
يا عنيا وقلبي ويا حبيبي
كاويين قمصاني وجلاليبي
ويحبّوا وبردو استنزفهُم
دول حاشيه تملّي ف مملكتي
ولو اتكرّمتْ بقول : ياكتي
وان غضبوا فأهلا ووسهلا
شيء ساهل جدّا أنسفهُم
...
إن كنت يا صحبي قريت عنهم
وعرفت كتاب أسرار حوّا
وحفظت شويّه ف تفانينهم
من قبل متدخل فيه جوّه
فسلامة عينك .. محروسه
إلبس نضاره يا بسبوسه
شوف فوق الفهرس هتلاقي
تأليف أستاذ احمد موسى
ونصيحه هقولها بضحكايه
ما تبص لغيرك ف مرايه
لحسن يا فضيحه ووكسايه
هتشوف الناس محمود جمعه

هههههههههههههههههههههههههههههههههه
هههههههههههههههههههههههههه

الاخوان الحبيبان ... عاطف عاشور ..وأحمد موسي ..أنا سأنسحب مؤقتا من الاستمرار في موضوعكم خفيف الظل خوفا ان تأخذنا النفس الى ابعد من ذلك والوقت وقت القران وقيام الليل ..والوقت ضيق ... عملا بقول الشاعر

وخالف النفس والشيطان وأعصهما ... وإن هما محضاك النصح فأتهم

أحبكما في الله

الحبيب /محمود جمعة
لقد سبقتك بهذا
لا حساسي ما أحسست به
لنا عودة مع تغيير الموضوع
صوما مقبولا ان شاء الله
ولا تهمل التعليق علي أعمالنا
فرأيكم يهمنا
أخوك / عاطف
اقرأ بعث / فصيح وعلق عليها رجاء

واحشني ياعم شوااااااااااااش
بركاتك
بلاها سخام شوف غيرها
بس ماتحرمناش[u]

إيه يا جماعه السخام ده كله الله يسامحك يا دكتور صلاح
فتحت علينا فتحه مش هتتقفل

تم غلق السخاااام
والختم بالاختاااام
حتي يتنتهي شهر الصيام

بأمر
عاطف بن عاشور
رضي الله عنه - آمين

لأ حاسب

هوه انت تقفل براحتك وتفتح براحتك

تعالى هنا دا انا هاسخم الدنيا بالشقلوب علشان تنعدل

شويه معانا

بعدين بقي وياك
دا شغل فرقع لوز
سايبني ارغي هناك
وهنا تقول لا يجوز

بطل بقي طرقعه
ولعب بالأراجوز

ولا انت فرحان قوي
علشان ما جبت الشوز

مبروك ياواكل السبوع

ياللى القمر جالك

نور عليك البلد

بحبح فى احوالك

الله يزدك كرم

ويزيد فى ارزاقهم

ونيجى يوم ابفرح

ونشيله فى عيالك

انت نمت منى ولا أييييييه؟؟؟

خلاص يا جماعه سيبو السخام مفتوح بس متعملوش كده في نفسكو

د /صلاح طاهر كتب:: مبروك ياواكل السبوع

ياللى القمر جالك

نور عليك البلد

بحبح فى احوالك

الله يزدك كرم

ويزيد فى ارزاقهم

ونيجى يوم ابفرح

ونشيله فى عيالك

الله يبارك فيك
ويحقق أحلامك

يجلعه نور على نور
وراك وقدامك

ويزيد حياتك رضا
ويقل ف سخامك

لو كان عليه ..... نقـفـله
ونليِّـسه بالطيــــن

أما عشانِك بقي
فاتحينه ع الجنبين

طول عمره عامل كده
واقفلي لقمة ف زور

ان قولت مرة شمال
يقولى هوه ...يميـن

تقولش كنا اخوات
على بعضنا راضعين

ولا ورثنا سوا
ع التركة مختلفين

الله يهد القوى
ويعقل المـ.........ن

ويتوب علينا بقي
من جار وليه 100 عين

فتح السخام ولا قفله مش هو ده القصه
القصه فيه تتولد وتعيش تقول لسه
ياما لسه هفتح بلاد واقفل بلاد تانيه
بس انت خليك جريء متخافش م اللمسه

ياعم تقفل ايه

دا الحظ صار مقفول

افتح ببان الهوى

حلى العقول دى تقول

واهو يبقى تمرين سوا

لو كان على المحمول

ابعت رسايل عنب

خلى اللى راح يقول

فين العقيقة أمال

والا ..واكل ناسك

اللحمة مش سطرين

اشعار في كراسك

اللحمة يعني خروف

أملح وذو قرنين

وانا وصلاح حنجيك

والشلة فوق راسك

وانا فين نصيبى بقى ؟

من العقيقه ياهوووووه

ياخوفى تاكلوا اللحوم

والعضم قال تشيلوه

منا فيها إمّا بقى

الفرو ما تلقوه

يا موزع اللحمه في الزحمه نسيت حالي
وانا بقول استاذي الغالي ترحالي
وزعت حلوان الولا وحدك
ونسيت تخلي نصيبي في الماجور جنبك

دعاء العطــار كتب:

فتح السخام ولا قفله مش هو ده القصه
القصه فيه تتولد وتعيش تقول لسه
ياما لسه هفتح بلاد واقفل بلاد تانيه
بس انت خليك جريء متخافش م اللمسه

جرىء قوي وبالقوي
وكل الجيران عارفة

دا مش كلام فهلوي
ولا زيطة ف الزفة

جرىء ف حب العيون
والهمسة واللمسة

حتى اسألي بنت خالتى
واحنا ف اللفة

د /صلاح طاهر كتب:: ياعم تقفل ايه

دا الحظ صار مقفول

افتح ببان الهوى

حلى العقول دى تقول

واهو يبقى تمرين سوا

لو كان على المحمول

ابعت رسايل عنب

خلى اللى راح يقول

عاطف يقول:

فاتح بيبان الهوا
والعشق والتباريح

وقفلت باب الخلاعة
ومنور التأبيح

ولو علي التمرين
أنا جد متمرن

معاك ليوم الرجم
عامي وشعر فصيح
عاطف

محمود جمعة كتب:: فين العقيقة أمال

والا ..واكل ناسك

اللحمة مش سطرين

اشعار في كراسك

اللحمة يعني خروف

أملح وذو قرنين

وانا وصلاح حنجيك

والشلة فوق راسك

تعالي شرف هنا
وآنسنا يا جمعة

واحنا علينا الهُبَر
والرز والدمعة

بس بمعاد والنبي

دي شقة مش جامعة

تاني جمعة في رجب
يحييك بقي المولى

ونسيت أقولك كمان
قافلين يوم الجمعة

عادل عوض سند كتب:: وانا فين نصيبى بقى ؟

من العقيقه ياهوووووه

ياخوفى تاكلوا اللحوم

والعضم قال تشيلوه

منا فيها إمّا بقى

الفرو ما تلقوه

[

b]حالف لأدبح خروف
وبلحمته أهاديك

لكن لا أى خروف
ولا حتي شافته عنيك

لازم يكون مفترى
أسد همام أو ديك

بتلات قرون تعجبك
ولا له ف شوفه شريك

صبرك يا عادل سند
وربنا يهديك

أول م لاقى الخروف
لازم هرن عليك
ههههههههههههه

[/b]

» حادي....بادي شعر م /عطية شواش
» عبير ... / ردا علي د صلاح طاهر
» نوِيـْـت.. د /صلاح طاهر
» أنا مصري جدا /ردا علي د صلاح طاهر
» رد على الدكتور / صلاح طاهر والاستاذ / عادل عوض