قررت اوصفك

قررت اخيرا



اني اكتب قصيدة توصفك



تبقي مغايرة خالص عن كل الناس



اللي وصفوا قبل كده



حتي انها تكون مختلفة عن كل شعر حلمي سالم



مش هايبقي فيها الكلام اللي من عينه



ساعت تلامس روحنا في الزحمة





هاتجاهل خالص



اي وصف او علاقة من بعيد





بين عيونك والقمر



مش هاوصف شعرك



ولا ادق تفاصيل اول تلامس



قررت



ان القصيدة تكون من غير كتابة



صفحة بيضا خالص



علشان اسيب فرصة للي يعرفوني



واللي يعرفوكي



يتخيلوكي ويتخيلوا



كل اللحظات اللي عدت مسروقة



من تعبنا



وبالذات



ساعت تلامس روحنا ف الزحمة





نور الدين الشريف

الاستاذ نور الدين الشريف

فعلا نثرية مختلفة لما فيها

من احساس روحي بعيد

عن الوصف العارض المباشر

الي جانب الايجاز جائت

سلسة ومقنعة سلمت يداك

دمت بكل خير و ود

استاذ يسري متشكر جدا

رمضان كريم

عم عادل انت واحشني اكتر

هو النادي المصري مواعيده ايه ف رمضان

متشكر خالص لمتابعتك الجميلة

حلمي سالم انا بشوفه مختلف برضه عن كل الناس اللي بتحاول توصف

تمام يا بابا

نتقابل بكرة ان شاء الله