تباريح

تباريح روحي وسري
....

وطني, النضارة ,ليلي

قبل مانام باتفرج ع التلفيزيون

قي النشرة باشوف وطني

من برة وباغمض عيني كتير

لما باشوفه من جوه

الصبح اما اغسل وشي

باشوف الحسنة

اللي قالتلي عليها ليلي

وانا رايح شغلي باشوف

اعلام ياما بترفرف الاعلم واحد

ساكت.....

نضارتي اللي عاملها

في التأمين الصحي ما بقتش تشوفني

مكتب ريسنا متكيف

والقهوة بتاعتة اخر حاجة

مش زي القهوة بتاعت عم مطاوع

هند جايبة حاجات بتفرجها للناس

في القسم بتاعنا كلها من برة (الصين )

الضهر ام بيدن كل التاس

تتوضي وماحدش بيصلي

البعض بيخلع والبعض

بيقعد يحكي وشغل اليوم يتأجل

وانا راجع باتصفح جرنان اليوم

وافضل اضحك باسكت عند البيت

الناس بتكلم نفسها في البيت والشارع

والقهوة وساعة المتاش كله بيسكت

لما با اروح بيتنا باخلع نضارتي قبل الجزمة

البيت ساكت الست لسة ما جاتش

ولا جاش الواد ما الجا معة

والبنت بتاخد درس

مقطوعة المية ف عز الحر

افرد جسمي واروح في النوم

من غيرحمام

اصحي علي صوت الست

قوم قمر عيش بعد ما نشرب شاينا

بنشوف بعض كويس

ام عيالي لما تنام

عمرها مابتشبه ليلي

الواد عايز كورس

البنت عايزة زيادة في المصروف


البدلة اكلحت زي بقيت اعلامنا

الوان شراباتي كحلي زي

زي العلم الساكت

ليلي رجعت من برة

معاها بنت سمتها ذكري

الست قفلت شبابيك الشقه

وقالتلي بكل حنان

لو تسمح ادخل علشان التكييف

قبل ما انام كالعادة شفت

الاخبار بره وف وطني

غمضت عيوني وما نمتش