ياناس مفيش أحلى من العفة

كنت ماشي يوم ومروح
سمعت صوت بيقول لو تسمح؟
قلت ازاي ما اسمحش دا صوتها
زي اللحن يخليك تسرح
عقلي تاه من رقة صوتها
وفجأة لقيت قلبي بيتمرجح
.............
قلت أبص وارد عليها
اتكلبشت ف سحر عنيها
سألِت عن عنوان ف أديها
قلت أبيع عمري واوديها
يا ناس حرام اسيبها لوحديها
.............
أصل جمالها كان فتان
وجسمها باين م الفستان
زي الميه وانا العطشان
عطشان إيه دا احنا ف رمضان
وانا صايم وبصلي كمان
يارب احفظني من الشيطان
...........
هي دقيقة كمان مش أكتر
سمعت صوت بيقول ويذكّر
إنا أعطيناك الكوثر
ولقيت قلبي ارتاح واتعطر
والشيطان بيفر ويصغر
بكيت وتبت ورحت استغفر
...........
غضيت بصري ودقت العفه
ولقيت حياتي أحلى وأصفى
ياللي بلوزتك واصفه وكاشفه
وكل الناس بتبص وشايفه
ذنب الناس عندك في الكفه
يوم القيامه ليه مش خايفه؟
ياناس مفيش أحلى من العفة

[/center]

قصيدة جميلة .. من إنسان عفيف..

أخي حسام.. واحشني جداً .. وأنا كنت مشغول ولكن إن شاء الله حيكون لي تواجد أكبر في الفترة القادمة..

خالص تقديري لقصيدتك التي تحث على الفضيلة..

أخوك

طارق منيب[b]

بارك الله فيك استاذنا الكبير........دمت دائما مبدع خلاق وخلوق ودامت ابداعتك فى الدعوة الى الله

الله عليييييييك

يا عم أنت شاعر شقي
أنت مالك و مال البنات الوحشه دى ؟!
يعنى بتبص في رمضان كمان !
ماشى
ههههههههه
جميل يا عم حسام بس نصيحة متمشيش
فى السكة دى تانى فى رمضان
و حظك بقى رمضان قرب
كل سنة و انت طيب

استاذ حسام خليل

اديه اد دددددددده

هوه اه يسعدك ياشيخ

حبيب قلبي دمت بخير Sad

صح كلامك والله ياذوق

ولا يقدر يعيبه مخلوق

واحلى حاجه هىَ العفه

تحمى تصون أيها مخلوق

تحياتى لجمال قلمك

دمت بحب وخير

ملحوظه

تثبت بواسطتى لروعة المضمون

[co lor=red]
كلامك حلو ياخفه

عن الخير إللي ف اللفه

عن الصبر إللي ف المواعين

عن الحكمه إللي ف العفه

ياريت يا حلو تميل وتغير الدفه

رمضان كريم قال لنا

من غير ماتتخفي

إربط حمار الزجل

وشغل الشفه

يا إما ترجع لنا

ينصبلك الزفه

تحياتي وكل سنه وإنت طيب

[/color]

جميلة الفكرة ياحسام
وكل سنة وأنت طيب
ورمضان كريم عليك
يارب

...
بس الوزن محتاج تظبيط
ياحسام
وأرجوك ماتستعجلش علي النشر
قبل مراجعة النص
وصدقني أنا باأزعل
من أي زميل يقولك الله عليك
من غير ماينبهك لأي خطأ
مهما كان صغير
خاصة الزملاء اللي فاهمين
الصح من الخطأ
دمت زميلي
الذي أعتز
بزمالته

شاعرة الشعب

زينات القليوبي

الاخ الشاعر الجميل

حسام خليل

اصبت اخى حسام .. مافيش احلى من العفه

نص يحثنا على التمسك بالقيم ليس فى رمضان

ولكن طوال العام .

النص معظمه من البحر المتدارك . ويحتوى على بعض

الهنات العروضيه . وهذا ما لا اتعوده منك .

ولكن احييك على المضمون .

وتقبل كل التحية والتقدير ..

طارق منيب كتب:: قصيدة جميلة .. من إنسان عفيف..

أخي حسام.. واحشني جداً .. وأنا كنت مشغول ولكن إن شاء الله حيكون لي تواجد أكبر في الفترة القادمة..

خالص تقديري لقصيدتك التي تحث على الفضيلة..

أخوك

طارق منيب[b]

حبيبنا الأستاذ الشاعر الرائع جدا طارق منيب
نعم فنحن في شوق الى رؤياك
وياريت نشوف حضراك في أقرب فرصة
تقبل تحيتي ومودتي ودعائي لكم بتمام الصحة والعافية

زائر

الشاعر الكريم /حسام خليل
استمتعت بالقراءة واستمتعت بالأداء
فالعفة ياأخى ما أحلاها فى حياتنا
فالعفة نور يضئ حياة الضال
فى عالم الشهوات والرغبات
والأهواء
وعالمنا ملئ بكل السبل لفتح منافذ إبليس
ولنا فى ديننا الأسوة الحسنة
فقال تعالى: ((قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30) وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ....))[النور:30 : 31]
بوركت أناملك أخى وجعله الله فى ميزان أعمالك

أستاذي الكبيييييييير
حسام خليييييييل
دمت مبدع دائماً ..
ربنا يوفقك دايماً يا رب ...

قصيدة بها من الحكمة والابداع معا
احيييك عليها استاذ حسام
فأسلوبك المتميز يجبرنى على التعليق
تقبل مرورى

عاشقة الشعر كتب:: بارك الله فيك استاذنا الكبير........دمت دائما مبدع خلاق وخلوق ودامت ابداعتك فى الدعوة الى الله

شكرا لعاشقة الشعر مرورها الذي يملأ الدنيا بهجة وسعادة

أخي الحبيب جدا الشاعر الرائع حسام خليل .. جميلة قصيدتك وان غلبت فيها الفكرة الجميلة على الادوات في بعض المواضع القليلة ... اعتقد انك ستراجعها ...دمت شاعرا رائعا أخي الحبيب ..وكل عام وانت بألف خير ..تقبل مروري وحبي في الله

جميلة قوى الأستاذ الكبير حسام خليل أنت رائع سواء فى الفصحى

أو العامى أو القصة .. دمت بكل هذا الإبداع والتألق .

Very Happy

الشاعر الكبير جدا قوى خالص على رأى اللى بيقول وما تودنيش فى أبو نكلة

حسام خليل مشرف صفحة الفصيح

يافصيح

يا خليل الحق وبتحبة

وحسام ع الباطل وترده

والعفة طريقك بتمده

للدعوة بكل م يرضى الله

ياحسام والبحر بيصفى لك

والقافية كمان مش عاصية لك

والكلمة دى فنك ومنارك

ومعاك ف الرحلة وأذكارك

وف ليلك

أو شغل نهارك

غاوياك يامعلم وعنيها

بتقولك

أكتب م بدالك

بس يامعلم بجد

خد بالك من نصائح أستاذتنا شاعرة الشعب زينات القليوبى

وانا ماليش دعوة ما تقلش للى بالى بالك

ههههههههههههههههههههههههههههههههههههههه

دمت بخير وسعادة

أحبك خالصا فى الله تعالى

هي دقيقة كمان مش أكتر
سمعت صوت بيقول ويذكّر
إنا أعطيناك الكوثر
ولقيت قلبي ارتاح واتعطر
والشيطان بيفر ويصغر
بكيت وتبت ورحت استغفر

أنار الله قلبك اخى دائما بنور الايمان
ورزقنا جميعا العفة والخوف منه
سلمت شاعرنا\حسام خليل

دمتم بكل خير وابداع دائم

شوشو 55 كتب:: الله عليييييييك

الله عليكي انت وعلى مرورك الجميل

عاطف الجندى كتب:: يا عم أنت شاعر شقي
أنت مالك و مال البنات الوحشه دى ؟!
يعنى بتبص في رمضان كمان !
ماشى
ههههههههه
جميل يا عم حسام بس نصيحة متمشيش
فى السكة دى تانى فى رمضان
و حظك بقى رمضان قرب
كل سنة و انت طيب

ههههههههههههههههههههههه
كل سنة وانت طيب يا أخي الحبيب
خلاص حرمت امشي في السكة دي تاني
شكرا يا حبيبي على مرورك الجميل

يسري حنفي سرحه كتب:: استاذ حسام خليل

اديه اد دددددددده

هوه اه يسعدك ياشيخ

حبيب قلبي دمت بخير

أهلا أهلا أستاذ يسري حنفي
ازيك يا أيها الرائع
طبت وطاب مرورك العذب النقي
تقبل تحيتي ومودتي

الشاعرة عزة الزرقانى كتب:: صح كلامك والله ياذوق

ولا يقدر يعيبه مخلوق

واحلى حاجه هىَ العفه

تحمى تصون أيها مخلوق

تحياتى لجمال قلمك

دمت بحب وخير

ملحوظه

تثبت بواسطتى لروعة المضمون

صدقتي يا أستاذة عزة
فعلا العقة تصون أيها مخلوق
شكرا لروعة مرورك

م/عطية شواش كتب:: [co lor=red]
كلامك حلو ياخفه

عن الخير إللي ف اللفه

عن الصبر إللي ف المواعين

عن الحكمه إللي ف العفه

ياريت يا حلو تميل وتغير الدفه

رمضان كريم قال لنا

من غير ماتتخفي

إربط حمار الزجل

وشغل الشفه

يا إما ترجع لنا

ينصبلك الزفه

تحياتي وكل سنه وإنت طيب

[/color]

أهلا بالبشمهندس عطية شواش
ايه يا عم الكلام الجميل ده
دائما تتحفنا بقصائدك الممتعة
تقبل تحيتي ومودتي واحترامي لشخصكم الكريم

» ملتقى أحلى مع بكره أحلى بأكتوبر
» إمته ياناس يرجع لنا ..؟... ضياء الدين البري
» أحلى من بنات سِنك
» أحلى نكت
» أحلى خبر