خربشات عزة الزرقانى

الله عليكي
أيتها الشاعرة المتميزة
و أكثر من رائعة
شكراً علي هذا الابداع الرائع
تقبلي مروري المتواضع
afro

بسمة الورد كتب:: لو كل واحد ساب حبيبه

عشان غلطه مايقصدهاش

عمرنا ما نلاقى حد نحبه

ولا حتى حياة تتعاش

الله على كلماتك البسيطة الجميله المعانى
شاعرتنا الجميله \عزة الزرقانى

كتبتى فأبدعتى المعانى الجميلة ,, تقبلى مرورى واحترامى الدائم

الله على مرورك الجميل بسمة الورد

اللى خلى خربشاتى رائعه

هيَ عيونك وحضورك الجميل

دمتِ بحب

خربشي فينا بكلامك
حتى لو كلمة تعوَّر
***
لما طاقة العلم تفتح
نلقى كل الكون ينور !
***
أحسنت يا عزة
جميلة هذه الخربشات

اتكلمي حتى ولو بالوشوشة
واكتبي حتى ولو بالخربشه
الله عليكي انتي دايما مدهشة
الشاعرة الكبيرة الرائعة عزة الزرقاني
دومي رائعة كما أنت
تقبلي مروري وإعجابي بتلك الخربشات الجميلة

شاعرنا الجميل حسام بيه خليل

كل كلامك حلو عاجبنى

شعره موسيقى وبيحبيبنى

ف الفن الرائع وجماله

مر عليا وأوعى تسيبنى

دمت جميلا كاعادتك

دمت بحب

زينات القليوبي كتب:

الشاعرة عزة الزرقانى كتب:

زينات القليوبي كتب:: عزة ..
لولا إنك إسكندرانيه زيي
وعرفاكي بتحبيني ومش حاتزعلي من النقد
أنا كنت سكت ..
بس أنا متأكده من حاجه مهمه جداً
انك :
بتحبي تتعلمي ودي أهم حاجه جميله
في شخصيتك ..
وعشان كده حاخد راحتي وأقولك :
أولاً : يازوزو دي مش ومضات ؟!
دي رباعيات .. خماسيات سداسيات .. ومقاطع غنائية .. وأزجال
وأنا شايفه شعراء كتير بيكتبوا
هنا علي المنتدي بنفس الطريقة
ويسموها ومضات
وده مش صح ؟!!
وعشان كده نبهت بعضهم .. لأني بمووووووت لما أشوف الخطأ وأسكت
لأن ربنا حياحسبني علي علمي اللي رفضت أعلمه للناس ؟!!
وحيحاسبني علي الخطأ اللي شوفته ولم أصلحه !!!

وصدقيني ..
الشئ الوحيد اللي بيمنعني أني بلاقي ناس رافضه تتعلم وبيتكبروا علي العلم
وده بيخليهم طول عمرهم واقفين مكانهم ومش بيتقدموا ؟!!!

لكن أنا عارفه ومتأكده إنك مش منهم .. وعشان كده
حااشرحلك قصدي بالتفصيل :

الومضة ياعزّه كلمتين وبس علي رأي فؤاد المهندس
بس شرط يكون وراهم معني كبير يجبر المتلقي علي التفكير
فيما وراء الكلام ؟!!!

وأول شاعر كتب الومضات في رأيي
كان الشاعر التركي : ناظــــــــــم حكمت

وكتبها وهوه في السجن كمعتقل سياسي في الحرب العالمية الأولي
سنة 1917
ومن ومضاته الشهيرة جداً :

إن مااتحرقتش أنا .. ان مااتحرقتش أنت .. إن مااتحرقناش كلنــــــــا
فمنين تجينا .. شمس بكره !!!

**************************************************

وعاوزه تقري شعر الومضة أقري للشاعر الكبير / كمال نشأت

عشان تعرفي قصدي ..
وأقولك ومضة من ومضاته :

مسافــــــــر .. بلا .. وصول !!!

***********************

وأقولك ومضه من ومضات : زينات القليوبي

بيدرب كل فريقه .. وبينزل يلعب
ضده !!!

***********************

وعلي فكره .. الومضة محتاجه لفكره جديدة ومش مستهلكة
ومش شرط فيها الوزن ولا القافية ..
*****

واللي انتي كتباه هنا فيه وزن ( محتاج تظبيط ) وفيه قافيه ؟!!!
وكمان معظمه مكتوب بطريقة الرباعيات

بيتين بقافية واحده وشطره ( عارجه ) وبيت أخير بنفس القافية الأولي ..

مثل :

مش كل حاجه تشوفها رقيقه

تبقى حقيقه

فيه ناس بتلمع قوى

والأخر بيتطلع بيئه

.............................

ومثل هذه الخماسية :

أصل القضيه ملغبطه

حكامها قاعده متبته

فوق الكراسى مربطه

ممكن يقوموا ويسيبوها

لكن.... وهىَ ميته

........................

ومثل هذه :

ورا كل ضحكه 100 ألف شمعة

مبقتش شايفه ولا حتى سامعه

يشفونى يحكوا دى تملى لامعه

الناس غلابه ...واخدينها سمعــه

لو ع الحقيقه ...يلزمها جامعـــــه

***********************

كما أن طريقة كتابتك للأغنية
تغلبت عليكي في بعض المقاطع الأخري !!!

مثل :
الحق فيــــــــــــا

أخر حته متبقيه

من قلبى المدبوح

متسيبهاش م الدنيا تروح

مش يمكن تلحق ..حبة روح

.................

ومثل :

دا الحب دا احساس

يغذى القلب ويمسه

ممكن يجى ف ثنيتين

لو م القلب ح نحسه

وعلي فكره :

ممكن تبقي مطلع أغنيه جميلة بس محتاجه تعديل بسيط .. عشان ضبط الوزن
يعني لو قولتي مثلاً :

الحب دا احســـــاس
قلبك يسمع همســه
ساهل ييجي ف ثانيه
لو م القلب تحســــه

...........................
ومثل :

قولوا عليا كل حاجه

وأحكو عنى أى حاجه

بس انا مش زيكوا

وانتو عندى أغلى حاجه

................

عارفه ياعزّة لو شيلتي : بس أنا مش زيكوا

وخلتيها : بس مهما تقولوا عني

تبقي في منتهي الجمال ؟!!

قولوا عني كل حاجــه

واحكوا عني أي حاجه

بس مهما تقولوا عني

انتوا عندي أغلي حاجه !!!

**********************

وبعدين هذه المقطوعة الزجلية :

مش أى حتة إزاز تبرق تبقى ألماظ

ولا كل منظر تشوفه ينفع يكون برواز

ولا كل عمل تعمله يتقال عليه إنجاز

ولا كل من درس يتقال عليه استاذ

ولا اللى عايز حاجه يلاقيها وقت معاز

ولا اللى كسب ف مسابقه يبقى فاز

وكلام كتير ياصحبى واضح وبالألغاز

فامش مهم الكلام وأرك ع الألفاظ

........

جميلة بس مش موزونه صح وعشان تتوزن لازم تبقي :

مش أي حتت إزاز تبرق .. بقت ألمــــاظ ؟!

ولا كل منظر تشوفه .. ينفع يكون بـــــرواز

ولا كل شئ تعمله .. لازم يكون .. إنجــاز

ولا كل دارس وفاهم .. يقدر يكون أستـــاذ

ولا كل عايز لحاجه .. يلاقيها وقت ماعــــاز

ولا كل كاسب مسابقه يبقي حقيقي فاز

ياللي أنت قولك كتير .. واضــــــح وبالألغاز

إياك يغرك كلامـــــــك دا الرك ع الألفاظ ؟!

**********

عزّة الجميلة
هكذا عرفت الحق وعزّ عليه أن أراه مهضوماً

وهكذا علمتك مما علمني الله

وأرجو أن تتقبلي نصحي

وليس نقدي

يابنت بلدي

شاعرة الشعب

زينات القليوبي

الله عليكى شاعريتنا الكبيره القديره زينات القليوبى

لا تتخيلى مدى سعادتى بردك ودرسك البناء

والذى كنت فى أمس الحاجه اليه انا وغيرى

وبالفعل كنت اكتب ما كتبته وانا افكر ماذا اسميه

ورغم انى مقتنعه انه مش ومضات الا أنى

لم يحضرنى ساعتها غير هذا الاسم

ومضات

ولذلك قمت بالتغير واقول هى خربشات

المهم انى سعيده بها لأنها فتحت لنا باب جديد لمعرفة الكثير

ودون مقدمات

وانا مع النقد بكل المقايس ف لولا النقد ما كان التعلم ماكان الابداع ماكان الشعر

شاعرتنا الجميله قلبا وقالبا انا من اسعد الناس بتلك الطله بكل مابها من جمال وابداع بناء

ولا حرمنى الله من حضورك البناء الرائع

دمتِ بخير وحب

*****************************

الجميلة عزة الزرقاني

سعدت جداً بإستقبالك الرائع لوجهة نظري النقدية

لأنك أثبتي بما لا يدع مجالاً للشك .. أنني كنت علي حق في أنك بالفعل

تبحثين عن الجمال والكمال .. ولا تتكبرين علي التعلم ..

كما سعدت جداً بإختيارك الجديد ( خربشات ) بدلاً من ومضات ..

وأري أنه إختيار رائع ومتميز وفريد !!!

الحمد لله ..

الذي وفقني ووفقك لما فيه الخير .. وجعلني أتعامل معك بمنتهي الصدق

فيستقبلني إحساسك أيضاً بمنتهي الصدق

وأعاهدك أمام الله ..

آلا أبخل عليك بالنصح النابع من قلبي قبل عقلي ..

لأنك جديـــــرة بهذا

وفقنا الله لما يحبه ويرضاه

وكل عام وأنت بخير وإبداعك بخير

وقلبك الجميل بكل

خيـــــــــر

دمت عاطــــرة

بالحب

شاعرة الشعب

زينات القليوبي

شكرا حبيبة القلب الجميله

على ردودك ودروسك

التى بالفعل نستفاد منها جميعا

دمتِ رائعه شاعرة الشعب

زينات القليوبي كتب:: تقديراً ..

لصـــــــدق المشاعـــــــر وجمـــــــال الـــــــــروح

تم تثبيت ( خربشــــــات ) قطــــــة منتدانــــــا

الجميلـــــــــة / عـــــزّة الزرقانــــــي

بواسطتي

المشرف العام

زينات القليوبي

ثبت الله اقدامك على الخير

شاعرتنا الكبيره القديره زينات القليوبى

دمتِ بحب

م/عطية شواش كتب:: لو ليكي ضافر صحيح

كت خربشت بابه

كت علمت ف جنين

أو طرمت نابه

هو ياعزه القطط

بتقطع الشرايين ؟

القط أصله أسد

بس الزمن صابه

قولي ف الوطن

خرابيش بتشلب دم

يمكن قليل التنا

تخزا عينيه ويتلم

الزميله / عزه الزرقاني 000 حلوه الفكره والله

تحياتي م/ عطيه شواش

واللهِ ما أحلى منك ما لقيت

ولا ف جمال كلامك بيت

تسلم لى ياشعر الليالى

ياللى بفنك انا حسيت

دمت ودام مرورك الاكثرمن رائع

دمت بحب

أميرة البدرى كتب:: مش أى حتة إزاز تبرق تبقى ألماظ

ولا كل منظر تشوفه ينفع يكون برواز

ولا كل عمل تعمله يتقال عليه إنجاز

ولا كل من درس يتقال عليه استاذ

ولا اللى عايز حاجه يلاقيها وقت معاز

ولا اللى كسب ف مسابقه يبقى فاز

وكلام كتير ياصحبى واضح وبالألغاز

فامش مهم الكلام وأرك ع الألفاظ

الشاعره الرائعه والمبدعه

ملكه المنتدى الاستاذه عزه الرزقانى

كلمات كلها فاقت حد الروعه والجمال

ولكن اخص هذه الزجليه بالذات

لروعه معانيها وجمال احساسها

ومضمونها المميز وماتحمله من بعض الحكم الجميله

وفعلا انتى الاستاذه وبارعه فى اختيار الالفاظ

سلمت وسلم قلمك

تقبلى ودى وتقديرى

اميرتى وحبيبة قلبى الجميله

طب أقول لك بس ايه

خدى قلبى وسأليه

ح يقول لك دانتى حبيبته

وانتى نوره اللى مليه

دمتِ رائعه

دمتِ بحب

عادل عوض سند كتب:: الاخت الشاعره

عزه الزرقانى

مقاطع شاعريه لا اجد ما اقوله فيها

بعد ما قال اخوانى الذين سبقونى بالتعليق .

تمنياتى لكِ بكل التوفيق .

وتقبلى منى كل المودة زوالتقدير ...

اشكرك شاعرنا القدير

عادل عوض سند

على مرورك الجميل

ولا حرمنى الله من تلك الطله الرائعه

دمت بحب

أحمد موسى كتب:: الأخت العزيزة / عزة الزرقاني
قرأت النص وقرأت الردود وتابعت الردود أكثر مما تابعت القصيدة
وقد صدقت أمنا الغالية زينات القليوبي في كل حرف
وأعجبت بقولها ( في رأيي ) أن أول من كتب الومضات هو س من الناس
وهذا دليل على سماحتها هي الأخرى في قبول آراء الغير فهناك من له وجهة نظر مختلفة
أعجبت بالخربشات جدا , ولكني أكاد أجزم أنكِ ما كنت تنوين كتابة الشعر هنا
قدم ما رغبتِ في ( تجرية القلم ) بأفكار عديدة راودته عن نفسها فسلَّم القلم
فخرجت هذه الخربشات

أتابع عن كثب هذه الدروس وأتعلم منها
المحبة الخالصة
أحمد

مش مهم كتبت ايه

المهم حسيت بأيه

وسعيده كل السعاده

برأيك وحروف معانيه

دمت رائعا بطلتك المتألقه

دمت بحب ايها الشاعر الشاعر الشاعر

محمود عبد الحليم كتب:

محمود عبد الحليم كتب:: الشاعرة الرقيقه عزة الزرقانى
التعريف الدقيق للومضة هى الفلاش .. وقد اشتق هذا المسمى من
الذى يلتقط الصورة بإاضاءة خاطفه تستجمع بداخلها كل محتوى الصورة
أو المشهد .. وسميت الفلاش نسبة للفلاش الذى يستخدمه المصورون
فى التصوير الليلى .. ولذا فالأصح أن تطلقى على ماكتبتيه مسمى
( خواطر ) أو ( تأملات ) أو ( رؤى ) عزة الزرقانى ..
وفيما يخص النص فهو نص شعرى لاتحكمه القوالب المتعارف
عليها وهو يجمع بين اشكال متعدده من اشكال الصياغه ولذا لانستطيع
تسميته بأى مسمى من المسميات المتعارف عليها ولذا يستحب توحيد
كافة المقاطع هذا بالاضافه الى انه يحمل بين مقاطعه قلقا فى الصياغة يجب مراجعته بدقه ..
يحمد لك محاولة الخروج من الشكل الإبداعى الذى تعودنا عليه منك
ولكن المحاولة لابد وأن تحظى بمراجعة دقيقه للنص والشكل العام
ومناطق القلق والتواتر فى القصيده ..
اشكرك على نص به محاولة للتجديد فى اشعارك

************************************

الاستاذة عزة
سعادتى لاتقدر بعدم ردك على تعليقى واللى بأكد من خلاله تجاهلك التام ودا فى حد ذاته شىء عظيم وعدم اهتمامك خلانى ماهتمش وفهمنى
حاجات كتير ماكنتش واخد بالى منها

ما خلاص بقى استاذ محمود

ما قولت لك ماكنتش موجوده

فى الاسكندريه

وبرد على كل الردود واحد واحد

ليه مكبر الموضوع بقى

عموما متزعلش حقك عليا

دمت بحب وخير وسلام

السيد درويش الضبع كتب:: الأخت العزيزة عزه الزرقانى عجبتنى الخربشات
وأناغيرمتخصص فى شعر العامية وإن كنت أعجب بسماعه . وأقول العنوان خربشات ممكن نلمس لك به العذر لأن الخربشات عادة تكون غير متساوية وتأخذأشكالا مختلفة .

حقيقى اسعدنى مرورك

وسعدت خربشاتى بطلتك الرائعه

دمت بحب

استاذتى الشاعرة الجميلة عزة الزرقانى
اولا انا اسف لانى قرات هذة الرائعة الجميلة متأخر المهم قلت عليها مش هلاقى تعليقك يليق بيها
دمتى مبدعه
احمد سعد
تيمو

سارة الجندي كتب:: الله عليكي
أيتها الشاعرة المتميزة
و أكثر من رائعة
شكراً علي هذا الابداع الرائع
تقبلي مروري المتواضع

سارة حبيبتى

مرورك دا غالى

يأغلى الغوالى

بحبك حبيبه

يانجم وعالى

اسعدنى مرورك الرائع

دمتِ بحب

عاطف الجندى كتب:: خربشي فينا بكلامك
حتى لو كلمة تعوَّر
***
لما طاقة العلم تفتح
نلقى كل الكون ينور !
***
أحسنت يا عزة
جميلة هذه الخربشات

ولا اجمل منك ومن مرورك الرائع فيه

لا حرمنى الله من تلك الطله الرائعه

دمت بخير وحب وسعاده

فاطمة حمزة كتب:: الشاعره الجميله والمتألقه دائما عزه
خربشاتك .. تحكى واقع نعيشه بكل تفاصيله ارك لم تتركى شيئا دون ان تناله
خربشاتك وتفتش عنه وتعرضه لنا بصوره جميله وممتعه
سلمت يدك

الحبيبه القديره شاعرتنا الجميله

فاطمه حمزة

كل السعاده بمرورك الواعى الجميل

دمتِ رائعه ايتها الجميله

دمتِ بحب

سارة الجندي كتب:: الله عليكي
أيتها الشاعرة المتميزة
و أكثر من رائعة
شكراً علي هذا الابداع الرائع
تقبلي مروري المتواضع

مااجمل مرورك ساره

دمتِ رائعه

دمتِ بخير وحب

لو كل واحد ساب حبيبه

عشان غلطه مايقصدهاش

عمرنا ما نلاقى حد نحبه

ولا حتى حياة تتعاش

......
متقولش مخدتش وقت

وأمته لحقت حبيتك

دا الحب دا احساس

يغذى القلب ويمسه

ممكن يجى ف ثنيتين

لو م القلب ح نحسه

......
كل حاجه ممكن تتقبل

ويجى منها وتتبدل

حتى لو كات مش ظريفه

بس اللى صعب مايتعدل .

..هيَ النفوس الضعيفه

الشاعرة الجميلة/ عزة الزرقاني
خربشينا خربشينا
ضحكينا واوجعينا
زلزلي آلام جروحنا
وان فرحنا كدبينا

دلدقى الكاس المعبي
طلعي كل المخبي
رب قلبك هوه ربي
والحياة لينا وعلينا

زودى ف قلبي المعزة
للقواله وشعر عزة
غزغزينا الف غزة
من توهتنا فوقينا

قولوا عليا كل حاجه

وأحكو عنى أى حاجه

بس انا مش زيكوا

وانتو عندى أغلى حاجه

............................................................................
***************

كان ختامها مسك ياعزة رباعية دخلت قلبى كطلقة ولن تخرج
أدميتنى يا عزة برباعيتك البسيطة العميقة .. كم هى مؤثرة ؟؟!!
محبتى

عاطف عاشور كتب:: لو كل واحد ساب حبيبه

عشان غلطه مايقصدهاش

عمرنا ما نلاقى حد نحبه

ولا حتى حياة تتعاش

......
متقولش مخدتش وقت

وأمته لحقت حبيتك

دا الحب دا احساس

يغذى القلب ويمسه

ممكن يجى ف ثنيتين

لو م القلب ح نحسه

......
كل حاجه ممكن تتقبل

ويجى منها وتتبدل

حتى لو كات مش ظريفه

بس اللى صعب مايتعدل .

..هيَ النفوس الضعيفه

الشاعرة الجميلة/ عزة الزرقاني
خربشينا خربشينا
ضحكينا واوجعينا
زلزلي آلام جروحنا
وان فرحنا كدبينا

دلدقى الكاس المعبي
طلعي كل المخبي
رب قلبك هوه ربي
والحياة لينا وعلينا

زودى ف قلبي المعزة
للقواله وشعر عزة
غزغزينا الف غزة
من توهتنا فوقينا

تصدق انى معرفتش انى بقول كلام حلو كدا

الا من بعد مرورك واختيارك لرباعيات

سعادتى لاتوصف بتلك الطله المبهره

دمت جميل دمت بحب وخير

يا خربشاتك يا عزه
جننتي قلمي الفقير
كتبت رسايل محبه
الحب منها يغير

ندى إمام كتب:: قولوا عليا كل حاجه

وأحكو عنى أى حاجه

بس انا مش زيكوا

وانتو عندى أغلى حاجه

............................................................................
***************

كان ختامها مسك ياعزة رباعية دخلت قلبى كطلقة ولن تخرج
أدميتنى يا عزة برباعيتك البسيطة العميقة .. كم هى مؤثرة ؟؟!!
محبتى

المؤثر والجميل

هى تلك اطله

عصفورتى الجميله ندى امام

دمتِ بحب

تصدقي بقي ان انا معدي وفاكر اني ماعدش

والله
لما عيني وقعت على الكلام اللى كاتبهولك
قلت مين اللى قال الكلام ده وكنت هرد عليه
والله
وكنت ناسيه خالص

عموما أنما سعيد واسمحيلي أكمل التعليق دا قصيدة وانزله

بجد
دمت جميلة

دعاء العطــار كتب:: يا خربشاتك يا عزه
جننتي قلمي الفقير
كتبت رسايل محبه
الحب منها يغير

والله ياقمر خربشاتى

طايره من جمال مرورك

دمتِ رائعه مبهرة الطله

دمتِ بحب

عاطف عاشور كتب:: تصدقي بقي ان انا معدي وفاكر اني ماعدش

والله
لما عيني وقعت على الكلام اللى كاتبهولك
قلت مين اللى قال الكلام ده وكنت هرد عليه
والله
وكنت ناسيه خالص

عموما أنما سعيد واسمحيلي أكمل التعليق دا قصيدة وانزله

بجد
دمت جميلة

طبعا اسمح لك

وح تبقى قصيده او اغنيه رائعه

دمت لى ودام ابداعك ومرورك الراقى

» مليتك
» لحظة عتاب!!!
» الى خنساء العصر زاهية بنت البحر / خربشات لطفي الياسيني
» أوجع ألم
» ده مش عناد