اسكندريه حبيبتي

يااسكندريه والشوق رماني

علي عود طراوة بهلواني

وخصر يسحر وعيون بريئة

انا اصلي غاوي ومعجباني

علي أيدي وشمك وقلبي مايل

واللي رماني حنين زماني

رجعت ليكي اشكي واحايل

راح قلبي يسأل مرجعش تاني

يااسكندريه والشوق رماني

دا الموج دا ولا دي قلوب صبايا

عالشط ماشي وانتي معايا

وطاب غناي علي هواكي

عاشق بدور والحب غاية

علي نسمه صافيه ترد روحي

وبسمه ورده من بين شفا يف

عشقك دا بلسم يشفي جروحي

في حضنك انتي مبقتش خايف

يااسكندريه والشوق رماني

كان ليا فيكي قصه وحكايه

ياموجه هاديه يا بحر حاني

حافظين لسري من البدايه

من صغري غاوي

وما كنت ناوي

ارجع اكرر نفس الحكايه

العشق طاب لي لما نداني

رمش الحليوه الاسمراني

يااسكندريه حاولت ياما

اغني ليكي موال وياما

الشعر يحلا من حلاكي

واخاف كلامي يكون ملامة

يااسكندريه عروستي عندك

أبوس عنيكي قابليني بيها

عروستي فجر ونور في شطك

عروستي مرسيّ َ يغني ليها

كل اللي صايف وقت المصايف

وانا اللي عاشق سواد عنيها

عاشق جمالها بنت الأكابر

عاشق ترابها ومش بكابر

مغرم صبابة ع الصبر صابر

ما نسيت حبيبي الأولاني

يااسكندريه والعشق دائي

ونور عيونك هو دوايا

وفاء ي ليكي مكنش وافي

وحبي ليكي مهوش كفايه

يااسكندريه هموت عليكي

الرحمه منك يام الدواهي

يااسكندريه والشوق مواسم

يا صافيه يام الثغر باسم

القلب ليكي معدش قاسم

ماعدش باقي م القسمه قسمه

الحب ليكي طول المواسم

يااسكندريه

****************
طاهر الصوفاني

*******
عفوا القصيده بالكامل قيد التعديل

الاستاذ الشاعر

طاهر الصوفانى

ملهمة الشعراء الاسكندريه الجميله

وانا افرأ قصيدتك وكأنى استمع للصوت

الجميل على الحجار وهو يتغنى للاسكندريه

فتغنيت بكلماتك وانا اقرأها .

اشكرك على بهاء نصك وياريت تشرفنا فى اسكندريه

لتتعرف اكثر عليها من قرب .

كل التحية والتقدير ...

رد اسكندرية حبيبتى

الشاعر الحبيب / طاهر الصوفانى

حبك للأسكندرية ومن على شطها الساحر الذى يتألق كل لحظة عن سابقتها

أنت محق ولك كل العذر فى هذا الهيام بها والعشق لها

الموجة منها حلم ساحر

وعروسة من سندس تغامر

علشان تخش ف حضنها

ياسلام على وصفك ياطاهر

دمت بحب وجمال يا صوفانى

الرحمه منك يام الدواهي

يااسكندريه والشوق مواسم

يا صافيه يام الثغر باسم

القلب ليكي معدش قاسم

ماعدش باقي م القسمه قسمه

الحب ليكي طول المواسم

يااسكندريه

الله الله كلمات رائعه معبرة بفيض محبة المعشوقه
المصرية الاسكندرية

سلمت الايادى شاعرنا \طاهر الصوفانى
احترامى لما قدمت اخى

علي نسمه صافيه ترد روحي

وبسمه ورده من بين شفا يف

عشقك دا بلسم يشفي جروحي

الله عليك يا بو قلب طاهر يا عم طاهر

ايه يا عم الحلاوة دي

بس ايه حكاية اسكندرية معانا؟
القصيدة دي بجد خراب بيوت
ههههههههههههههه

الشاعر طاهر الصوفاني
عشت ولا هنت ولا فض فوك

عادل عوض سند كتب:: الاستاذ الشاعر

طاهر الصوفانى

ملهمة الشعراء الاسكندريه الجميله

وانا افرأ قصيدتك وكأنى استمع للصوت

الجميل على الحجار وهو يتغنى للاسكندريه

فتغنيت بكلماتك وانا اقرأها .

اشكرك على بهاء نصك وياريت تشرفنا فى اسكندريه

لتتعرف اكثر عليها من قرب .

كل التحية والتقدير ...

استاذنا عادل عوض سند

اشكر مرورك الدائم ودعمك وتشجيعك الامحدود للجميع

نعم الاسكندريه هي ملهمة الشعراء وكيف لا وهي سيدة الجمال وجميلة

الجميلات

طبعا انا يشرفني ان اراها دائما عن قرب وان اشارك في اي احتفال او ندوه

فيها اذا دعيت لذلك فانا دائم التواجد بالاسكندريه

عموما لك جزيل الشكر علي كلماتك العطره المعطره دائما

وتحياتي لك استاذنا وعمنا عادل عوض

منصور غيضان كتب:

رد اسكندرية حبيبتى

الشاعر الحبيب / طاهر الصوفانى

حبك للأسكندرية ومن على شطها الساحر الذى يتألق كل لحظة عن سابقتها

أنت محق ولك كل العذر فى هذا الهيام بها والعشق لها

الموجة منها حلم ساحر

وعروسة من سندس تغامر

علشان تخش ف حضنها

ياسلام على وصفك ياطاهر

دمت بحب وجمال يا صوفانى

*********

الاستاذ الشاعر المحترم الخلوق منصور غيضان

اشكر مرورك العطر وبهاء حروفك واتمني لو نلتقي قريبا للتعارف

بامر وحول الله تعالي

تحياتي يااستاذنا

بسمة الورد كتب:

الرحمه منك يام الدواهي

يااسكندريه والشوق مواسم

يا صافيه يام الثغر باسم

القلب ليكي معدش قاسم

ماعدش باقي م القسمه قسمه

الحب ليكي طول المواسم

يااسكندريه

الله الله كلمات رائعه معبرة بفيض محبة المعشوقه
المصرية الاسكندرية

سلمت الايادى شاعرنا \طاهر الصوفانى
احترامى لما قدمت اخى

الستاذه بسمة الورد وكما يسمونك بسمة المنتدي

اشكر مرورك الدائم المعطر دائما بالبهجه والبسمه

ادام الله عطرك وبسمتك

تحياتي يااستاذه

حسام خليل كتب:: علي نسمه صافيه ترد روحي

وبسمه ورده من بين شفا يف

عشقك دا بلسم يشفي جروحي

الله عليك يا بو قلب طاهر يا عم طاهر

ايه يا عم الحلاوة دي

بس ايه حكاية اسكندرية معانا؟
القصيدة دي بجد خراب بيوت
ههههههههههههههه

الشاعر طاهر الصوفاني
عشت ولا هنت ولا فض فوك

الجميل والاخ والصديق الشاعر حسام غريب

اشكر مرورك الجميل كما شخصك وخلقك

واتمني لو نلتقي قريبا بامر الله

فعلاحكاية اسكندريه مع الشعراء ؟؟؟؟؟؟؟؟؟

ولكن ليه لا مادامت الاجمل والاحلي

ههههههههههههههه

لما نتقابل بقي بامر الله نكمل

تحياتي يااستاذنا

جميل جمال طاهر الصوفانى

كلماته حلوه كتير عجبانى

وسعيده بيه علشان عنيه

حبت وعشقت ف اسكندرانى

تقبل خربشاتى

ايها الرائع

دمت بجمال وحب وابداع

ملحوظه

تثبت القصيده بواسطتى

لروعة وجمال ااشعر والشاعر

الشاعر الرائع الاستاذ الرائع طاهر الصوفانى

كلمات رائعه وساحره وذات لحن موسيقى فى الاذن

يستمر بالتردد حتى بعد انتهاء القرأه

دمت رائع مبدعا كما انت

تقبل مرورى وتقديرى

إسكندريه ؟؟؟؟؟؟؟؟؟؟؟؟؟؟؟؟؟؟؟؟؟؟

إنها إمرأه أمينه

لقد أكتفت برجل واحد لتعذبه

حبيبتك أنت في الصيف

حبيبتي أنا في الشتاء

هل هذه القسمه عادله ولا أدخل عليها بتقلي ؟؟؟؟

تحياتي الشاعر الجميل 000 طاهر الصوفاني

اخى الشاعر الاستاذ طاهر الصوفانى

يا اسكندرية يام الدواهى

سكينة ..ريه والعقل ساهى

يحلف بحبك يموت فى شطك

يروح ولما ييجى يباهى

قصيدة ولا اروع مختلفة التناول وكلها محبة وعشق للساحرة الرائعة اسكندرية

تحتاج ملحن ومطرب يغنيها لنصقف لك وله

كل التقدير والتحايا لابداعك الجميل

اختك الشاعرة وفاء امين

مشرفة النثر وعضو المجلس الاستشارى بالمنتدى

[b]

والله ياطاهر ياصوفاني

أنا من كتر حبك وعشقك لأسكندرية في القصيدة الوصفية الغزلية دي

فكرتك اسكندراني بلدياتي

بس لما عرفت إنك مش اسكندراني بيني وبينك

زعلت !!!

عارف ليه ؟؟؟

عشان الشطره دي :

(( الرحمه منك يام الدواهي ))

!!!

وأنا بقي أموت وأعرف الشطره دي

مين الدواهي المقصودين بيها ؟؟؟

وازاي عدت

علي / عادل عوض سند ........ و / عزّة الزرقاني ؟!!!!

كده برضو يااسكندرانيه ؟؟؟

عمالين تشجعوا طاهر الصوفاني وهو بيوصف

( أمكـــــم / اسكندريــــــه )

بأم / الدواهـــــــــــي !!!

عموماً الحق مش عليه .. الحق علي اللي

( شربوها )

من غير مايخدوا

بالهم
!!!

بس أنا بقي متأكده أن لو / وداد الهـــــــواري هنـــــــــا

ماكنتش

( شربتهـــــــــا )

أبدددددددددددددددددداً

شاعرة الشعب

زينات القليوبي

الشاعرة عزة الزرقانى كتب:

جميل جمال طاهر الصوفانى

كلماته حلوه كتير عجبانى

وسعيده بيه علشان عنيه

حبت وعشقت ف اسكندرانىش

تقبل خربشاتى

ايها الرائع

دمت بجمال وحب وابداع

ملحوظه

تثبت القصيده بواسطتى

لروعة وجمال ااشعر والشاعر

الستاذه الشاعره عزه الزرقاني

اشكر حضورك الراقي دائما وخربشاتك اللتي تسعد الجميع

ويارب يدوم علينا حضورك الراقي دايما

تحياتي يااستاذه

» ليه يابحر اسكندريه؟!
» عند جامع براهيم فى اسكندريه
» أغنية أم الشعور الدهب وشط اسكندريه من مؤلفانى لسمير صبرى
» فى اسكندريه اترسم على الكل احزان للزجال محمد سرور
» حبيبتي ..