مهرجان

مهرجان وأغاني حلوه

طلّه من نظرة عينيك

قلبي مسرح للعرايس

والخيطان بتبوس إيديك

وانت بتجرجر خيالي

بهمسه حلوه وشوق إليك

واما تضحك سنىّ يضحك

تشتكي قلبي يراعيـــــــك

أصلي عارفه زمّانا قاسي

بيعاديني ويعاديـــــــــــك

دي الملايكه بتغازلني

من حنانك اّه ياعمري

جّوه حضنك عمري ليك

شفت فيك كل الحبايب

والنجوم فرحانه بيك

والقمر سهران معانا

نورُه بيضلل عليك

من كلام في العشق دايب

روحي تصرخ وتناديك

غني تاني بسحرك انت

قول كمان الله عـليـــــــك

الشاعرة وفاء أمين

*******
يافرح فينك بقي

يا نسيني من مده

مشتاق ليوم اللقى

وتعبت م الشده

ياحب امرك عجيب

عني وبتميل

لارق ليا الحبيب

ولامني يوم ميل

*****

علي فكره مش بعرف ارد علي اشعارك سامحيني

بس اضم صوتي للقديره الاستاذه زينات القليوبي

وربنا يجعل كل ايامك فرح وسعاده

تحياتي يااستاذه