الوليد

والله ماسبتش مكانى يوم أُحد
رغم إنى محتاج للغنايم
لكن حلاوة الإنتظار
بتهد جوايا إشتياقى للوصول
الرسول كان له أكيد حكمة فى ثباتنا
إثبتوا

***

_ الإلتزام سر الوصول بالمعركة لبر الأمان
الغنايم مصيدة
الإنتصار مش بالسهولة المفرطة
الإنتصار بيْدَعَّمه أبسط مبادئ
إيه لزمة التخطيط .. إذا كان إلتزامنا بالقواعد والأوامر إتنسى ؟؟ _

***

أنا ملتزم
وانحرافى عن مبادئى مستحيل
أنا مش هكون زى اللى نزلوا للميدان من غير سلاح
فاتحين صدورهم لاغتيال الريح من غير حساب الممكنات

***

فكروا قبل التحرك ..
هل من الممكن لجيش
أرسى قواعد الانكسار
والرهبة والخوف والعذاب جوا قلوبنا
إنه يسمح إنِّنا نملك زمام المعركة
والسيطرة ف قلب الميدان
من غير مقاومة أو مؤامرة أو معارضة
أو مخطط للحصار لاستعادة مجدهم ؟؟
إنهم لا يؤمنون
والحرب خدعة وكل شئ فيها مباح


***


والوليد مش سهل أبدا
الوليد عارف ظروفنا واحتياجنا
وانحرافه عن حالاتنا واعتقادنا
يدَعَّمه لاقتناص آخر فتات حلم المواجهه من قلوبنا
تتنزف منَّا الإرادة
ننكشف ليهم
فنستقبل سهام الفكر من جوفهم نبقى ف تشتت
هى دى لحظة وصول حلم الوليد للسما
يلتقى بخوفنا المعشش فى العيون
نستقبل المطر التحكم
يتولد فينا انكسارنا وبين ملامحنا الذهول
تنطق قلوبنا
ياريتنا طاوعنا الرسول

***

_ إيه راح يفيد الندم من بعد تحديد المصير
إيه راح يفيد المؤمنين دلوقت
بإسلام الوليد بعدين
إيه راح يفيد الإبتكار لحظة وقوع المشكلة
إذا كان إيمانَّا بدورنا أصبح منتهى
والإعتماد ع الغير أصبح وسيلة للخلاص _

***

الوليد رش الجنود ع الميدان
فى الحلم / جوا الكيان / فى الدم
إنكسر فينا التحرر
وارتمينا ف حضن أخطائنا وطمعنا
إتجردت أفكارنا من درع المصابرة والإيمان بالإنتصار
الوليد رش الجنود فى الميدان دوامات
إتخلقنا من موج المفاجأة
وانكسار الموج فى قلب الدوامات هى حقيقة الموت
إحنا اتخلقنا لمعركة واحنا مش عارفين
جلل سؤالى فى الفضا إزاى بقينا مؤمنين

_ أنا مش هفارق موقعى هذا إلا بموتى _

ياللى عندك أمل إن الوليد يرحم شقانا وضعفنا
لازم تفوق
الوليد مش هيبقى ف صفنا أبدا
مش هيؤمن باللى فى قلوبنا
الوليد هيموت كدة
كافر



http://hkooma.blogspot.com/

سمعتها منك في أحد المنتديات
كنت رائعا كعادتك
بس ليه بتغيب علينا
بقولك ايه بالمناسبة
سندوتش الفول لسه بجنيه ونص ولا غلي ؟
طمني الله يخليك

الاخ الكريم الشاعر الكبير هاني مهران .. ما شاء الله قصيدة رائعة .. الفكر منفرد ومميز .. المفردات والصور والاخيلة رائعة .. موضوع اسقاط ترك المسلمون لمواقعهم يوم أحد وأنازله على واقع مؤلم فعلا ابهرني ... انت شاعر بحق وبكل ما تحتويه الكلمة من فن وفكر وابداع .. دمت أخي شاعرا مبدعا ووطنيا غيورا

الشاعر المبدع / هاني مهران
تحياتي لك
ولقصيدتك الرائعه وجمال اسلوبك
ورؤيتك الجميله
دمت بكل خير

الله عليك يا أستاذ هاني

[center]ياللى عندك أمل إن الوليد يرحم شقانا وضعفنا
لازم تفوق
الوليد مش هيبقى ف صفنا أبدا
مش هيؤمن باللى فى قلوبنا
الوليد هيموت كدة
كافر

الجميل الأستاذ

هــــانى مهـــــــران


تحياتى اليك ايها الرجل الواعى جدا


تصقيفة للبغل الوليد ...

تصقبفة للبغل اللى فات

ماهو اصل بدران الجديد

زات نفسه بدران اللى فات !!!!!!!!!!!!!!!1

وأقول:

يابــوا إلقــفــــا فــــولاذ
والضــرب فيــك واجــب
من إمتى يابـن( ال....)
تـعـْـلى عـلى الحـَاجــب
لازم تِـدنـَّـــك كِـــــــــــده
تــاكـل وتشـرب هـَـــــــمْ
والشوك كمان مرْتعَـــــك
وان كان كمان عـاجــــب

يابـو القــفـا عــرضيــن
والعــرض قـــد الكـَـــفْ
بالبلــغـه ع الجنـبــــيــن
لـمــا تـِتـُـوه و تـْـلِـــــفْ
هاتفـُوق هاتـقـــرف بـلد
أصْـلَــك كــده فــرعــون
بـالضـرب تبـــنى الهـَرم
وللـتــــراب هاتسِــــــف


[/center]

الشاعر الجميل :- هانى مهران

جميل ما قرأته هنا سعدت بمرورى على قصيدك بكل مافيها من ثمار يانعة .

شكراً لك .

الأستاذ هاني مهران

تحياتي عبر مروري علي

متصفحك الجميل الذي انتظره

بين الحين والاخر وللحقيقه

اجد في رمزيتك الجيدوالجديد والبديع

الذي اتعلم منه شخصياً ..

دمت استاذي بكل خير