سندوتش

من أسبوع نفسي الأمارة بالسوء هفتني على الكبدة
و كنت حاسس إن ريحتها في كل حاجة أشمها
الورق ... الحبر ...شكمانات العربيات
أخبار نشرة تسعة
دا حتى القهوة اللي متعود عليها كل صبح من إيد الواد عكاوي
كانت ريحتها كبدة !!!
يمكن العامل النفسي كان شادد حيله
المهم قررت إنهاء الموضوع بسندوتش كبدة عجب
يا سلااااااااااااام
أمة لا إله إلا الله كلها أخدت نفس القرار و في نفس الوقت
يا محاسن الصدف
الريحة بتغري حتى الشبعان إنه ياكل
و هممت بالكبدة و همت بي
و ما رأيت برهان ربي إلا في عنبر علاج التسمم
و بعد عتاب قصير مع النفس اللوامة
كنت في حالة تدبر و خشوع و صوت الشيخ عبد القادر
بيرن في الميكرفون
يأيها النفس المطمئنة ارجعي إلى ربك راضية مرضية

أكات كبدة ؟ ها يا كبدي عليك
كان نفسي تشوفها وهي نية عنيك
كنت هتقرف من ان حتى تلمسها اديك

الشاعر المتميز حسام خليل :

ههههههههههههه

يا بنى دى كبدة عجب تخلى الأسرة تطلع عليك طلعة رجب

يعنى اللى ياكلها لازم تكون معدته حديد

أى حد عنده مغص أو تلبك معوى يبعد عن كبدة الزهيرى

تصور إن السندوتش من الشطة اللى فيه ما حدش يقدر يقرب له غير واحد معدته

تهضم الزلط

وعلى رأى المثل

حبيبك يبلعلك الزلط وعدوك ياكل كبدة الزهيرى

علشان يرتاح من هموم الدنيا

وإن لله وإن إليه راجعون

الزهيرى

الشاعر التفعيلى الجميل / جابر الزهيرى
معدتك كش واخدة على الأكل برة ( البيت )
ويارب النفس المطمئنة ترجع لربها
وعشان أنا باحبك حابلع عشانك الكبدة وأمرى لله
و أشكر رقيك وحسن تعاملك النقدى كما أشكر الزعيم / عاطف الجندى على تعليقه الفنى

الاستاذ الشاعر جابر الزهيري

جميل يا صديقي العزيز

ابداع ولا اروع هكذا يكون التألق

دمت بخير

الأخ الفاضل و المبدع الكبيرعادل سند


أعمل إيه يا بوي الجوع كافر

أكلت و منهاعلى الـــ .........

المهم إبقى إحضر الدفنة

دا أنا أخوك

ههههههههههه

الزهيرى

الشاعر الكبير عاطف الجندى

كان نفسي أعزمك

بس إنت صاحب عيال

خليك جعان أحسن


نلتقى في الجنة


أخوك

الشاعرة الأستاذة عزة الزرقاني

ألف هنا و شفا

و على فكرة الكبدة من عند الزهيري برضة


ههههههههههههه

الزهيرى

اخى المريض بداء حب الكبدة جابر الزهيرى

شفت ياجابر عصيت على الفرح لما عزمتك فى اسكندرية ونفسك هفتك على عربية كبدة مضروبة×تسمم
هههههه

عموماً ألف سلامة ياخويا ويابخت اللى فى العنبرمعاك

كان معاهم شاعر كبير بيشعر فى الكبدة وطلعت قصيدة ولا اورع

تسلم كبدتك وقصيدتك من كل شر

اختك الشاعرة وفاء

مشرفة النثر الفصيح والعامى عشان خاطرك

or=red][/color]

جميلة اوى وفعلا فيها حدوتة كل متسمم من المصريين عشان نبطل ناكل من الشارع وولا هيأثر فيناهههههههههههههههههه
تسلم يا استاذى يا شاعر يا كبير تقبل مرورى المتواضع

الاكل من ايد المدام
اخر تمام
انت ليه اكلت بره
مهما كان ريحته حلوه
النهايه فى المبره

حبيبى جابر باشا

علم الفصحى والعاميه ومربعات الواو

والنثر وكل حاجه أنا أشكر الأخ فتحى

عوض اللى جاب لناعربية الكبده دى هنا

( عفوا أقصد قصيدة الكبده دى هنا ).

وعلى فكره أنا مدمن أكل كبده بس بيتى!!

أحسنت ياجميل واوعاك تطب تانى علشان مش

كل مره تسلم الجره ( قصدى تسلم المعده)

تقبل تحياتى أخى الحبيب .

الشاعر الجميل جابر الزهيري

نص جميل وفكره رائعه

دامت حروفك

قطعة جميلة يغوص كاتبها المتألق في أحشاء المناطق الشعبية معلناً التذمر على كل سئ وبغيض .. موفق دائماً شاعرنا الكبير جابر الزهيري .. ويارب يكون إهدائي وصلك .. تقبل مودتي