ترنيمات

عـشق الـنـور مـش ذى عشـق الضـلام

ولا كل الليالى زاهى وطالل القمر فــيه

وبــراءة القــلــوب مش ذى مــكر اللئام

والسر معـروف لو كنت فى يوم هتخفيه

والصمت ممـكن يكـون ابـلغ م الكـلام

والهمس ممكن يتفهم لو كان الصدق فيه

وصوتـك العالى ممكن مـا يتسمع مــادام

النيه ساكن فيـها كلام عـكس اللى بتحكيه

والشـفايـف اللى بتـنطــق بــبذيئ الـكـلام

لــو تعــرف قيــمة السكات هـادور عليه

والحكمة نابعة م العقول لا بتزويق الكلام

والعقل لو كان موجود الخير انت جانيه

طيـب الكــلام اللى يــزيح بـحور الملام

والشر لو موجود مصيره على اللى بيرويه

المروءة غير خسيس الطباع او تشتريها بكام

والصدا لو غازى المعادن الدهب ه يغلى عليه

الهـمه هـى وحـى الضمير لــو ف يــوم نام

قــول عـلى الــدنيا الـسلام والشيـطان يناديه


[

الشاعر الاستاذ طاهر رئع ماكتبت دومت بالف خير
حسنى شاكر

اخى العزيز حسنى شاكر
حضوركم عطر الكلمات وذادها بهجة وسرور
دمت لنا سالما

شاعرنا الكبير
عادل عوض سند
حضوركم عطر الكلمات برائحة المسك والياسامين
وثنائكم شرف لى مع تقديرى و احترامى لشخصكم النبيل