مش انت بس الى اتقتلت

مش أنت بس اللي اتقتلت

مش أنت بس اللي اتقتلت من الغدارين
مش أنت بس اللي كرمته اتبعترت
تاهت معاك كرامة الشعب الحزين
ضاعت العزيمة والإرادة أتكسرت
لو ناوي احكي الحكاوي تطول سنين
بس الحروف في لساني غصب عنى أتقيدت
حتى الحقيقة تاهت وسط كلام كتير
والكذب زاد والصدق ملامحه أتغيرت
والظلم ليه فارد جناحه على البشر
ولية بنسكت على الهوان والظالمين
ده الطير بيدا فع عن كرامته على الشجر
ليه يتقتل شاب لسه معداش الثلاثين
ويضيع شبابه في لحظة ونقول القدر
ولية أبوه يعيش عمره حزين
ده يوم ميلاده من الفرحة قلبه انفطر
يا أم خالد مش انتى بس أم الشهيد
ولا خالد بس إلى دماه راحت هدر
فى زمانة دة كل يوم فى جديد
ارواح شباب على الدوام عيشة فى خطر
اياكى تبكى والدموع تملا العنين
هييجى يوم تلاقى الحق فية ظهر
لو كل يوم قتلوا فينا مية شهيد
هيتولد مليون شهيد بين البشر
والظلم مهما كانت شدتة في يوم اكيد
هتلاقى الحق نوره بان زى القمر
انا واللى زيى وزى خالد رافضين الخضوع
وبندعى ربنا ينتقم فى السجود وفى الركوع
فى زى خالد شباب كتير جوه السجون
الحزن مالى القلب والدموع مالية العيون
موتك ياخالد فى حد ذاتة انتصار
لكن الهزيمة انك تموت شب فى عز النهار
وتحرق قلب ابوه وتسيب امة فى نار
ياأم خالد كلنا خالد سعيد
الحق هو الحق هيعيش للابد
والظالمين نهايتهم سودة اكيد

واحد دمه محروق

الموضوع جميل ووقته انا فعلا كلنا لازم نكتب فيه انا بشكرك على المضمون الرائع
والمعنى الحزينمش أنت بس اللي اتقتلت