والإســــــم شاعر

أيوه ده

هوه ده اللي أنا نفسي أكونه

أترسم علي قد رسمه

أنقسم علي قد كونه

شاعر

ضاحك

باكي

ومجهز روحه لموته الحتمي

لو شاف عنيها مدمعين

أو ف ليل قالت ( ياعين )

أيوه ده

هوه ده .. الولد اللي كبر فجأه

ومن غير مواعيد

بقي حاسس بهمومه زياده

وبالوطن اللي إتقصقص جناحاته

علي كل رصيف

عيل نحيف

وأنا نفسي أعيشه

أقسم معاه ملحه وعيشه

شاعر

ضاحك

باكي

قارش ملحة الأيام وعارف

شفاف شفايف قلبها جافي

عيل خرافي .. والإسم شاعر

ليلاتي

فوق سطح العالم بيخربش

علي ضحكه ف قلب الواد

اللي إستندل ورماك بعين فيها شوك

من تحت لتحت

أيوه ده

هوه ده اللي أنا نفسي ..

الاستاذ الشاعر

مراد ناجح

الشاعر الذى تتلهف ان تكونه . هو بداخلك

وبالفعل هذا الشاعر كبر قبل الأوان . وقد شيبته الحقيقه

وحب الوطن الذى { تقصقص جناحاته } .

انت شاعر جميل ولك قلسقتك الخاصه فى كتاباتك

وهنا قصيده قرأتها فأمتعتنى وسعدت بالمرور عليها .

تقبل كل التحية والتقدير ..