مشاغبات ندى ( الدنيا ليه مش بمبى ؟)

الدنيا ليه مش بمبى ؟

**********

أنـــا شـــــايفة الدنيــا ســــــودا

وحــاسـة خنــجــر ف قــــلـــبى

أشــمعنى صلاح جـــــــــــاهين

يوم شــــــــــاف الدنيا بمبــــــى

********

[/b][/center][/size]

الاستاذه الشاعره

ندى امام

الفرق بسيط سيدتى ..

وهو الفرق بين الزمنين . صلاح جاهين

كتب الحياه بقى لونها بمبى لكونه عاشها

بحلاوتها ورخصها وامانها .

أما الآن فنحن نعيش بمرها وغلوها والخوف من الغد

رباعيه ولكن تُكتب فيها صفحات .

تقبلى مرورى مع خالص مودتى ...

الأستاذة الشاعرة / ندى امام

راحت كل الألوان من الدنيا لم يتبق فيها غير الأسود ،

والرمــــــادى اللون السائد فى التعامل بين الناس .

يعنى مش لوحدك اللى مش شيفاها بمبى !!!!!!!!!

رباعية محملة بالشجن ولكنها محملة بالتأمل أيضاً

دمت مبدعة

وداد الهـــــــــــــــــوارى

يا ندى
و حد يصدق كلام الأغاني برضو ؟
موش لما واحد يقول لواحدة كلام بتقول له غنى عليه براحتك ؟
أو فلان بيغنى على فلان ؟
تعرفى فيه أغنية لمحمد عبد الوهاب بتقول :
ما أحلاها عيشة الفلاح متهنى قلبه و مرتاح
كان بيغنيها الفلاح طالع عينه و موش لاقى الأكل و لا الشرب
المهم أنت كسبتي رباعية جميلة
و موش لازم تكون بمبي
موش كده و لا أيه ؟

عادى الدنيا ملونه

ساعة ضنا وساعه هنا

وف الحلتين لازم نعيش

لحين نهاية عمرنا

دمتِ بكل جمال وابداع وحب

الشاعره الرائعه ندى امام

رباعيه رائعه ف الكلمات والمضمون

وتحمل نوع من التفاؤل

رائع ما خطه قلمك

دمت مبدعه متألقه

تقبلى حبى وتقديرى

الف سلامة عليكى شاعرتنا الجميله

من الدنيا لكنها حلوة وبمبى طول ما فيها رضا

بس المهم نشوفها كده بعيون الرضا هنلاقيها بمبى وبالالوان الطبيعية كمان

سلمتى وسلم نبض قلمك

كات زمان الدنيا بمبى
لماكنا نحب بعض
بقت سواد ودا مش تحدى
امتى يوم نخلص لبعض
كات هاتبقى حياه جميله
فيهانوفى باْلف وعد

الرائعه ندى امام
ضاع زمن الحب الجميل كما اختفى من حياتنا كل شىْ جميل
واصبحنا لانرى غير الالوان الغامقه
فتحياتى لقلمك البراق وتقبلى مرورى

الحياة كان لونها بمبي ..في عنين صلاح جاهين
لما حب الحب نفسه .. في عيون المشتاقين
لما كان قلبه بيبكي .. رحمة بالطفل الحزين
واما كان جاره اللى جنبة ..عم صالح او أمين
وأما غني الليل بطولة .. انت عمري واروح لمين
وأما كات مصر القديمة .. والجديدة مرتاحين
لو سألتي صلاح ف عصرك .. راح يغني حياتنا طين

احييكي على هذه الومضة
ولى تعليق بسيط بان صلاح جاهين مكانش شايفها بمبي ولا حاجة وكلنا عارفين ان صلاح جاهين كتب النوع ده بعد ما كتب يا اهلا بالمعارك والاغاني دى ليه
ليس كل ما يكتب من القلب
واقبلي تحياتي

عادل عوض سند كتب:

الاستاذه الشاعره

ندى امام

الفرق بسيط سيدتى ..

وهو الفرق بين الزمنين . صلاح جاهين

كتب الحياه بقى لونها بمبى لكونه عاشها

بحلاوتها ورخصها وامانها .

أما الآن فنحن نعيش بمرها وغلوها والخوف من الغد

رباعيه ولكن تُكتب فيها صفحات .

تقبلى مرورى مع خالص مودتى ...

*********
شكرا للمبدع الكبير شاعر العامية الرائع
الاستاذ عادل عوض سند

أستاذى انا بكتب عامية على استحياء منكم لأنى بكتب وسط فطاحل شعراء العامية

ولكنها أحيانا ما تغازلنى وتدفعنى بقوة للكتابة وأقوم وأنا محرجة منكم بوضع

كلماتى المتواضعة فى منتدى شعر العامية ولكن سعة صدوركم وتواضعكم الكبير

وجمال سريرتكم تقومون بالرد والثناء وابداء الرأى

لذا فانا أشكركم جزيل الشكر على هذه الحفاوة وهذا الاهتمام

دمتم لى بكل الود والخير والسعادة

خالص تقديرى لمرورك الباهى

الدنيا بنشوفها احنا على كيفنا

ياعنى لو مدينا لها كفوفتا

اكيد هاتحضنهم مش هاتكسفنا

احنا اللى بلون الايام

بلون الفرح بلون الحزن

بلون الحب ولا بالاشجان

مالها بقى الدنيا

والله انتى ظلمها ا

العيب فيه وفيكى

وهيه ذى الصبيه

تدلل يزيد حلها

ولما فى مره نجرحها

بتتالم ويموت كل شيىء حلو جواها

يبقى ياست الكل

ياندى يامام

احنا اللى قتلنها

يبقى الدنيا لونها بجد بمبى

بس احنا اللى سودناها

تحياتى لكى ولكلماتك المعبره

لكى منى اجمل تحيه

بهاء امين منيسى

وداد الهوارى كتب:

الأستاذة الشاعرة / ندى امام

راحت كل الألوان من الدنيا لم يتبق فيها غير الأسود ،

والرمــــــادى اللون السائد فى التعامل بين الناس .

يعنى مش لوحدك اللى مش شيفاها بمبى !!!!!!!!!

رباعية محملة بالشجن ولكنها محملة بالتأمل أيضاً

دمت مبدعة

وداد الهـــــــــــــــــوارى

*****
شاعرتنا الكبيرة مقاما

وداد الهـــــــــــــــــــوارى

الرائعة

الدنيا جميلة لأنك فيها

وحلوة عشان بتزينيها

بالمحبة والشعور اللى زاد

حتى أسمك فيه حلاوة

فيه غلاوة يا وداد

عاطف الجندى كتب:: يا ندى
و حد يصدق كلام الأغاني برضو ؟
موش لما واحد يقول لواحدة كلام بتقول له غنى عليه براحتك ؟
أو فلان بيغنى على فلان ؟
تعرفى فيه أغنية لمحمد عبد الوهاب بتقول :
ما أحلاها عيشة الفلاح متهنى قلبه و مرتاح
كان بيغنيها الفلاح طالع عينه و موش لاقى الأكل و لا الشرب
المهم أنت كسبتي رباعية جميلة
و موش لازم تكون بمبي
موش كده و لا أيه ؟

*****
أيــــــــــــــــــه
*****
أنا كسبت مرورك Shocked

الشاعرة عزة الزرقانى كتب:: عادى الدنيا ملونه

ساعة ضنا وساعه هنا

وف الحلتين لازم نعيش

لحين نهاية عمرنا

دمتِ بكل جمال وابداع وحب

*******

تعيش عزة

تعيش

دمت بكل المحبة والغلاوة يا أحلى من الحلاوة

Very Happy

أميرة البدرى كتب:: الشاعره الرائعه ندى امام

رباعيه رائعه ف الكلمات والمضمون

وتحمل نوع من التفاؤل

رائع ما خطه قلمك

دمت مبدعه متألقه

تقبلى حبى وتقديرى

******
الروعة لك يا أميرة وكل الجمال

دعواتى لك بمزيد من التفاؤل والسعادة

محبتى

بسمة الورد كتب:: الف سلامة عليكى شاعرتنا الجميله

من الدنيا لكنها حلوة وبمبى طول ما فيها رضا

بس المهم نشوفها كده بعيون الرضا هنلاقيها بمبى وبالالوان الطبيعية كمان

سلمتى وسلم نبض قلمك

********

سلمت يمينك حبيبتى وسلم مرورك العطر الراقى

بمبى بمبى بمبى Very Happy

شادية الملاح كتب:: كات زمان الدنيا بمبى
لماكنا نحب بعض
بقت سواد ودا مش تحدى
امتى يوم نخلص لبعض
كات هاتبقى حياه جميله
فيهانوفى باْلف وعد

الرائعه ندى امام
ضاع زمن الحب الجميل كما اختفى من حياتنا كل شىْ جميل
واصبحنا لانرى غير الالوان الغامقه
فتحياتى لقلمك البراق وتقبلى مرورى

*********
التحيات العطرة لك ولمرورك الرقيق مثلك
دمت بكل الود والتقدير
وإذا كان ضاع زمن الحب الجميل ياريت حتى نبقى فى زمن الحب بس أحنا راضيين
محبتى Shocked

محمود جمعة كتب:: الحياة كان لونها بمبي ..في عنين صلاح جاهين
لما حب الحب نفسه .. في عيون المشتاقين
لما كان قلبه بيبكي .. رحمة بالطفل الحزين
واما كان جاره اللى جنبة ..عم صالح او أمين
وأما غني الليل بطولة .. انت عمري واروح لمين
وأما كات مصر القديمة .. والجديدة مرتاحين
لو سألتي صلاح ف عصرك .. راح يغني حياتنا طين

*******
المبدع الراقى
محمود جمعة
كلماتك الرائعة اضاءت متصفحى فلك كل الشكر والتقدير
للمرور وللتعليق وللكلمات الزاهية
Shocked

****

وامتى مصر القديمة والجديدة راح ترتاح ؟
وامتى قلبى راح يخف من الجراح ؟
أمتى اغنى الليل بطوله ؟
عمر ما يعود اللى راح ..
****
تحياتى وتقديرى

diaa ghounim كتب:: احييكي على هذه الومضة
ولى تعليق بسيط بان صلاح جاهين مكانش شايفها بمبي ولا حاجة وكلنا عارفين ان صلاح جاهين كتب النوع ده بعد ما كتب يا اهلا بالمعارك والاغاني دى ليه
ليس كل ما يكتب من القلب
واقبلي تحياتي

******
لأ طبعاً شافها بمبى
ده كفاية كان موجود معاه سعاد حسنى وعبد الحليم وغيرهم من الجيل الجميل ده علشان الدنيا تبقى بمبى بمبى بمبى بمبى
تحياتى Shocked

[quote="بهاءأمين منيسى"][center]الدنيا بنشوفها احنا على كيفنا

ياعنى لو مدينا لها كفوفتا

اكيد هاتحضنهم مش هاتكسفنا

احنا اللى بلون الايام

بلون الفرح بلون الحزن

بلون الحب ولا بالاشجان

مالها بقى الدنيا

والله انتى ظلمها ا

العيب فيه وفيكى

وهيه ذى الصبيه

تدلل يزيد حلها

ولما فى مره نجرحها

بتتالم ويموت كل شيىء حلو جواها

يبقى ياست الكل

ياندى يامام

احنا اللى قتلنها

يبقى الدنيا لونها بجد بمبى

بس احنا اللى سودناها

تحياتى لكى ولكلماتك المعبره

لكى منى اجمل تحيه

بهاء امين منيسى

*****

طيب قل لى ازاى نلونها

و نحلى ايامها وسنينها

ونشيل الغمة اللى عليها

وليالى الحزن وتفانينها

[/b]
***

شكرا لمرورك العطر ولكاماتك الراقية

دمت بكل البهاء والرقى

Shocked

الأخت العزيزة

ندى أمام

مش هاقول الدنيا سهله

والخلايق مبسوطين

زى عم صلاح م شافها

ولا مكاوى الحزين

بس عندى الأصل أحسن

من وشوش الخداعين

دمت بكل أخوة ومودة

منصور غيضان كتب:: الأخت العزيزة

ندى أمام

مش هاقول الدنيا سهله

والخلايق مبسوطين

زى عم صلاح م شافها

ولا مكاوى الحزين

بس عندى الأصل أحسن

من وشوش الخداعين

دمت بكل أخوة ومودة

***********
فعلا
عندك حق

فكم نقابل كل يوم وجوها خادعة تصدمنا

اشكرك منصور غيضان الشاعر الخلوق

على هذا المرور الباهى

دمت بكل الخير والود والسعادة

آمين
Shocked

الشاعرة الكبيرة " ندى إمام " فن الومضة أو المكثفة الشعرية فن يحتاج إلى قوة شعرية متدفقة حتى يصل إلى مستوى من التركيز يحمل المتلقي إلى حيز الدهشة ...
لقد نجحت نجاحا عاليا في تلك المكثفة الشعرية ومرجع هذا في نظري إلى سببين :
الأول : قدرتك العالية على اختزال المعاني وضغطها في حيز محدود من الكلمات ... وهذا ما أطلق عليه علماء البلاغة " الإيجاز البلاغي " فمنذ وضعت قواعد الإيجاز البلاغي على يد عبد القاهر الجرجاني ليخدم قضية الإيجاز في القرآن والعرب يعرفون أصول فن الومضة قبل أن تعرفه أوربا بقرون عديدة والذي استقدمه شبابنا من الغرب تحت مسمى " الأبيجراما " متناسين أن أمتنا العربية هي التي أسست فن الأبيجراما الشعرية
الثاني : المفارقة الشعرية التي أحدثتها وقلب النتائج وتلك المفارقة هي أخص خصائص الأبيجراما الشعرية .. خاصة والمفارقة جاءت من خلال قلبك لنتائج " صلاح جاهين " التي استقرت في أذهان الأجيال لتأتي أنتِ وتقلبي تلك النتيجة فجاءت الدهشة
حقيقة مكثفة شعرية غاية في الروعة ... أهنئك من كل قلبي

أبو القوافي كتب:: الشاعرة الكبيرة " ندى إمام " فن الومضة أو المكثفة الشعرية فن يحتاج إلى قوة شعرية متدفقة حتى يصل إلى مستوى من التركيز يحمل المتلقي إلى حيز الدهشة ...
لقد نجحت نجاحا عاليا في تلك المكثفة الشعرية ومرجع هذا في نظري إلى سببين :
الأول : قدرتك العالية على اختزال المعاني وضغطها في حيز محدود من الكلمات ... وهذا ما أطلق عليه علماء البلاغة " الإيجاز البلاغي " فمنذ وضعت قواعد الإيجاز البلاغي على يد عبد القاهر الجرجاني ليخدم قضية الإيجاز في القرآن والعرب يعرفون أصول فن الومضة قبل أن تعرفه أوربا بقرون عديدة والذي استقدمه شبابنا من الغرب تحت مسمى " الأبيجراما " متناسين أن أمتنا العربية هي التي أسست فن الأبيجراما الشعرية
الثاني : المفارقة الشعرية التي أحدثتها وقلب النتائج وتلك المفارقة هي أخص خصائص الأبيجراما الشعرية .. خاصة والمفارقة جاءت من خلال قلبك لنتائج " صلاح جاهين " التي استقرت في أذهان الأجيال لتأتي أنتِ وتقلبي تلك النتيجة فجاءت الدهشة
حقيقة مكثفة شعرية غاية في الروعة ... أهنئك من كل قلبي

*******************
الشاعر الكبير الخلوق

المتالق أبو القوافى

التهنئة برجوعك الجميل

وسعيدة بمرورك الباهى الزاهى على مشاغبتى

وكنت ارجو أن يكون المرور على القصيدة الفصحى (قال شهريار )

وابداء رأيك المفيد ونقدك البناء

خالص ودى وتقديرى Shocked

» مشاغبات ندى ( للرجال فقط )
» أم الدنيا
» مشاغبات ندى (أمريكا تعلن )
» بحب الدنيا
» الدنيا ........