يدوب كومبارس

أميرة البدرى كتب:

يدوب كومبارس


أكبر لعبه

ان الدنيا بتلعب بينا

بتمرجحنا وتودينا

يوم تجرحنا

ويوم تداوينا

واحنا يدوب كومبارس بنلعب

نفس الدور المكتوب لينا

دورى ودورك

مش فاهمينه ولا عارفينه

اصل المشهد فيه مش واضح

كل معالمه كده بهتانه

والمضمون المكتوب فيه

كده لخبطنى

خلى سؤال جوايا إتردد

وفضلت ابحث عن اجابات

عقلى خلاص قرب يتشتت

كل لما اجى اقرب خطوه

ابعد تانى

اصل التوهه جوه المعنى

كده وخدانى

يفرض نفسه عليه بقوه

يفضل جوايا ويتكرر

هو الدور ان انت مسير

ولا مخير ؟

[color=green]

جميل ماكتبتى ياسيدتى؛
تسلمي..
ويسلم قلمك

[/color]

الله عليكى يا اميره بجد جميله قوى

الأخت العزيزة والشاعرة المتميزة أميرة البدرى :

طب مين قال إننا كومبارس

إحنا يادوب زى المارونت

متعلقة فى رقبنا خيوط

متعلقة فى إيدينا خيوط

ولا نملكشى غير الصوت

لكن صوتنا ماهوش إحساسنا

صوت مفروض م الواد والبت

دا إحنا يا دوب عروسة مارونت




رزقى فى رجلي

كل ما أعلق يطلع شعر

حتى كلامى طلع موزون

وقبل ما أمشى

باقول يا أميرة

أنا والله ليكى ممنون

أخوكى جابر الزهيرى

العزيزة أميرة البدرى :

حلوة قوى كومبارس خادتنى

إنى أفكر

واسرح أكتر واكتر واكتر

فى اللى بيحصل للأدوار

فيها الكورس ويا الصولو

وحتى الصولو كمان كومبارس

ولاهوش دارى جوه اللعبه

وواهم نفسه

أنه ف زهرة لوتس عايش

لو كان دارى

كان راح يفضل صولو اللعبه ف الكومبارس

وانتى حببتى

علشان واعية

جوف حروف إبداعك ليه

عمرك يوم ماتكونى كومبارس

نفسى أشوفك

واهمس جوه حروفك

أهمس همس

إسمحيلى أقولك

الشاعرة الرائعة أميرة البدرى

بجد بدون مجاملة إنت رائعة فعلاً متصورش إبداعك أسعدنى أد إيه

لإنه مش مجرد إبداع عادي دى رمزية فو ق الوصف وخيال جامح

وهيه دى أميرة البدرى

الشاعرة الرائعة أميرة البدرى :


قصيدة جميلة كم عهدناكى بس ليه عتاب : ليه يادوب كومبارس


على فكرة الكومبارس أوقات كتيرة بيكون أهم من البطل. أما فكرة التسيير والتخيير فأنا أعتقد

ان انتى مقصدتش المعنى الدينى وانما كانت الفكرة اسقاط على حالة الملل والتشويش التى

تنتابنا فى كثير من الأوقات.

دمتى بكل خير ودام ابداعك



أخوكى



علاء