قصيدة من صلبى للشاعر منصور غيضان عبد الغفار

أيوه بنتى

والنسب من صلب دمى

والزعيم كان سر همى

وان خدوك من بيانى

أو دعوك لحد تانى

تخرج الروح من كيانى

قبل م تفرقينى أنتى

حد يسمع ده ياعالم

ف النسب

والاصل منى

يوم م قالو

فيه قضية

والظنون تكفى وهى

فى المحاكمة

منتهية أن بنتى

مش ف قلبى

مش لأسمى منتمية

عدت الأيام ثقيلة

والمحاكم مش بعيدة

لكن انتى ف ضل بابى

تبكى عينك والعدالة

رغم عنك مستحية

كل يوم نفسك تنادى

بابا حق مش رضية

عينى تيجى فى نن عينك

ينكسر قلبى بأديه

لكن أنت بحق راجل

كنت واقف ف المداخل

لما كل الناس تعدى

واقفل الباب بالحكاية

ياما قام الليل دعايا

بالصلاة وانتى ورايا

يابا خيفة تروح بحزنك

أو تفرقنا النهاية

ملتقبش لكلامى قافية

اوبحور فرحانة صافية

لكن الليلة اللى عدت

كانت الفرحة البداية

متقولوش ولا ألف ليلة

ا الشاعر منصور غيضان
دائما وابدا ماشاء الله
احيانا الواحد يبقى عاوز يقول كلام كتير بيحمل كل المعانى الجميله
لكن تقريبا المعانى بتغير من بعضيها وتتسارع وتتسابق وكل معنى عاوز يسبق التانى
فالواحد يحتار بينهم ويبقه مش عارف يكتب ايه والا ايه وانا كدا دلوقتى
اجمل كلام من كان امره الى الله فلا يحزن
حتى فى تعبيرك عن ماحصل ووقعه عليك ماشاء الله هى بنتك ومن صلبك ودمك وفى
النسب بتنسب ليك
دام ابداعكم لنا واسمح لى اشكر الاستاذ الدكتور صلاح طاهر من خلال صفحتكم وكلماتكم الرائعه ابنتكم نورا

ماشاء الله كلمات الاحساس بالنصر دائما بديعه

رائع ما قدمت لنا من معانى الفرحة الغامرة

سلمت لنا شاعرنا\منصور الغيطانى
دمت كما انت بتميز وابداع