ابن مين يعنى ؟!

يعاكس أختك فى الشارع و لو بصيت له يقول لك : ما تعرفش انا ابن مين ؟

يخبط لك عربيتك اللى طافح الدم عشان تجيبها و لسة عليها اقساط
و لما تقول له حرام عليك يقول لك : ما تعرفش انا إبن مين ؟

يغش فى الامتحانات و لما المراقب ينبهه يقول لك : ما تعرفش انا ابن مين ؟

يرتكب مخالفة مرور و يقول للعسكرى : ما تعرفش انا ابن مين ؟

يتمسك فى اعمال مخلة بالآداب فى احد الاماكن المشبوهة و يقول :
ما تعرفوش انا ابن مين ؟

يروح اى مصلحة حكومية يلاقى طابور كبير و الناس بايتة فيه من اول امبارح
يشمئز و يقول ما اقدرش اقف زيكم فى الطابور
ما تعرفوش انا ابن مين ؟

و اللى يغيظ ان بعض الناس ساعات بتخاف و يقولوا له خلاص يا باشا
زى ما انت عايز
ما تخليش حد ياخد حقك حتى لو كان ابن بارم ديله

و انا بقى عارفاه ابن مين
أكيد ابن ...... و .......... و........

ايوة انت حتقول لى يا عم عادل ؟
الداخلية حبيبة الشعب
اكيد المسكين اتفرم

انا لله و انا اليه راجعون

هههههههههههههههههههههه

شوفى دى مصيبتنا جميعا اننا نتشطر على بعض فالحياة العسكرية هى شرف للشخص وليس للتباهى والفشخرة على خلق الله والعينات دى كتير جداا وانتشرت فى المجتمع المصرى بشكل مش ولا بد وفعلا احنا السبب ال بنسمح للناس دى بالعمل دة يعنى لو واحد واقف فى طابور عيش ودخل عينة من دى انا مش بسكت وبكلم وساعات بتخانق لان دة حق مكتسب لينا
موضوع رائع جداا

الشاعرة المبدعة الاستاذة عزة الزرقانى
فعلا عندك حق
التربية هى اللى بتخلق افكار خاطئة عند الناس
و ناس كتير بتعلم ولادها منذ الصغر انهم فوق الناس كلهم
و يفضل طول عمره عايش فى الاوهام

مع خالص تحياتى

الأخ العزيز محمد زكى
انا احيي كل انسان يطالب بحقه و يتخانق للحصول عليه
بس طبعا واحد زى حضرتك ممكن يتخانق و غالبا موش حتنضرب
لكن انا مثلا و رغم حجمى المتواضع برضه موش باسيب حقى
وربنا يستر بقى