الصقر والحداية " حكاية من التراث المصري "

كان الصقـــــر والحدايـــة

بينهــــــم تـــار ودم ونـــار

لكن الفكــــر حط نهايـــــة

أما الفكر صحيح جبـــــــار

كان الصقر حكايته حكاية

ولاملهوش في الدنيا هواية

إلا يقارف في الحدايــــــة

والحدايـــة لقت فكراية

فالحدايــــة قالت للصـقر

أنا مش قادرة خلاص على ذُلك

بكرة حييجي معايا الفكر

وساعتها حتموت من غلبك

فات اليوم وكمان يوم

والحداية سابت الصقر

ونسي الصقر طعم النوم

مـ التفكير مين هو الفكر

دبل الصــقر وقتله الفكر

والحداية رجعت تضحك

والضحكة تجلجل كر كر

لما هدفها حقيقي اتحقق

وقالتله ما ده هو الفكــــر

اللي رحت أجيبه معايــا

بس سبقني وجه في السر

وماحبش يمشــــي ويايا

أيوه حقيقي ده هو الفكر

يقتل ويمسخر في الصقر

والحداية اترقت نســـر

أما الصقر فراح في القبر
..........................

ملحوظة: هناك قصيدة لي في المنتدى منذ أكثر من عام بنفس الفكرة بإسم مات الصقر.. ولكن أنا كتبتها بشكل جديد بعد خبرة العام التي اكتسبتها من المنتدى.

كنت كتبتها من 30 عام بهذه الصيغة:

https://elgendy.ahladalil.com/montada-f3/topic-t5241.htm?highlight=%e3%c7%ca+%c7%e1%d5%de%d1

وبعد اكتسابي الخبرة التي افتقدها .. واكتسبتها من أساتذة هذا المنتدى كتبتها بالصيغة الجديدة المذكورة

خالى العزيز طارق منيب

أيه الجمال ده كله يا خال موزونة عارف حسيت وأنا بقرأها أنى ماسكة أكسيليفون زى الأطفال وقاعدة بلحنها

الكبير كبير يا خال

بقولك أية ممكن شوية طول من عندك سلف

كل ما أكلم حد ألاقيه طويل قوى يا خالو

رقبتى وجعتنى

ههههههههههههه

تقبل مزحتى خالى العزيز

Very Happy

والحداية اترقت نســـر

أما الصقر فراح في القبر
..........................

هذة النهاية جميلة جدا فكرتني بأيام الطفولة الاولي لما كنا نبقي مستنيين ومنتبهين جدا عشان تعرف نهاية الحدودتة .. وان كانت القصيدة ليست حدوتة وانما فيها فكر وجمال رائعيين أهنئك على ال 30 عام شعر وادعو لك ب 30 1 اخرين تمتعنا بأبداعك الجميل ..تقبل مروري وتحياتي

يا سلام سلم أما حكاية
صقر اتهد من الحداية
الشاعر الكبير المبدع الرائع طارق منيب
دائما تسعدنا بإبداعاتك
عشت ولا هنت
تقبل مودتي وتحيتي

الله الله
ابداع جميل المعانى

تسلم الايادى شاعرنا\طارق منيب

دمت بكل ابداع جميل

مش بقول لك استاذ طارق

انت بقيت ملكش حل

بجد الله عليك

وعلى افكارك اللى دائما متجدده

دمت بحب

أخوتي الأعزاء

أعتذر في الرد .. وسأرد مساءاً.. ولكن ألفت نظركم إن فيه عمل لي من أكثر من عام في المنتدى أسمه مات الصقر قائم على نفس الفكرة.. ولكن كان ينقصه الكثير من الخبرة اللي اكتسبتها في العام ده

أخوكم

طارق منيب

الاخ الحبيب الشاعر

طارق منيب

بصراحه هناك فرق .

وهذا الفرق لم يجيء من فراغ . اكيد انت شعرت

ان الإلتحام والممارسه وكثرة الكتابه اتت بتلك النتيجه الجميله

تقدم اشد على يدك عليه واحييك على جمال نصك .

كل التحية والتقدير اخى طارق ...

الفضل لأساتذة المنتدى .. وأولهم أنت ياأستاذي/ عادل عوض سند

والله باكتبلك وأنا في قمة السعادة.. ورغم أني مشغول دلوقت في العمل دخلت بس أرد عليك.. لغاية ماأرد على باقي الزملاء

أخوك

طارق منيب

ياابنى شوف شغلك

احسن تاخد جزاء

هههههههههههههههههههههههههه

ربنا يقويك طروقه وانت لاتعرف مدى سعادتى

بكلماتك . الله ينور عليك .

الحق الريس بتاعك جاى اقفل بسرعه

هههههههههههههههههههه

فكرة جميلة استاذ طارق
الله عليك
عجبتنى فكرة الحداية و الصقر
و أن الفكر ممكن يقتل
صاحبه

رشا فؤاد كتب:: خالى العزيز طارق منيب

أيه الجمال ده كله يا خال موزونة عارف حسيت وأنا بقرأها أنى ماسكة أكسيليفون زى الأطفال وقاعدة بلحنها

الكبير كبير يا خال

بقولك أية ممكن شوية طول من عندك سلف

كل ما أكلم حد ألاقيه طويل قوى يا خالو

رقبتى وجعتنى

ههههههههههههه

تقبل مزحتى خالى العزيز

أبنتي العزيزة رشا

ياهههههههههههههه والله ليكي وحشة كبيرة.. ورغم سماع صوتك تليفونياً أمس.. ولكن مشتاق تمري على أعمالي.. سعيد جداً إن القصيدة عجبتك.. وبالنسبة للطول .. فبرضه له مساوءه.. فماتنسيش إن ظهري انحنى عشان باوطي أكلم القصيرين اللي زيك..........ههههه
وعموماً المثل بيقول إن قابلك الطويل عزيه في عقله..... ههههه

خالك

طارق منيب

محمود جمعة كتب:: والحداية اترقت نســـر

أما الصقر فراح في القبر
..........................

هذة النهاية جميلة جدا فكرتني بأيام الطفولة الاولي لما كنا نبقي مستنيين ومنتبهين جدا عشان تعرف نهاية الحدودتة .. وان كانت القصيدة ليست حدوتة وانما فيها فكر وجمال رائعيين أهنئك على ال 30 عام شعر وادعو لك ب 30 1 اخرين تمتعنا بأبداعك الجميل ..تقبل مروري وتحياتي

الأستاذ الفاضل/ محمود جمعة...

سعيد جداً بمرورك الجميل .. وبتعليقك الجميل على القصيدة.. وبالنسبة للطفولة حاقولك على سر بس ماتقولش لحد خصوصاً الأستاذ/ عادل عوض سند ليفضحني...أنا لما بالاقي مجلة ميكي لغاية دلوقت باقراها.. والمرة دي من غير هزار أحياناً عمل للطفولة بيكون فيه حكمة كبيرة للكبار.. بل كثيراً مايحدث هذا

خالص مودتي وتقديري

طارق منيب

حسام خليل كتب:: يا سلام سلم أما حكاية
صقر اتهد من الحداية
الشاعر الكبير المبدع الرائع طارق منيب
دائما تسعدنا بإبداعاتك
عشت ولا هنت
تقبل مودتي وتحيتي

عزيزي الأستاذ/ حسام

كالعادة تعليقك الجميل.. ولازم تحط بيت شعر يضيف للموضوع.. أما بالنسبة لهد الصقر.. فهو حاصل على مر الزمن.. فالدهاء دائماً ماينتصر على القوة..

خالص مودتي وتقديري

أخوك
طارق منيب

بسمة الورد كتب:: الله الله
ابداع جميل المعانى

تسلم الايادى شاعرنا\طارق منيب

دمت بكل ابداع جميل

تسلميلي ويسلم مرورك يابسمة الورد

الشاعرة عزة الزرقانى كتب:: مش بقول لك استاذ طارق

انت بقيت ملكش حل

بجد الله عليك

وعلى افكارك اللى دائما متجدده

دمت بحب

أي تقدم ياأستاذة/ عزة كان بفضل تشجيعكم وقراءة أعمالكم

دي حقيقة

خالص شكري لمرورك الجميل

أخوك

طارق منيب

عادل عوض سند كتب:: ياابنى شوف شغلك

احسن تاخد جزاء

هههههههههههههههههههههههههه

ربنا يقويك طروقه وانت لاتعرف مدى سعادتى

بكلماتك . الله ينور عليك .

الحق الريس بتاعك جاى اقفل بسرعه

هههههههههههههههههههه

معاك حق ياعدولة.. فالمدير غلس قوي.. عارفه مديري مين.. أنت عارفه كويس.. طارق منيب

نورهان جمال الدين كتب:: فكرة جميلة استاذ طارق
الله عليك
عجبتنى فكرة الحداية و الصقر
و أن الفكر ممكن يقتل
صاحبه

شكراً ياأستاذة/ نورهان لمرورك الجميل..

وسعيد إن الموضوع عجبك..

أخوك

طارق منيب

» من حكايات التراث الشعبي الفلسطيني (( حكاية أربع كلمات ))
» أنا المصري
» تعالى يا حكاية احكيلك حكاية
» مات الصقر
» الشعب المصري فين؟