قرب بقى

الشاعر المتميز عاطف عاشور :

مرة من نفسى أكتب غزل

طول عمرى أكتب وطنى

دى من شواذ القاعدة يا عم عاطف

من بعدها هارجع يا عاطف للقواعد سالماً

وبلاش غزل دا الطقس حولى غائماً

يا بن اللذين استعجلو أصبر عليّ هتلاقينى ثائراً مش ناعماً

وقول يا عم عاطف

هههههههههههههه

الزهيرى

الشاعر الكبير الأستاذ يسرى حنفى :

وأنا أروح لك فين

وأنت اللى نجمك فاق

لكن يا نور العين

جمع ما بينا وفاق

يا أبو سرحة علمك فوق

راس الادب خفاق

هذه الكلمات حقك يا يسرى ولم أجاملك فى حرف واحد منها

وأحمد الله أن رزقنى بأخ وصديق فى أخلاقك

وشكراً على المرور الجميل يا أبا سرحة

أخوك أبو أدهم

الشاعرة الأستاذة حنان إبراهيم :

أختى العزيزة الدنيا كلها مفيهاش راحة سواء بالحب أو بدونه وعلى رأى أم كلثوم عندما غنت

كلمات بيرم وقالت خلينا بعيد بعيد أسلم فى غنوة عن العشاق

والله زين يا سلاّمة

شكراً للمرور الجميل

أبوالوفا.... قصدى الزهيرى

الشاعرة الأستاذة عزة الزرقانى :

الحرف محبوس جوه زنانة سكوت

وتملى قبل ما يتولد

بيلتقى قدامه موت

يدخل برجليه القفص

والحكم يتأجل سنين

وقبل ما يشوف البراءة بتبتسم

بيصيبه موت

هاينطق إزاى وهو بيطلع فى الروح

هههههههههههه

الزهيرى

الشاعر الدكتور صلاح طاهر :

جميل أن تذكرنى بلقاءنا فى العاشر والذى مر عليه ثلاث سنوات

وانا أذكر هذا اليوم جيداً فقد كان معى

الشاعر الكبير يسرى حنفى

والشاعر الكبير رجب محمد حسين

والشاعر الكبير خميس عطيه

والشاعر الكبير خيرات عبد المنعم

وولدى المتألق دائماً محمد مديح وغيرهم من شعراء القاهرة

وتم تكريم الأديبة نجلاء محرم فى هذه الليلة

وقد أهديت ديوانى شهرزاد لمجموعة من شعراء العاشر وكان بداخله دعوة لحضور حفل تكريمى

وقد حضر بالفعل من العاشر

الشاعر الشاب محمود إبراهيم

والشاعرة زهراء الطوخى

وأبلغونى باعتذار من لم يحضر

ولكن ما ورد فى تعليقكم رأيت به بعض الاستخفاف بى فهذا ما دعانى للرد ولا يعنينى تثبيت

القصيدة من عدمه لأنى أعرف قيمة ما أكتب

الزهيرى

الأخت الكبرى والشاعرة الرائعة وداد الهوارى :

الحرف لو سافر بعيد بره البلاد

أو حتى طار فوق فى السما

هانده عليه بالحب ولا بالوداد

هايجينى ويا حروف كتير مسلّمة

يكتب على السطر الجديد

الليلة عيد بمرور وداد

دام تواصلك المنقطع منذ فترة

أخوكى جابر

الشاعر الأستاذ عمرو زتون :

ههههههههههههههههه

يا أيها الكلاماتا خف

أصل الحكومة

شريطها سف

وإن شافوا إن الحب جى فى سكتى

هايصوتوا

وأنت تقول يا لهوتى

الحب يا ابنى كان زمان

لما القمر كان اسمه مون

والقلب عمره ماكان يهون

وأفهمك إزاى بقى

وأسمك زتون

ههههههههههه

أوعى تزعل

أخوك جابر

الأستاذ الشاعر منصور غيطانى :

الحب قلى هوه فين ؟

كان موضة بطلت من زمان

واللى باقى لنا ذكريات

من عمر فات

نحكى عليها ف أغنيات

وكلام معتق فى الورق

ولا عمره م الشوق إنحرق

ولا جاش فى مره

علشان يخبط فوق بيبانى

وأظن فاهم يا غيطانى

تقبل تقديرى ومودتى

الزهيرى