إنت الجاني

كتب الأستاذ / ثابت السياسي يقول
إنت الجاني
أنا حبيتك وانت الجاني ،،، كل ما أصالحك ترجع تاني
تجرح قلبي وتقسى عليه ،،، وانت الساكن جوا كياني
إنت الجاني
ياما سهرت الليل أناديك ،،، تفرح إيدي بلمس إديك
ويسبح قلبي ف بحر عنيك ،،، أبني سفينة تهد مواني
إنت الجاني
إنت الجاني يا حلم حياتي ،،، يا كل الماضي ودمع آهاتي
ليه القسوة تبقى جزاتي ،،، وانت بظلمك تنسى حناني
إنت الجاني ،،، إنت الجاني

من كلمات : ثابت السياسي

الله على المعانى الصادقه
اولا تسلم ايد الاستاذ |ثابت
وتسلم ايديك انك متعتنى بنقل القصيده الغنائيه الجميله

رد من ثابت السياسي
الأستاذ الكبير والمحلل القدير عادل عوض
أثلجت صدري يا أخي لمرورك الكريم على " إنت الجاني " وشكراً لأخي نور الدين محمود لاقتراحه هذا ويشرفني نشر بعض قصائدي على منتداكم الرائع ،، منتدى عاطف الجندي .. مع كامل أمنيتي بازدهار هذا المنتدى الجميل
أخوكم / ثابت السياسي

رد من ثابت السياسي
عزيزتي .. ميرال
أشكرك أختي الفاضلة على هذا الإطراء الجميل .. دمتي بخير
ثابت السياسي

أشكرك عزيزي طاهر الصوفاني لمرورك الكريم وهذا من رقة إحساسك أخي الكريم
دمت بكل خير ومحبة
أخوكم : ثابت السياسي