ســت الحبــايـب

ست الحبايب





حقيقى يأمه وحشتينى و مشتاق
ليكى نفسى احس من تانى انى بلمس ايديكى ابوسهم احضنهم ماهو راحتى فيهم .


عيدك قرب يامه وما نسيتك
وباستنا اليوم ده علشان احط نقطه على حرف من حروف جميلك واشوف لحظة رضا فى عنيكى
جبتلك هديه عيدك طرحه بيضا وجلابيه منقوشه بزهر نرجس على ارضيه طوبى ورشتهم بعطورك
وياريت يامه ترضى تقبليهم .


كان دعاكى ليا طريق نور
امشى فيه اشوف كل الدروب احس بدعاكى
بيزلزل ويزيل من جوايا كل الهموم بركان بيصب خير وحنان فى كل القلوب. وحشتينى يأمه
ومشتاق ليكى نفسى المس ايديك ابوسهم احضنهم ما هو راحتى فيهم.


شايفك يامه فى جنه عاليه
لابسه سندس اخضر فراشه حلوة طاهرة وطايرة بين المروج وبين الورود هايمه.


حقك ووعدك ربى وربك يامه .


اه يامه شلت هديتك وانتظرت
مجيتك راحت عينى فى النوم مالاقيت غير طيفك فى المنام تمام زى الملاك بيرمى عليا
بسمه و سلام وقالى كلام .


هديتك دعاء وسلام اما
الطرحه والجلابيه اهديهم منى لأم تانيه.


سلام الله عليكى يامه والف
رحمه ونورتنزل على روحك الطاهرة


ما انا شوفتك فى جنه عاليه
لابسه سندس اخضر فراشه حلوة طاهرة وطايرة بين المروج وبين الورود هايمه.





عصام فهيم سالمان



1/3/2010

ممدوح عزت موسي كتب:

الاستاذ الاديب الكبير عصام سالمان
تحياتي
مناجاتك الرائعه والمتميزه ادبيا للام العظيمه(ست الحبايب) ابكتني كثيرا..وجعلتني اتذكر ايام لن تعد مره اخري...ندعوه سبحانه وتعالي لهن جميعا بالرحمه والمغفره .

سلام الله عليكى يامه والف
رحمه ونورتنزل على روحك الطاهرة

ممدوح عزت موسي

الاديب الرائع والقاص الجميل/ ممدوح عزت
شرف لى ان يكتب اديب وروائى بحجم / ممدوح عزت موسى
ما كتب ودمع .... صاحب الاحساس والذوق الرفيع
( شهادة ووسام على صدرى )
تقبل تحياتى استاذى
عصام

شاعرنا الملهم والناقد الادبى / عاطف الجندى
من دواعى سرورى انكم مريت
والاسعد لى انك كتبت
صادق ورائع وما رائع الا انت
وجميل بالفعل انك وصلت
لمنتدانا بسلامة الله اتيت
وحمدالله بالسلامه يا من ابدعت
مع خالص تحياتى
عصام

الرائع الجميل/ عادل بك عوض
شاعرنا المفدى
دواما للخير سباق وانت شاعر وناقدعملاق
ودمت اولنا فى السباق
شكرا عادل بك
عصام

اجمل كلمات واروعها لست الحبايب ومهما كتبنا او قولنا لا يمكن ان نوفيها جزء من حقها دومت عصام بكل خير