عريس اخر زمن

كنت هناك واقف مستني

حلم العمر تكمل ديني

وانا اتاريني

وقفت كتير مستني معاه

لحد ما طلع الكرش لبرة

شبر ونص يقول ويلاة

اما الشعر معدتش كتير

بس شوية منهم باقي

يقول كان شعري ولا خيال

لكن يلا تكالنا علي الله

ندور تاني

يمكن واحدة في نص العمر تقول الآه

رحت لوحده جمال ودلال

ورموش وخدود وشفايف آآآآه

شعرها اصفر زي الشمس في عز الصبح

تلامس خدك تتمناه

قلت الحظ بيلعب ليه منا طول عمري

مبخت يمه وهمي الظاهر راح انساه

طيب يلا يا ست الحسن

اطلبي شاوري

تلاقي في ايدك حلم البنت اللي بتهواه

فطت نطت علي سلّمها

عريس يمااااااي

فرحت فرحة ما بعدها فرحة

كاني الفارس تستناة

قلت الفرحة بتعمل اكتر

مهو جت ازمة في العرسان

تلاقي البنت ماشية تنادي

عريس لله


قلت حماتي حياتي يا روحي

يا جدة ابني اللي استناة

صرخت اسكت ما اسمع صوتك

الا وجايب مهر وشبكة وشقة

جديدة في جاردن .. اااااااااااه

يا بني دة بنتي خطبها الوالي

لكن يلا نصيب تلقاة

قلت حماتي الرحمة شوية

دنا بالعافية عملت القرش

وطلعت روحي وطلع الكرش

حاضر حاضر امرك نافذ كلي فداه

رحت علي امي يمه خلاص ارتاح البال

وجبت عروسة عليها الرمش يا ويلاة

وانا كان نفسي في نوع من دية

واحدة تملا حياتي سعادة وقتها اصرخ واليلاه

قالت بركة ..
قولي بسرعة كم شرطولك

ابني دة خيبة وانا عارفاه

قلت المهر الشبكة الشقة

وفرحة عمري اللي انا بلقاه

جاتك وكسة ضحكوا عليك

حدش لاقي نص عريس

لازم تفرش ست اوضات

اما المطبخ من قبنوري ولا بلاه

يمه حرام السن بيكبر

وانا صدقت لقيتلي عروسة

توافق بيه تحقق حلمي اللي اتمناه

اما حماتي فركبت راسها

مش راح اجيبه

ولا راح افرش يا بنتاه
هية تمشي كلامها علية

والله ما يحصل ولا شفناه

رحت في وشي وانا متعكنن

يعني يا واد الاخرة دي طين

وان حصلت في يوم البنت

القي حماتي وامي ساحبين روحي بالسكين

والله لجيب المهر الشبكه الشقة

وجري بسرعة علي ليلاه

الا وشفت خناقة كبيرة

امي .. حماتي مالكم صالح

انا وعروستي

وراح نتصافي ع اللي نشوفة او نهواه

_ ابدا يحرم بيتي عليك لو مش تسمع مني كلام

_ ابدا تحرم بنتي عليك لو مش تسمع مني كلام

ضربوا البوكس وجه في عنية

وهية الضربة يا ولداه

الا وجتتي نازلة سلالم

ما اعرف كام ولا شفتها كيف

والاسعاف جاية بتزغرد

تزف عريسنا علي مشفاه

ااااااااااه اي أااااااااااااي

وااااااااااااااااااااااليلاه

هية دي اخرة نص العمر ؟

انا كان مالي ومال الزفت

اللي اسمه جواز

عايش راضي

يوم في القهوة

ويوم في النادي

يوم متبحبح يوم عواز

يللي معاك البنت الابن

هية نصيحة ولا راح تسمع مني كلام

قالها رسولنا وقال قراننا

هوة الخير في البنت بكام !؟

لا دة الخير في البنت بقلة

حتي ولو خدتها بحديدة

بكرة تساوي كام فدان

بقلم : حسن سلامة

الاستاذ الشاعر

حسن سلامه

زجل ساخر ولون من الإبداع فى طريقه

للإنقراض . حيث ان معظم الزجالين هجروا

هذا اللون من الادب ولم يعد يكتبه إلا القليل .

زجل اجتماعى اسعدنى المرور عليه ونال الإعجاب

كل التحية والتقدير ..

او يمكن كان طلع الشعر عيرة والشفايف بلاستيك

هههههههههههه

سلمك الله من كل شر يا عزة

ربنا يكرمك يارب ولا تكوني في يوم حما من دول

ههههههه

شكرا لك اختي علي مرورك الجميل

وعلي التثبيت حتي ولو ما استمرش كتير

كقفاية عندي انها عجبتك

اضحك اللعه سنك دائما اختي بسمة

سعيد ان محاولتي المتواضعة لرسم البسمة علي اوجه اهل البسمة

اشكرك اختي علي مرورك العطر وتعليقك الذي اسعدني

دمتي بالف خير

والل مش عارف يا استاذي

كل ما بشوفك في اي مكان

احس ان الابتسام بينط من عنية

فرحة بوجودك يمكن او لدمك الخفيف جايز

بجد سعيد جدا بمرور وراي حضرتك

عفوا يا دكترة

وعقبالك

اشكرك جزيل الشكر امل

علي كلامك الرقيق

وتواجدك الراقي دائما

واهلا وسهلا بك في منتدي عاطف الجندي