عدِّي على جتتي

\
/
\
عدِّي على جتتي يا بوفكر متغرَّب
وكلامي راح ينقذك ولَّا نويت تهرب
دَكنوز أصولنا دهب لكنه متَّرَّب
واحنا حدانا العجب يتغنى في الأساطير
ميتنا صافية هتلمح سحنتك فيها
مية زلال زمزمك مدِّ الإيدين واشرب

*****
بتقول تخلف ورجعية كمان أوهام
طب شوف جدودك تيجانك لمَّا روَّضوا الأيام
بالعدل والرحمة ساسوا قوة الأحكام
لفيوم عصو ربهم أو خانوا إسلامهم
قول ايه جرالنا إيه خلفنا العهد يا درغام

******
الليي بتتشدق بيهم كانو في الضلام واحنا
ملكنا الدنيا بيمينا وداوينا أسى جراحنا
لا بات جعان بجار شبعان ولا غفلنا
عن حق مسكين ضعيف قدام القوي الجاني
أخدنا حقه بعدل الله ولا نُحنا
لو حتى كان القوي حاكم هنا بأمره
كان القضا ينصفوا يبري جروح روحنا
*****
حتى الحروب والكروب والسيف قبال السيف
مقلِّناش نفتري أو نشتغل بالكيف
نقتِّل الأطفال أو النسوان و مين سالم
لكن وصايا الحبيب كات ضد نار الحيف
واحنا غزينا القلوب قبل السيوف مادور
رحمة وايمان وسلام كنا كنسمة صيف
ودليلنا حالة الضعف يدخل ف دينا ألوف
******
عدِّي على جتتي يا بو عقل غرَّب فِر
وإن كنت ناوي الهروب همسة وكلمة سر
هما في أدان الغروب واحنا قبال الفجر
حبة سنين سودة وسريعة بتعدي
و الجيّ أبيض مشقشق في السما لينا
بنور هادينا ونبينا وهمَُّا يشقو العمر
أما السلام يا حبيب دا اسم إسلامنا
ودَ إسم رب الناس مين لينا أجرى النهر


/
\
دمتم مبدعين