ع الكرسى.

ع الكرسى
مستنى صورتها ف قرص الشمس
والكرسى التانى بيضحكله
ويراهن على ساعته
يتسنّد فنجان الشاى على إيده
وبيشرب..
وبيشرب منه البحر الصمت
ويقل الصبر
ويزيد ف خياله الضل
والشمس بتغرق
وبتاخد منه الحلم
والكرسى التانى بيتخبى ف سواد الليل
يتنهد لطيور النورس
ويخبى الليل ف صفار الشمس
يتبلل بملامحه الجرح
ويملس على وش الوقت
بإيدين الامل المتشعبط بخيوط الضوء
ويدارى آهاته المنسية ف نهار مشنوق
يتهمّس ف شفايفه سؤال..
طب ليه النيل المتحنى
يتقابل مع بحر المالح
ويدوبوا ف بعض..
والصبر الغارق ف ملامحى
مش لاقى الشط

الله عليك
صوره سرياليه مرسومه باحساس ومشاعر
من حسن جمالها ونشوتها خلاني نسيت ان انا شاعر


الله يزيدك ياعم السيد

والله من قلبي عجبتني بجد

روح الله يباركلك

السيد الرائع
تنقل القصيدة و تشترك فى المسابقة
خالص الود