فى ترابك يا مصر

فى ترابك يا مصر

بسمة ونسمة فى عيون مبتسمة
ضحكة وفرحة وأكيد مش رايحة
أطفالنا الحلوة هيغنوا غنوة
عن بلدى ووطنى

فى ترابك يا مصر الغالى
فوق سدك يا مصر العالى
على نيلك ودمك الحامى
بقولك أحلى المعانى

عروبتنا دا شىء أكيد
مش كلام ولا وعيد
شوف أمجاد العرب
واقرأ فى التاريخ عبر
صلاح الدين وعنتر وقطز
صليبيين ومغول وجُهل

اقرأ فى التاريخ وشوف
ولف العالم كله وطوف
واعرف ليه الشرق
كان مطمع من الغرب
ماتبصلناش يا غريب كده
وانت عينك علينا كده

الكل واقف دلوقت
بيشهد لده الوقت
وأكيد اللحظة اللى جاية
هتبقى لينا فى طلة صبحية

احنا الأطفال وبكرة الكبار
وبعده فى التاريخ عظام
فى ترابك يا مصر الغالى

دعاء الشاعرة الواعدة

قصيدة جميلة فيها الحب والإعتزاز بالوطن العربى

أهنئك عليها

ملحوظة : ياريت العنوان يكون ( على ترابك يامصر)

أو ( فوق ترابك يا مصر)

لأن فى ترابك يا مصر تعطى معنى أخر هو (الفناء )

دمت مبدعة

وداد الهـــــــــــــــــوارى

اشكرك استاذه وداد جدا ولكنى اردت اقول فى ترابك بمعنى انى دايبه فى حب مصر

جميلة قوى اختى دعاء

ذكرتينا بمعانى جميلة كادت ان تختفى امام اعيوننا
مشكورة
وتحياتى

سعدت جدا بقراءتك لقصيدتى المتواضعة د. اسماء وإبداء رأيك فيها أشكرك

الجميله دعاء

كلماتك بها الحب لهذا الوطن

فمصر تستحق اكثر من هذا من الحب والعطاء

شكراّ على جمال كلماتك ...

أستاذى عادل عوض شكرتنى على جمال كلماتى وانا أشكرك على بهاء ردك