حاموت من الجوع

فى موضوع سابق سألت لماذا تقبل المرأة بضياع حقوقها و اهانات زوجها فى بعض الأسر
و اجاب البعض بان الاحتياج المادى من اهم الاسباب و ان الزوج ابسط حاجة حيمنع المصروف
و اى واحدة تقول اخاف يقطع المصروف و اموت من الجوع انا و اولادى

و اذا فكرنا فى الموضوع نلاقى البداية من قبل الزواج لما الزوج بيدفع مهر للعروسة
و من حقها شرعا الاحتفاظ بيه و لكن نلاقى الاب يعمل موش واخد باله و ياخد المهر و يزود عليه
مبلغ و يجهز بنته بيهم
لكن شرعا كل دة غلط لان المهر موش المفروض يدخل فى الجهاز و المفروض البنت تحتفظ بيه
باسمها و العريس هو اللى يتكفل بكل مصاريف الزواج

ثانيا مؤخر المهر العريس بيقنع البنت انه يكتب مبلغ بسيط لان المأذون بياخد نسبة على المبلغ
و بكدة بيضيع حقها فى المؤخر و المؤخر مبلغ واجب السداد حتى لو لم يحدث طلاق
لكن الفكرة السائدة الخاطئة ان المؤخر مبلغ يدفع فقط فى حالة الطلاق

و كمان قايمة المنقولات العريس بيزعل و يقول ان العروسة مخوناه لكن الحقيقة ان الناس ساعة
الزعل مع بعض قليل اللى يفتكر ربنا و يتقيه
يعنى لازم تتمسكى بالقايمة لانها بتضمن جزء من حقك

مصروف البيت طالما تم تحديده و اعطاؤه للزوجة اصبحت حرة التصرف فيه تتصدق بجزء
تدخر جزء تشترى ما تراه مناسبا
و دة رأى الشيوخ و منهم دكتورة سعاد صالح و بالتالى لازم كل زوجة تدخر جزء من المصروف
حتى لا تتعرض للرمى فى الشارع اذا حدث خلاف بينها و بين الزوج

يجب على الزوجة الا تتنازل عن عملها الا اذا امن لها الزوج مستقبلها ماديا
و ان يوفر لها مصروف شخصى

شرعا الزوجة ليست خادمة او مرضعة للابناء و على الزوج ان يوفر لها من يخدمها
او فعليه ان يقدر مجهوداتها فى البيت بشكل مادى

لكن كل الحلول دى نسبية و موش كل واحدة تقدر تنفذها
و أرى فى تمسك المرأة بعملها اول هذه الحلول و أهمها ليس حبا فى عمل المرأة ذاته
و لكن حفاظا على مستقبلها و لعدم احتياجها لاى انسان
و كذلك حمايتها من الانحراف اذا منع عنها الزوج احساناته
لانها وقتها لو رجعت لاهلها غالبا بتكون ضيف غير مرغوب فيه

و اللى عايز يعرف الكلام دة واقعى ولا لا يروح يقف قدام المحاكم حيتفرج على مهازل
و حيلاقى ستات كتير موش طايلين حاجة و ليس امامهن الا الموت او الانحراف

بما ان حضرتكى ناشطة لحقوق المراة انا بدورى اسال حضرتك طب ما نريح دماغنا ونلغى الجواز فى مصر عشان الجماعة بتوع حقوق النساء يرتاحوا بقا ويشوفوا مشاكل مصر ال اهم من تلك المشاكل ال الغرب بيضحك علينا بها وبيقولوا معندكوش حقوق للستات وبعد الستات هيطلع حتى الرصيف بنمشى علية جامد يا استاذة مشاكل مصر اهم من مشاكل النساء والرجال والخلع وووووو واشياء تانية كثيرا انتى بدوركى قولى لية هنحل مشاكل المياة ازى ومشاكل البطالة ازاى ومشاكل نقص المواردازى ومشاكل التعليم ازى ومشاكل ومشاكل لا حصر لها نحن المصريون السبب فيها لاننا نمسك وندوش دماغنا سواء فى الاعلام او البيوت بمشاكل زى دى ونسكت عن المشاكل الحقيقة واكيد احنا السب وايضا الحكومة
استاذة حنان انا اعتبرك اختى فاضلة ولكى اهتماماتة اكيد لو بدانا نتقاش فى مشاكل مصر الحقيقة اكيد هنحل بعضها ولكن نبداء فيها ومع احترامى للمراة المصرية الا انها السبب فى مشاكل كتير واول تلك المشاكل عدم الاختيار الصح من البداية البنت الان بدور على انسان خيالى مش موجود فى الواقع عاوزين نحل مشكلة زى العنوسة والبطالة انتى عارفة مشكلة الارهاب فى اية
البطالة والعنوسة والكبت ال الناس واقعة فية ودوامتة شديدة ومن الاخر مصر يوجد بها مشاكل لو ركزنا فى حلها بشكل علمى وسليم هنحلهاوموضوعكى رائع استاذة حنان

الاستاذه / حنان

موضوع يطيل الجدل فيه .

وانا أحييكِ على طريقة تناوله الشيقه

والتى اخرجت من داخلك اشياء صعب معرفتها

منك عن قرب . عندما اراكِ اليوم إن شاء الله

سوف نستعرضها معاّ ..

ولى عوده إن شاء الله لهذا الموضوع .

{ لما نشوف دماغك ناويه إيه للرجاله }

ههههههههههههههههههههههههههههههه

الاستاذ محمد ذكى
فى البداية فكرت اكتب فى ردى عليك " بدون تعليق "
ربما لان لهجتك فى الرد لا تعجبنى
و يجب ان يتحاور الانسان مع الناس بلهجة تدل على الاحترام
و لا يقلل من حجم القضايا التى تهمهم
و ان كانت القضايا دى لا تهمك فعليك ان تغير الصفحة و تترك القضية لمن يهمه الأمر

ثانيا لو وقفت امام محكمة احوال شخصية و عرفت قد ايه الناس غرقانة فى المشاكل الاسرية
كنت عرفت ان الناس ما عندهمش وقت يفكروا فى القضايا اللى حضرتك شايفها مهمة
لانهم غرقانين فى مشاكلهم الشخصية اللى لا زم الأول نفكر فيها و نحلها

لو سألت عن قضايا التشرد و الآداب فى بلدك حتعرف ان انحراف كتير من السيدات كان بسبب
تخلى الزوج عن مهامه الزوجية بداية بالمهام العاطفية و انتهاء بالمهام المادية
و تشرد الكثير من الابناء كان بسبب تخلى الاب عن دوره و تخلى رب الاسرة عن مسئولياته

اكيد الغرب لهم حق يسخروا مننا لما يسمعونا بنقول ان مشاكل المرأة و الطفل موش مهمة

اما مشاكل البطالة و المياه و الكهرباء فسببها ان ما فيش فى بلدك راجل يقول لا
لان الرجل زى ما اتعود يتخلى عن مسئولياته فى الاسرة اتخلى كمان عن مسئولياته فى المجتمع
لانه عاجز انه يقف امام الحكومة حتى المظاهرات معظمها ستات

و لو عايز تعرف الرجل قد ايه عاجز عن حل المشكلات المهمة بتاعتك دى اتفرج على جلسات
مجلس الشعب و انت تعرف ان الرجالة همة اللى قضوا على كل شئ جميل و كل امل فى بكرة

انا رديت عليك لانى ما اتعودتش اهرب من المناقشة
و حبيت اقول لك ما تضيعش وقتك فى القضايا التافهة

هناك رأى يقول ان مشاكل مصر اهم من مشاكل الرجال و النساء و الأطفال
و انا ارى ان الوطن ما هو الا كل تلك الشرائح
بل اننى ارى ان الحيوان لا بد ان يجد من يدافع عن حقوقه

و ذلك لا يتعارض مع مصالح الوطن بل ان تنمية اى مجتمع لا بد
ان تسير فى كل مجالات الحياة معا و فى وقت واحد
هكذا علمونا فى علم التنمية

و اذا كانت المرأة سبب كل مشاكل المجتمع كما يرى البعض
فالولى ان نبدأ بحل مشاكلها حتى تكون ايجابية فى مجتمعها

استاذى العزيز عادل سند
مرورك على اى موضوع يزيدة قيمة و يرفع من قدره
و الحقيقة لم اتناول فى موضوعى الا احكام شرعية يقرها الدين
و ارى ان الامان المادى للمرأة يحميها و يرحم المجتمع من شر تشرد الاطفال
و ما يهدد المجتمع من جراء ذلك
و كذلك من شر الانحراف الذى قد تضطر اليه المرأة
فرمية الشارع لن تجر علينا غير ذلك

نورت الموضوع

حنان ابراهيم حافظ كتب:

الاستاذ محمد ذكى
فى البداية فكرت اكتب فى ردى عليك " بدون تعليق "
ربما لان لهجتك فى الرد لا تعجبنى
و يجب ان يتحاور الانسان مع الناس بلهجة تدل على الاحترام
و لا يقلل من حجم القضايا التى تهمهم
و ان كانت القضايا دى لا تهمك فعليك ان تغير الصفحة و تترك القضية لمن يهمه الأمر

ثانيا لو وقفت امام محكمة احوال شخصية و عرفت قد ايه الناس غرقانة فى المشاكل الاسرية
كنت عرفت ان الناس ما عندهمش وقت يفكروا فى القضايا اللى حضرتك شايفها مهمة
لانهم غرقانين فى مشاكلهم الشخصية اللى لا زم الأول نفكر فيها و نحلها

لو سألت عن قضايا التشرد و الآداب فى بلدك حتعرف ان انحراف كتير من السيدات كان بسبب
تخلى الزوج عن مهامه الزوجية بداية بالمهام العاطفية و انتهاء بالمهام المادية
و تشرد الكثير من الابناء كان بسبب تخلى الاب عن دوره و تخلى رب الاسرة عن مسئولياته

اكيد الغرب لهم حق يسخروا مننا لما يسمعونا بنقول ان مشاكل المرأة و الطفل موش مهمة

اما مشاكل البطالة و المياه و الكهرباء فسببها ان ما فيش فى بلدك راجل يقول لا
لان الرجل زى ما اتعود يتخلى عن مسئولياته فى الاسرة اتخلى كمان عن مسئولياته فى المجتمع
لانه عاجز انه يقف امام الحكومة حتى المظاهرات معظمها ستات

و لو عايز تعرف الرجل قد ايه عاجز عن حل المشكلات المهمة بتاعتك دى اتفرج على جلسات
مجلس الشعب و انت تعرف ان الرجالة همة اللى قضوا على كل شئ جميل و كل امل فى بكرة

انا رديت عليك لانى ما اتعودتش اهرب من المناقشة
و حبيت اقول لك ما تضيعش وقتك فى القضايا التافهة

اانا لا اتهجم عليكى كما تتصورى يا استاذة فانا لا اهاجم احد مهما كان ليس لانى لا اجيد الهجوم او غيرة ولكن لانى لا احب دة دة اولا
وثانيا لما مصر تبقا فيها مشاكل زى ما حضرتكى بتصورى اداب وسرقة وانفلاتات متهالى الست او النساء عشان محدش يقولى انى بهاجم النساء فى مصر هى السبب فالانحراف لة دوافع اكيد ولكن لو فى تربية محدش هيروح للجنب دة او ايمان بجد مش لبس خمار او نقاب او ترحة وخلاص انا واحد من الناس بحترم كل النساء لانهم هم مستقبل مصر فى الانجاب ام غير ذلك فلابد من حلول جادة لهم وانا اتسال لوتلك المشاكل لم تحل اية ال هيحصل النهاردة فى مصر يقولون انة لابد من وجود قاضية وانا لا احبذ ذلك تفتكرى لو واحد قاتلا مثلا وامة طلعتتلطم وتصوت امام القاضية مش بعيد المجرم ياخد افراج
هههههههههههههه
وغير كدة حضرتكى تتحدثين عن المساوة بين الرجال والنساء وانا اقول لكى قول ال افضل مننا كلنا قول الله تعالا
الرجال قوامون على النساء بما فضل الله بعضهم على بعض وبما أنفقوا من أموالهم" سورة النساء
صدق الله العظيم
؟
ياريت تقولى
انا بالعكس احب المراة ال تكون قوية مش الضعيفة لان المراة القوية تكون مهمة فى بيتها فانا عندما اتزوج لا اريد زوجة ضعيفة بل قوية زى امى كدة ولكن بحدود الشرع والدين
نيجى بقا للحقوق الاخرى انا واحد من الناسبقول دائما الزوجة لها حقوق لابد من توافرها كما قال الشرع ام بقاالمحاكم المصرية والاحوال الشخصية فياريت تشوفى نوعية المشاكل
اصل جوزها نسى يقول لها صباح الخير اصلة مش بيضحك فى وشها لما بيكون جاى من شغلة ومن زحمة مثلا اصلا مش ولابد بد مع اهلها اية دة الحاجات دى ضيعت المشاكل الحقيقية من رجل غير امين معبيتة الى رجل فرفور والعكس مع المراة انا اسالكى سؤال اية هى مشاكل المراة الحقيقة فى مصر هل هى جماعية مثلا ام فردية
نيجى بقا لحتة اوربا ال الى الان المراة تعانى هناك الرجليفعل كل المصائب والمراة هناك ومش عاوز اقولها شوفى يا استاذة انا بحكم شغلى سافرت دول اوربية كثيرة واسفد هناك ورايت العجب تفتكرى الست فى مصر تستطيع ان تعمل فى البناء او الاعمال الخطرة مثلا لو انتى عاوزة عادلا يبقا تشتغلوا فى دة لو انتى عاوزة اكثر عدالا عليكى ان تعملى واسف فى الصرف الصحى وانا اقصد المراة يا استاذة فى بيوت فى مصر عمرانة وكتيرا جداا وفى بيوت للاسف فى الضياع واحنا السبب والتربية انا اذكر لكى واقعة بسيطة حصلت امامى اختى فى اول جوازها اتخانقت مع جوزها لسبباو لاخرةانا لما عرفت ازى يزعل اختى انا مش هسيبة عارفة امى ساعتها قالت لاختى على بيتكى فقلت لامى لية يعنى ردى علية الحاجة الزوجة ملهاش غير بيتها ودة اختيارها تستحمل اختيارهاومن ساعتها اختى زى الفل وعندها حسنى واية ربنا يخليهم لها شفتى بقا العقل بيعمل اية فى ستات تشوف بنتها جاى عندها ترفع قضية والكلام الكبير ومفيش حلول وايضا الزوج المفروضيبقا عاقلاكثر واكثر مع الزوجة ولكن على الزوجة ان تعامل زوجها كما قال الاسلام وايضا العكس وفى النهايةارجو ان تعرفى شى واحد ان محمد زكي لا يتريق او يتهجم على احد

طيب يا سيدى عرفنا
لكن الخلاف انك بتتكلم عن المساواة و انا باتكلم عن التكافؤ
و لو كنت عايز المرأة تشتغل فى الاعمال الشاقة
يبقى لازم ناخد من الرجل القوة البدنية اللى ربنا اعطاها له
للقيام بمثل هذه الاعمال
و رغم كدة انا شفت بنات بيشتغلوا فى اعمال البناء
و يشيلوا رمل و زلط
اما عن عمال الصرف الصحى فالأم بتفضل سنين تغير كوافيل
لابنائها الصغار و لا تتأفف من هذا العمل الذى يتأفف منه الرجال

يعنى الحكاية موش واحدة قصاد واحدة لكنه تكافؤ فى الحقوق و الواجبات
و الاعتراف بالآخر
و لا تنس ان المرأة تقوم بأصعب مهمة فى تارخ البشرية و هى الحمل و الانجاب

عندك الرجل الذى يستطيع القيام بهما ؟؟؟؟؟؟؟؟؟؟؟؟؟؟؟؟؟؟؟