شوشو السبب

اخر نتايجى
يا ملأ
فى بحث اسباب القلق
ان احنا ناس غاويين تعب
غاويين بكا من غير سبب
و ادى دليلى المنجهه
ادى دنيا اخر زهزهه
مليانه بصنوف المتع
مليانه بصنوف الطرب
و كل شىء سهل و رخيص
و كله واخد تراخيص
بس انت دوس ع التليفون
و ف ثانيه هيجيك الطلب
و السعر مش غالى بسيط
بقى كل شىء تمنه عبيط
لو حتى من اخر المحيط
ييجى لدافع ما رغب
بس احنا ناس متعقدين
محبكينها حبتين
و عشان كده متدهولين
و الفرح من روحنا اتسحب
لذا لدراستى توصيات
عيش يا بنى هلِس من سكات
و اما تشوف وقت الممات
قول يلعنه
شوشو السبب

الشاعره الاخت العزيزه اميره البدرى


كل شكرى و تقديرى لكم لمروركم الطيب
احترامى

الاستاذ الشاعر/ رأفت المصرى

قصيدة غنائية خفيفة الظل

وفعلا شوشو هو سبب كل المصايب

دمت مبدعا متالقا

تقبل مودتى وتقديرى

خالدنور كتب:

قويه والسخريه فيها تقطر مراره

لكنها تبعث فينا ابتسامه

بس عايز اعرف مين شوشو

اههههههه

لاخ خالد نور
شكر ليك مرورك و تواصلك
و شوشو دا
شوشو
شوشو يااا راجل
اهييييييي

عادل عوض سند كتب:

تلك القصيده لابد ان تثبت

لجمال وحرفية الصياغه

فلتثبت بواسطتى ..

الله يكرمك يا عم عادل
والله مرورك عندى و تواصلك اهم من التثبيت و كفايه عندى اوى
بس عموما
تشكر استاذنا لتواصلك و لتثبيت الموضوع

[quote="الشاعرة عزة الزرقانى"]

طبعا رائع استاذ رأفت المصرى

وفعلا شوشو السبب

فى كل حاجه

بتنهدم بتروح عدم

وياريتنا نصحى ونضحك عليه

ومانديهوش الفرصه يضحك علينا

دمت بكل حب وجمال وابداع

[/quote
هو لصراحه يا اخت عزه
شوشو شماعتنا اللى بنعلق عليها ضعفنا الانسانى و غوايات انفسنا
و ان كنت مش بانكر قدرته على الغوايه و دى اصلا شغلته
الا انى بانكر على نفسى قبل الكل
انسياقها ورا شوشو
و هنفول ايه
ربنا ينجينا من شوشو و عيلة شوشو
تحياتى

احمد ابراهيم الحارونى كتب:

الاستاذ الشاعر/ رأفت المصرى

قصيدة غنائية خفيفة الظل

وفعلا شوشو هو سبب كل المصايب

دمت مبدعا متالقا

تقبل مودتى وتقديرى

الجميل عم احمد الحارونى
شكرا صديق للتواصل
و ربنا يكفينى يكفيك مكايد شوشو
تحياتى لك

فعلا شوشو سبب كل كارثه
بس بدعى ربنا يبعد عنا شوشو خالص

القصيده لها فكر واسلوب جديد


تقبل مرورى

الاخت الاستاذه بسمه
كل شكرى و تقديرى للمرور الطيب
شكرا لكم

الاخت استاذه ميرال
شكرى لكم و تقديرى

يروى انّبو نواس زمان
كان ليه صديق شاف ليه منام
قال ايه حلم ان الشيطان
بيقول فى ابو نواس كلام
بيقول امرت اسجد ابيت
ولصاحبك اسجد الف عام


اخى العزيز رأفت المصرى

الشيطان صاحب اطول تجربة عمرية على مر العصور فهو يستفيد يوميا من اخطاؤه ويطور من نفسه اسال الله ان ينجينى واياك من مكائده

اقبلنى معجبا واعذر لى تسويد صفحتك

كل الود والتقدير

غاوى شعر كتب:

يروى انّبو نواس زمان
كان ليه صديق شاف ليه منام
قال ايه حلم ان الشيطان
بيقول فى ابو نواس كلام
بيقول امرت اسجد ابيت
ولصاحبك اسجد الف عام


اخى العزيز رأفت المصرى

الشيطان صاحب اطول تجربة عمرية على مر العصور فهو يستفيد يوميا من اخطاؤه ويطور من نفسه اسال الله ان ينجينى واياك من مكائده

اقبلنى معجبا واعذر لى تسويد صفحتك

كل الود والتقدير

الشاعر الرائع احمد عبدالعزيز
مرورك نور صفحتى يا شاعر
الف شكر لك
و ربنا يسترها معايا و معاك و مع الناس اجمعين
احترامى

الأستاذ \رأ فت المصري

تحيه واعجاب لجمال نصك

وكلماتك التي طوعته واوجزتها

دمعه في ابتسامه لها مضمون

ولااروع .......

مع مذيد من من السخريه

دام ابداعك ودمت لنا

يسري حنفي سرحه كتب:

الأستاذ \رأ فت المصري

تحيه واعجاب لجمال نصك

وكلماتك التي طوعته واوجزتها

دمعه في ابتسامه لها مضمون

ولااروع .......

مع مذيد من من السخريه

دام ابداعك ودمت لنا

الشاعر الجميلاستاذيسرى
دام مرورك الجميل اخى الفاضل
احترامى لكم

الشاعرة عزة الزرقانى كتب:

طبعا رائع استاذ رأفت المصرى

وفعلا شوشو السبب

فى كل حاجه

بتنهدم بتروح عدم

وياريتنا نصحى ونضحك عليه

ومانديهوش الفرصه يضحك علينا

دمت بكل حب وجمال وابداع

استاذه عزه
شكرا لكم تشريفكم الجميل
احترامى

عاطف الجندى كتب:

أخى رأفت
أنت الآن شاعر خطير بمعنى الكلمة
أحييك على روعة ما كتبت من نقد
لاذع و ظريف فى آن واحد
دمت جميلا
أخوك

الاخ و الشاعر الاستاذ عاطف
طبعا مش هقول لك انا سعيد قد ايه بممرورك و بتعليقك الجميل على النص لان الكلمات دى شهاده من شاعر متميز جدا يحق لى ان افخر بها
شكرا جزيلا اخى الحبيب
لمرورك
و تواصلك
اخوك

شوشو... !!! شوشو !!!
بس امّا شوشو
لاهبر ودانو واخلع سنانه
يقعد يعيط
ويقوم يصوت
ويقول يا ماما ويا بابا حوشو

طبعا قصيدة ظريفة وهايلة
بس معلهش
راجع الوزن
يمكن يكون فيه حاجة
أو ما فهش

الله اعلم

تقبل حبي ومودتي واجابي

عاطف عاشور
صاحب محلات شوشو للملابس الداخلية
الأندر يعني
خلي شوشو ينبسط
هههههههههههه