قربني منك

ماشي ليه
ماشي ليه
وفايت وراك السهر
متعبي في عيون بتحلم بالرجوع
عيون كحلها البكا
واتحجرت فيها الدموع
وشوق مدفون
في عيون ولادك
الصغيرين
بقي لهم سنين وصرخهم بيرن في الفضا
متشوقين للحظة
حنين
في رجعتك
ماشي ليه
ماشي ليه
قلبك ماملش من السفر
ولا شفته مرة
بينتفض في غربته
كل المواني عرفته
مهاجر بعيد
وسايب وراه قلبي
وحيد
وسط صحرة كون
ما تحس بيه
صعبان عليه
العطش ......وسط بستان الحياة
حالف ما يروي الظماء
الا وانت معاه
ماشي ليه
وسايب وراك السهر
متعبي في عيون
بتحلم بالرجوع
وقع القلم
وقع القلم وانكسر
واتعرت مابينا البيوت
والخريف كسا الشجر
والشتا بيقول سكوت
دق البيبان ويا المطر
والقمر رافض يموت
والوطن رافض يكون
جوا الحكاوي واقف سجين
بيقول حنين
الجذور لارضها....عطش السنين
عطش الصبابا لحلمها
ياأبو الفوارسضمها
ويا سواقي الفلاحين


قربني منك
متسبنيش جوا جوف الليل طليق
اصرخ لودي في الفضا
واموت غريق
دا انت قدري
اللي ارتسم جوا مكنون السما
وانت حلمي
اللي اتبعطر ....فوق متهات الطريق
والشمس نامت
فوق خدود البح كانت
مستسلمة ....ومألمة
لحم بكرة اللي انكسر جوا في عينيك
بلاش تكون
جوا زنزانة الوطن
انت القيود
خليني اعود
الملم عمري اللي اتبعطر
جوا بركان الظنون
وارسم بكرة اللي اختفي جوا شطأن العيون
واقيد الشمع اللي انطفي ....يمكن اكون
فجر بكرة
اللي انتظر طول لياليك
قربني منك
ضمني ليك

الله عليك جميله جداا وكلها احساس
ماشاء الله
تحياتى وتقديرى