هوه مين ؟ ( فزوره )

إهداء

هذه الكلمات السيطه

مهداه إلى

شاعر كبير من أعمدة المنتدى الرئيسيه

وصاحب البصمه الكبرى لإثراء المنتدى

والحركه الأدبيه بالكثير من الإبداعات المتميزه

وبروح الأبوه اللتي يغمر بها الجميع

ف لهُ مني كل الحب والتقدير والإحترام

وله مني هذه الكلمات

ـــــــــــــــــــــــــــــ

هوه مين

أســتــاذ ف فن الكلام

ف بحر القصيد عوّام

مني أنــــا لـعـنــيـــه

تحيه وميت ســــــلام

* * * *

عارفينه مين هوه

ده ف القلوب جوّه

ساكن ف نني العين

عاشقه أنا بقوّه

* * * *

أستاذ وأخ وأب

هوّه الدوا والطب

يا قلمي قوله كتير

ما ف يوم هقول ( stop )

* * * *
دا مهما تقول عنه

والكل ليه غنّوا

كل الحروف ديّه

مولوده من فنّه

* * * *

أصله مأصل قوي

عاشقه أنا بالقوي

بينا الواد موصول

ومنّه أنا بارتوي

* * * *

دا كلامي ما يكفّيه

ولو بروحي افديه

برضه ما هقدر يوم

أو لحظه انا اوفّيه

* * * *

ده بيه فؤادي اتسعد

والحرف ليه اهو سجد

عرفتوا مين هوّه

؟؟؟؟ ؟؟؟ ؟؟؟

ــــــــــــــــــــ

ياريت تحلّوها
ــــــــــــــ
محمد مديح

الابن الغالى الشاعر

محمد مديح

اخجلنى هذا الكرم وأسرتنى هذه الكلمات

******

انا الوحيد عارفه

وجنبى اهو شايفه

وساعات اكلم فيه

امان ومش خايفه

*********

انا مش عارف اشكرك ازاى ابنى محمد .

وانت بالأمس عند تقديمى للإلفاء . قمت وأهديتنى

تلك الابيات الرائعه .

كلماتك وسام وتهنئك شهادة لى اعلقها على رأسى .

كل الشكر والتقدير والمودة ابنى محمد ...

فزورة حلها بسرعة الاستاذ عادل عوض سند كنا عاوزين نحتار شوية
لاء نحتار ايه هو فيه غيره اصلا
الشاعر الجميل محمد مديح
كتبت بروعة قلمك كلام نفسنا كلنا نقوله للاب الروحى للمنتدى كله
دمت رائع كما انت يا محمد

الله على الفزورة ويا ميت سلام ع الحل
حلوة قوي الفزورة واللي كتب والحل
محمد يا مديح والله ملكش حل

صدفه كتب:: فزورة حلها بسرعة الاستاذ عادل عوض سند كنا عاوزين نحتار شوية
لاء نحتار ايه هو فيه غيره اصلا
الشاعر الجميل محمد مديح
كتبت بروعة قلمك كلام نفسنا كلنا نقوله للاب الروحى للمنتدى كله
دمت رائع كما انت يا محمد

ربنا يخليكى يا صدفه .

واشكرك على ذوقك وعلى كلماتك يا غاليه ...

ولدى الحبيب الشاعر المتميز محمد مديح :

عاملى قال سوسة

البيضة مفقوسة

ياعمنا الكتكوت

بتقولى واحد حلو

وحروفه فص ياقوت

عايزنى أقول لك أيه؟

يكنشى بسبوسة؟!

هههههههههههههه

يا ابنى كشفت الفزورة بتقديمك ليه هناك

كنت تستنى لغايط يوم التكريم

على العموم بجد هو يستاهل أكتر من كده

أبوك جابر

أستاذي وأبي العزيز / عادل عوض سند

والله العظيم

مهما فعلاً هنقول عنك

لن تكفينا مجلدات

لوصف

أخلاقك العاليه

أبوتك المثلى

إبداعاتك المتفرده

وجد

أنا ماقولتش غير جزء صغير من الحقيقه

واللتي هي واضحه وضوح الشمس

ومرئيه أمام الجميع

دمت أبي العزيز بكل خير

وكل سنه وانت طيب

وعقبال 120 سنه

تقبل مودّتي

ـــــــــــــــــ

إبنك

محمد مديح

الأستاذه والأخت القاصه / صــدفـــه

هــي مــش لـغــز

لإننا عمرنا ما هنحتار

لإنه واحد بس اللي وصفه كده

مهما هلف وادور

ومهما كتير راح اقول

عادل عوض واحد

جميل الكلام والقول

شكرا أختي الغاليه صدفه على مرورك

دمتي بكل خير
ـــــــــــــــــــــــ

محمد مديح

أبو حميد الجميل
رائعة و فكرة جميلة
و أتمنى أن تكون فتحا شعريا لك
فى كتابة فوازير شعرية
فى أى مجال
تحية لك و للكبير عادل عوض سند
الذى يستحق دواوين
خالص الود لكما

قول يا مديح وزدنا كمان

ستين شمعه عشانه كمان

نفرح بيه ف يوم عيده

ربى زيده كمان وكمان

نوره مغطى الشعر كمان

تلقاه معانا ف كل مكان

يعدل ويظبط ف المايل

للجل ما نعلى ف كل مكان

الاستاذ محمد مديح لك كل الشكر مرتين

الاولى لهذه الكلمات الرائعه لانسان يستحقها بالفعل

وثانيا لتذكيرنا بعيد ميلاده كل عام وهو بخير

حسام خليل كتب:: الله على الفزورة ويا ميت سلام ع الحل
حلوة قوي الفزورة واللي كتب والحل
محمد يا مديح والله ملكش حل

اخى الحبيب

حسام خليل

اشكر لك مشاركتك ووجودك على هذه الصفحة لتهنئتى

كل المودة اخى حسام ...

جابر الزهيرى كتب:: ولدى الحبيب الشاعر المتميز محمد مديح :

عاملى قال سوسة

البيضة مفقوسة

ياعمنا الكتكوت

بتقولى واحد حلو

وحروفه فص ياقوت

عايزنى أقول لك أيه؟

يكنشى بسبوسة؟!

هههههههههههههه

يا ابنى كشفت الفزورة بتقديمك ليه هناك

كنت تستنى لغايط يوم التكريم

على العموم بجد هو يستاهل أكتر من كده

أبوك جابر

اخويا وحبيبى

جابر الزهيرى

ربنا ما يحرمنى من تهنئتك ولا من وجودك الباهى

اشكرك اخى جابر على وجودك بصفحة تهنئتى ...

محمد مديح 1 كتب:: أستاذي وأبي العزيز / عادل عوض سند

والله العظيم

مهما فعلاً هنقول عنك

لن تكفينا مجلدات

لوصف

أخلاقك العاليه

أبوتك المثلى

إبداعاتك المتفرده

وجد

أنا ماقولتش غير جزء صغير من الحقيقه

واللتي هي واضحه وضوح الشمس

ومرئيه أمام الجميع

دمت أبي العزيز بكل خير

وكل سنه وانت طيب

وعقبال 120 سنه

تقبل مودّتي

ـــــــــــــــــ

إبنك

محمد مديح

الابن الغالى

محمد مديح

اشكرك والله ما عارف ارد جمايلك ولا ارد على كلامك

الجميل . واشكر هذه الثقه من ابن اكن له كل حب وتقدير

واشكرك على تهنئتك الرائعه ووجودك الدائم على اعمالى

كل المودة والتقدير لشخصك الكريم ..

عاطف الجندى كتب:: أبو حميد الجميل
رائعة و فكرة جميلة
و أتمنى أن تكون فتحا شعريا لك
فى كتابة فوازير شعرية
فى أى مجال
تحية لك و للكبير عادل عوض سند
الذى يستحق دواوين
خالص الود لكما

استاذ / عاطف

اشكر وجودك على صفحة تهنئتى

وارسل لك خالص التحية والتقدير ...

معلهش أنا غبي وحاحلها غلط خالص

الحل: طارق منيب

أما الحل الصح اللي مش عارف أوصله فهو: حبيبي عدولة

مروة البسيونى كتب:: قول يا مديح وزدنا كمان

ستين شمعه عشانه كمان

نفرح بيه ف يوم عيده

ربى زيده كمان وكمان

نوره مغطى الشعر كمان

تلقاه معانا ف كل مكان

يعدل ويظبط ف المايل

للجل ما نعلى ف كل مكان

الاستاذ محمد مديح لك كل الشكر مرتين

الاولى لهذه الكلمات الرائعه لانسان يستحقها بالفعل

وثانيا لتذكيرنا بعيد ميلاده كل عام وهو بخير

الابنه الغاليه

مروه البسيونى

ربنا يخليكى ولا يحرمنى من تهنئتك

وكلماتك الجميله التى جاءت على صفحتى

بعبق الزهور والعطور .

كل الشكر والمودة والتقدير ابنتى مروه ..

طارق منيب كتب:: معلهش أنا غبي وحاحلها غلط خالص

الحل: طارق منيب

أما الحل الصح اللي مش عارف أوصله فهو: حبيبي عدولة

ههههههههههههههههههههههههههههههههه

ههههههههههههههههههههه

ههههههههههههه

والله العظيم عسوله

حبيبى طروقه

انت بتحل صح قوى وفعلاّ هوه

طارق منيب . وانا بقولك :

كل سنه وانت طيب بمناسبة عيد ميلادك

التسعه وخمسين . يعنى انت دلوقت ماشى فى الستين .

ياللا يا عم كبرت نفسك عشر سنين مره واحده .

ههههههههههههههههههههههههههه

ههههههههههههههههههههههههههههههه

ههههههههههههههههههههههه

هههههههههههههههه

هههههههههه

الفزوره دى صعبه علينا

قول بصراحه قول يامديح

خليك واضح كدا وصريح

ولا حقول لك

أيوه عرفته

هو حد جميل حقيقى

ديما جنبى وافى وصديقى

كل الناس ديما بتحبه

علشان طيبته وطيبة قلبه

اسمه جميل فنه دليل

على إن الدنيا لسه بخير

لو ح تجادل ولا تبادل

صعب ح تلقى مثيله

دا عادل

دمت بكل حب

يا صديقي ... مُذْ قرأتُ اللغزَ خِلتُ بأنَّني المقصودُ لا غيري .
ههههههههههههه

أنا أول واحد يا مديح سمعها موبيل
وقلت الحل ف ثانيه يادوب

لما سألني مديح ع الحل
قلت دا عادل عمّ الكل
فن بجد ورقّه وذوق
ياخد قلبي ويعلى لفوق
لمّا بيكتب حب وشوق
شعره بييجي بريحة الفل
عادل دوله حبيب الكل

الشاعرة عزة الزرقانى كتب:: الفزوره دى صعبه علينا

قول بصراحه قول يامديح

خليك واضح كدا وصريح

ولا حقول لك

أيوه عرفته

هو حد جميل حقيقى

ديما جنبى وافى وصديقى

كل الناس ديما بتحبه

علشان طيبته وطيبة قلبه

اسمه جميل فنه دليل

على إن الدنيا لسه بخير

لو ح تجادل ولا تبادل

صعب ح تلقى مثيله

دا عادل

دمت بكل حب

الاخت الشاعره

عزه الزرقانى

كل الشكر على مشاركتك الجميله

وحل تلك الفزوره

ههههههههههه

تقبلى مودتى وتقديرى ..

أحمد موسى كتب:: يا صديقي ... مُذْ قرأتُ اللغزَ خِلتُ بأنَّني المقصودُ لا غيري .
ههههههههههههه

أنا أول واحد يا مديح سمعها موبيل
وقلت الحل ف ثانيه يادوب

لما سألني مديح ع الحل
قلت دا عادل عمّ الكل
فن بجد ورقّه وذوق
ياخد قلبي ويعلى لفوق
لمّا بيكتب حب وشوق
شعره بييجي بريحة الفل
عادل دوله حبيب الكل

الابن الحبيب

احمد موسى

حمداّ لله على سلامتك وعودتك الغاليه الينا

وبجد المفروض الفزوره دى حلها احمد موسى

بس انت مازلت بتحل غلط .

هههههههههههههههههه

شرفتنى بإطلالتك البهيه .

كل الشكر والتقدير احمد ..

ولدنا الحبيب والشاعر المتميز محمد مديح

أيه يا عم الفوازير دى كلها

والله دمها خفيف زى كلامك الحلو ودمك الخفيف

Very Happy

لما يقول فنه تلقاه يقول عنه

الصدر ولاالعجوزقريبين منه

طبعا هوا الفارس الحارس

ربنا يخليه لنا مدمن غرام بهيه

طبعا صح .... والله برافو عليك

يامديح امسك الخشب سابق سنك

محمد مديح 1 كتب:: إهداء

هذه الكلمات السيطه

مهداه إلى

شاعر كبير من أعمدة المنتدى الرئيسيه

وصاحب البصمه الكبرى لإثراء المنتدى

والحركه الأدبيه بالكثير من الإبداعات المتميزه

وبروح الأبوه اللتي يغمر بها الجميع

ف لهُ مني كل الحب والتقدير والإحترام

وله مني هذه الكلمات

ـــــــــــــــــــــــــــــ

هوه مين

أســتــاذ ف فن الكلام

ف بحر القصيد عوّام

مني أنــــا لـعـنــيـــه

تحيه وميت ســــــلام

* * * *

عارفينه مين هوه

ده ف القلوب جوّه

ساكن ف نني العين

عاشقه أنا بقوّه

* * * *

أستاذ وأخ وأب

هوّه الدوا والطب

يا قلمي قوله كتير

ما ف يوم هقول ( stop )

* * * *
دا مهما تقول عنه

والكل ليه غنّوا

كل الحروف ديّه

مولوده من فنّه

* * * *

أصله مأصل قوي

عاشقه أنا بالقوي

بينا الواد موصول

ومنّه أنا بارتوي

* * * *

دا كلامي ما يكفّيه

ولو بروحي افديه

برضه ما هقدر يوم

أو لحظه انا اوفّيه

* * * *

ده بيه فؤادي اتسعد

والحرف ليه اهو سجد

عرفتوا مين هوّه

؟؟؟؟ ؟؟؟ ؟؟؟

ــــــــــــــــــــ

ياريت تحلّوها
ــــــــــــــ
محمد مديح

]b]

الشاعر الجميل محمد مديح

الله عليك وع الفكره

وعلى روعه الكلمات التى هى بالفعل اقل مايقال

على والدنا واستاذنا الغالى العزيز بابا عادل

معلش يابابا كل سنه وانت طيب ولو انها جت متاخره

لكن انت عارف الظروف

اشكرك يا محمد على الفزوره الجميله

اللى كل معنى وكل حرف فيها

بينطق بأنه ومفيش غيره بابا عادل

دمتم بسعاده وحب[/b]

» فزوره 25 يناير