مستشفى المجانين

موال مستشفى المجانين
اخر اعمالى مع الفنان سيد الشيخ
-------
فى ناس مساكين بقالها سنين لاهم اموات ولا عايشين
جروح والالم حلال وحرام دموع وبقايا بنى ادمين
وناس عيانه من غير عياا
وناس مدفونه بالحياا
وبين بره وبين جوه يادوبك سور
دخلت اسال واتقس كانى بزور
لاقيت عالم شمال ويمين
وناس عايشين ولا المساجين
سالت انا فين قالولى
فى مستشفى المجانين
--------
قابلت حالات وشوفت حاجات تهز القلب من جوا
راجل مسكين فوق السابعين ياعينى لاحوله ولا قوه
ولاده اللى كبرهم
شيطان الماده غيرهم
ورفعوا عليه قضيه حجر
تعالو ياناس وشوفو الفوجر
ولما عقله ماتحملش صبح قاعد وحيد وحزين
وبقه واحد من المجانين
--------
دخلت عنبر الحريمات قابلت ست قد امى
فى عينها دموع ايه الموضوع لاقيت موضوعها ذاد همى
قالتى ابنى شردنى
واخد الشقه وطردنى
رماها ياناس فى عز البرد
ونامت على الرصيف والارض
كانو المجانين عليها احن واهى معاهم بقالها سنين
ياويله منها يوم الدين
--------
وفجاه لاقيت قصادى انسان قالولى ده كان صاحب عزوه
ومال ونفوس صبح منبوذ وكله ضاع عشان نزوه
عشق بنت فى مقام بنته
عشانها باع اللى حيلته
ولما ضاع وملقاش حل
ومد ايديه ياناس وانزل
فقد عقله عجز واتشل واهو مرمى بقالو سنين
وتاه عقله مع التايهين
--------
سمعت هناك وراء الشباك صريخ من بنت حبسنها
خطيبها كان زين الشبان لاكن قتلوه قصاد عينها
خمس شبان ومن سنو
وحاولو يخطفوها منو
دافع عنها وماعهوش حد
وطبعا هما كانو اشد
ولما دمو ساح على الارض بقت تلطم على الخدين
واهى بتصرخ شمال ويمين
--------
مشيت قدام سمعت كلام تعبنى وشل تفكيرى
ده شب حزين لاكن مكسين بيضحك ضحك هيستيرى
ده كان عنده ياناس طفله
راحت من ايده على غفله
خطفها واغتصابها ندل
وكملها بجريمه قتل
ومهما خد بتارها العدل ده هايفيده بايه المسكين
دى كانت نور عينيه الاتنين
--------
فى ناس ياناس بتاذى الناس تحس بمتعه وبلذه
لاهم عاقلين ولا مجانين دى خلق مريضه او شاذه
بقينا فى منتهى القسوه
فى دنيا فانيه ولا تسوى
وضاع بينا خلاص الحق
وعايشين للحساد والنق
بقينا فنجريه بق وفى الاخر يابنى ادمين
بتريق على المجانين
--------

الله عليك يا سامح بجد تجنن

وانا فعلا سمعتها من سيد الشيخ

برافو عليك هايل

أيوه كدا اعمل شغل

وأثبت وجودك يا فنان

دمت بكل حب

وروعة وفن

ربنا يخليكى يافنانه والحمد لله انها عاجبتك
وان شاء الله تعجب الناس كلها
وده اول شغل بينى وبين سيد الشيخ
وان شاء الله تنجح
ميرسى ليكى يامدام عزه

بحب الشعر
واقول الشعر من يومي
ولجل الشعر
أبيع اللقمة وهدومي
لكني سمعت
شعر جميل
قلت لمين
قالو لي دا سامح الكومي

الله عليك يااستااذ حساام
ميرسى ليك جداا على احساسك الجميل ده
والحمد لله انها عاجبتك

» حوار بين صحفى ودكتور فى مستشفى المجانين
» لصالح مستشفى سرطان الأطفال
» ولاد المجانين
» بقينا م المجانين