إنسـان آلــي

الحلم حلمك ..
غنوتك ,
ونس الحبيبه اللي ف عنيك ,
دنيتك ,
والعزف ع الأوتار
طعم البيوت الملح دايب ف النهار
وأهي ناس بتودع ف ناس
وناس بتتقابل
والأيام علي قلبك ماشيه بكل جراءة
قاتل
مايهمهوش الضحيّه ..
مين
ولمين كان شايل ف قلبه الغنا
سبع ليالي
شكل الحياه بالطبع سريالي
إنسان آلي
وإبتسامتك خروج ع النص
كمبارس دايما
بتقدّمها تحيّه دموعك / الورد ..
للجمهور
إعلان حضور ,
شهوة تمرد ع الغياب أربع فصول
وطن إحتمالك نخ
والفرح للمجاريح ..
زي انتظار الطرح م النخل العقيم
حلمك قديم يابن شط الغلابه ,
والوجع العفيف مكشوف
ومتعلّم
واللي يعيش ياما يشوف منك ياليل
ويتعلّم ..
إمتي الهوا بيكون حنيّن
وإمتي الجراح بتصيب
وتبيّن
مين العدو
ومين الحبيب ؟

الاستاذ الشاعر

مراد ناجح

والفرح للمجاريح ..
زي انتظار الطرح م النخل العقيم
حلمك قديم يابن شط الغلابه ,
والوجع العفيف مكشوف
ومتعلّم
واللي يعيش ياما يشوف منك ياليل
ويتعلّم ..
إمتي الهوا بيكون حنيّن
وإمتي الجراح بتصيب
وتبيّن
مين العدو
ومين الحبيب ؟

والله ولو لم تكتب إلا تلك الابيات

لشهدت لك بالشاعريه الرائعه .

قصيده جميله بها وجع إنسانى قلما يشعر به احد .

احييك على هذا الجمال ورائعة الخاتمه .

تقبل مرورى ومن حظى انه الأول .

وتقبل خالص مودتى وتقديرى ..