حلمت بيك

عارفة ايه الى تاعبنى والى ديما غالبنى
هو حبى ليك يا حبيبى الى ديما مدوبنى
كتير حلمت بيك وبشوف عنيك
ولاقى نفسى ياحبيبى بلمس اديك
واصحى ومش بلاقيك وعينى تبكى عليك
واصبر قلبى يا حبيبى عن تفكيرة فيك
حبيبى تعالى ارجعلى منت لازم تسمعنى
حبك تاعبنى يا حبيبى وقلبى واجعنى
بحبك من زمان وعلطول حيران
بعادك عنى مخلينى انسى نفسى كمان
دنت حتة منى مقدرش تغيب عنى
تعالى قرب يا حبيبى عشان تطمنى
حبيبى يا يا كل الحياه مقدرش اعيش من غيرك
انت الحبيب الى بتمناه ومقدرش فى يوم ابعد واسيبك

الاغنية دى يا جماعة بحبها اوى او الخاطرة دى هى فى وجهة نظرى جميلة جدا
بس فى بعض الشعراء اعترضو عليها انا قلت احطها فى قسم الخواطر

تسلم ايدك احمد
بجد جميلة
طشت وجردلين على رأى استاذ عادل
هههههههههههههههههههههههههههههه
محمد رمضان

استاذى ومعلمى عادل عوض سند
والله ابدا موقعتش فى طشت حب ولا حاجة
بس انا بموت فى حاجة اسمها الرومناسية
عشان كده تلاقينى بكتب على الحب والخيانة علطول
دمت بكل حب
ابنك احمد سعد
تيمو

الرائع محمد رمضان طول عمرك منور صفاحتى بتعليقاتك الجميلة
دمت بكل حب وخير ويارب يحققلك كل ما تتمناه
اخوك
احمد سعد تيمو

بجد يا تيمو أنا متابعة ليك فعلا والخاطرة دى بالذات مدلولها جميل جدا لأن الإشتياق للمحبوب أصعب من الحب نفسه وفقك الله

الشاعرة الجميلة اميرة البدرى
على فكرة انا مقدرش على الكلام الجميل ده كله
انتى كده بتشيلينى مسئولية كبير عشان افضل عند حسن ظنك
دمتى بكل خير يا اميرة الرومانسية اخوكى الصغير
احمد سعد
تيمو

شاعرة المستقبل
دعاء محمد عوض
انا بشكرك كتير على متابعتك ليا ويارب افل عند حسن ظنك
دمتى بكل خير وحب اخوكى
احمد سعد
تيمو