ايه ذنبى

يا ناس ايه ذنبى
ذنبى إنى إتخلقت فقير
وسط شلة معدومة الضمير
ناس أغنيا كبار معاهم فلوس كتير
أبويا مدرس متقاعد فى السن كبير
وأمى يا ناس عايزة عملية
وأختى هتتجوز جوازة هنية
والناس دى مفترية
يا ناس هما إستغلونى
وبالفلوس جم وأغوونى
إنغمست معاهم فى الحرام
مع إنى طيب وما ليش فى دا كلام
مليش فى السرقة والقتل والمخدرات
مليش يا ناس فى حرب العصابات
بس يا ناس هاعمل ايه
جيه وأغرانى يا ناس البيه
فى الأول عبت يا ناس دنيتى
لقيت يا ناس إن الدنيا حجتى
أمى وعملت العملية
أختى وكانت جوازتها هنية
وأنا اللى بقيت ضحية
بس هاعمل ايه لو خرجت من الإجرام
الناس دى ممكن تقتلنى عشان للبوليس مقولش كلام
أحلامى كانت فى بحر كبير
بتعوم حوليها قروش كتير
يإما أنزل وأحارب القروش
يإما أفضل على جنب مهموش
أنا ما طلبتش من الدنيا قصر كبير
ولا خدم ولا حشم ولا فلوس كتير
أنا طلبت أبقى عايش مستور
ولا طلبت أبقى مشهور
كنت عايز بس أتستر أنا وأمى وإخواتى
وأحاول أحرك حياتى على مزاجى
هيا دى الدنيا دنيا مفترية
واقف جنبها ناس عاملة زى ضباع البرية
عشت كده لحد أما خدت إعدام
وأنا يا ناس عمرى ما حبيت الإجرام