انتي

انتي وردة فتحت بيها الزهور

انتي غنوة غردت بيها الطيور

انتي أحلى حاجة فيا

انتي ضي وانتي نور


انتي عمري اللي فات

انتي أحلي الذكريات

انتي عمري اللي جاي

انتي يأسي بيكي مات


انتي نسمة يحلم بيها كل عاشق

انتي بسمة ضيعها كل اللي فارق

انتي مركب للنجاة

يبعد عنها كل غارق


انتي قلب من دهب

سبحانه من فيكي وهب

حنان ورقة وابتسام

وحب أقوى م اللهب


انتي ايه ولا ايه ولا ايه

في كتير محكيتش عليه

أختي الفاضلة الأستاذة الكبيرة والشاعرة الرقيقة والإنسانة العطوفة الأستاذة عزة أشكرك كثيراً دائماً انتي سباقة في الرد على أي شئ أكتبه وده يدل على تفانيكي واهتمامك وتشجيعك للمبتدئين وأشكرك مرة ثانية على شعرك الجميل اللي رديتي بيه عليا مع أنه حسسني بأني ضعيف جداً من كتر جماله , وأشكرك مرة ثانية على تثبيت هذا العمل , وأتمنى أن أكون عند حسن ظنك دائماً , وظن أخواني وأخواتي في هذا المنتدى الجميل .

لكي كل الود والتحية والتقدير

أخوكي ( منير منيب )

يا خالو يا جامد أية الحلاوة دى أنت محصلتش تجنن بجد من أحلى ما كتبت فرحانة بيك أوى عارف لية لأنك أحسن منى بجد من جوة ومن برة غير الموهبة المتميزة ربنا يوفئك أيها الفنان الجميل

احيى شاعرنا الجميل

الاستاذ منير منيب

على قصيدته العاطفية الجميلة

وبالتوفيق دائما

تقبل مرورى وشكرا

أشكرك يا روشة يا حبيبتي لكن عمري ما حكون أحسن منك أبداً احنا بنتعلم منك .

الأستاذ الكبير فوزي الشربيني أشكرك كثيراً على مرورك العطر الذي أسعدني كثيراً لك مني كل الود والتحية وعلى فكرة انت اللي جميل وأشعرك غير عادية .

أستاذنا الفاضل المبدع ممدوح عزت لك مني كل الشكر على اهتمامك وعلى مرورك العطر أدامك الله لنا .

الله عليك انت بجد روعه فى كلامك روعه فى تعبيرك واحساسك بالحب
من تقدم إلى تقدم ان شاء الله

أستاذنا الفاضل الأستاذ الكبير عادل عوض أشكرك على مرورك الجميل بس المرة دي انت اتأخرت ومش حاسمحلك بالموضوع ده تاني لأن أنا متعود انك تاني واحد بترد على أعمالي بعد الأستاذة عزة , أما بالنسبة لموضوع الحب مفيش داعي للفضايح احسن أم العيال تقرأ الكلام ده وأروح في داهية . أشكرك مرة أخرى على اهتمامك بي لك مني كل الود والتحية .

أستاذتنا الكبيرة جداً أميرة أشكرك على مرورك الجميل وفي الحقيقة انتي اللي روعة في كل حاجة بتكتبيها
لكي مني كل التحية والتقدير وأشكرك مرة أخرى على مرورك العطر الذي أضاء صفحتي .

أخي الحبيب طارق أولاً أشكرك على مرورك الجميل , ثانياً انت إيه حكايتك انت والأستاذ عادل عوض انتوا عايزين تطلقوني ولا إيه .

الأخت العطوفة الأستاذة عزة انتي بتديني أكبر من حجمي بكتير ربنا يديم عليا عطفك .

طارق منيب كتب:

موضوع أكثر من عجيب ياأستاذة/ عزة
قبل مداخلتك بدقائق كنت باكلم منير أني عايز أترجمله القصيدة دي
ولقيتك بتكلمي على ترجمتها
سبحان الله
يظهر إن فيكي شئ لله
انتظروا ترجمتها قريباًُ
أخوك
طارق منيب

م القلب للقلب رسول

عرفت من غير ماتقول

بس هتبقى هايله

ومبروك عليك الترجمه مقدما

يا استاذ منير

دمت بكل حب وخير

الله يباركلنا في عمرك يا أميرة الشاعرات , وشاعرة الأميرات .

منير منيب كتب:

الله يباركلنا في عمرك يا أميرة الشاعرات , وشاعرة الأميرات .

الله يبارك فيك وفى قلمك المبدع

وبعدين بلاش موضوع الاميره دا أحسن أتغر واخد فى نفسى ألم

دمت بكل خير وحب

أختي الفاضلة عزة خلاص بلاش أميرة خليها ملكة الشاعرات .

حبيبي الفاضل وأخي الأكبر عادل عوض أنا طبعاً عراف مشاغلك وأنا قلت كده بسبب اشتياقي الدائم لتعليقاتك اللي باحس فيها بالحب والود والنصيحة الخالصة لوجه الله علشان كدة بابقى قاعد منتظرها , أما بالنسبة لموضوع الفضايح أنا با هزر لأن زوجتي عارفة إن أنا خلاص ما فيش مني رجا , فعمرها ما حاتفكر فيا أي ظن سوء , لك تحياتي أيها الأخ الفاضل .