ظلمتينى ظلمتينى

موضوع: ظلمتينى ظلمتينى الأحد يوليو 11, 2010 3:38 am

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى
زمان كان قلبى يشتقلك ويحزن لو ماشافك يوم
ورمش العين بيسمحلك بانك تخطفيه من النوم
وعرض البحر لو بينا شراع قلبى يعوم لك عوم
ودلوقت قصاد غدرك ما يملك غير مرار اللوم
وفيت لك والوفا غالى وفيت لك وانت خنتينى

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى

انا مش ناوى ارجعلك ولا ناوى اكون لك زاد
ولويوم قلبى يشتقلك حبيع قلبى ولو فى مزاد
حبيعه للى يدفع لى وفاء وحب وهوى ووداد
فى عينك جفت الدمعة ودمعى من خيانتك زاد
صوابعى قدتهم شمعة ف ليه بالغدر تطفينى

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى

قابلتى الدمعة من شوقى بضحكة كلها استهتار
وتهتى عن سما روحى وسبتينى وانا المحتار
غدرتى بالهوى وقلبى وقلتى ان انا الغدار
ولما قلت انا عاشق رميتينى فى وسط النار
فسيبى الكون وسيبينى لنار الفرقة تكوينى

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى

انا مش لعبة فى اديكى ولا ملكك ولا ليكى
انا وريتك الدنيا وشفت الدنيا بعنيكى
حرام تقضى عليا فى يوم تهدينى وانا ابنيكى
واوهبلك حنين قلبى فى كل اوان يناديكى
يقولك ياملاك روحى يا سكنة فى شراينى

ظلمتينى ظلمتينى ودمعك خان دموع عنى
وملكتك حنين قلبى وباسم الحب بعتينى

شعر/ صلاح ابو الخير حواش

الشاعر الرائع الجميل صلاح ابو الخير .. اهلا وسهلا ..بك بيننا في هذا المنتدي الرائع .. بين كوكبة من شعراء العربية المبدعين .. واشكرك على قصيدتك التي تنم اننا أمام شاعر جميل يملك ادواتة الشعرية ... اعجبتني غنائيتك البكائية المظلومة .. وبها الكثير من مواطن الجمال .. احييك وأشد على يديك ..نورت المنتدي ..ودمت متألقأ .. اخوك محمود جمعة

أخى صلاح
قصيدة جميلة
يتم النقل الى قسم العامية
و الاشتراك فى المسابقة
خالص الود

ايه الروعه دى استاذ صلاح

اغنيه رائعه كاملة المعنى والمضمون

والحرفيه والوزن والقافيه

اسعدنى تواجدى فى حديقتك

المليئه بالعطور

دمت بحب وخير

ملحوظه

تثبت القصيده بواسطتى

لروعة المضمون

الأستاذ صلاح غنائية تجنن ...شوق وإحساس وغدر وخيانة ولوم وعتاب ...ملحمة كاملة ....جامدة جدا دام إبداعك فى إنتظار المزيد أرجوك

السلام عليكم .. مجرد راي
كلام من قلبي
الأستاذ الشاعر / صلاح أبو الخير
احترامي وتقديري

رائعه كلماتك
دمت مبدعا
وتقبل مروري
وللجميع تحياتي

الاستاذ الشاعر

صلاح ابو الخير

أولاّ : أهلاّ وسهلاّ بك فى منتداك ووسط اسرتك

ثانياّ : قصيده تنم عن قدوم شاعر كبير يمتلك زمام

الكلمه ويغوص فى بنا فى قاع الإبداع ليلتقط المفرده

التى تعلو بنصه . وممسك تماماّ بالتفعيله طوال النص

فسبح بنا على الهزج بمهاره وإقتدار الشاعر المتمكن

مرحباّ بك اخى صلاح وشرفنا بإنضمامك الينا .

كل التحية والتقدير ..

الاستاذ صلاح ابو الخير

قصيده رمانسيه جميله معانى رائعه احساس

جميل روعه ف اختيار الكلمات

مزيد من التقدم والابداع

تقبل مرورى وتقديرى

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بيعتينى
نص غنائى فى كمة الروعة
شاعرنا الكبير الاستاذ صلاح ابو الخير
اسعدنى جدا التواجد بين كلماتك المميزة
وان تكون اول مرة اقرأ لك فلن تكون الخيرة بإذن الله
تحياتى لك

ورمش العين بيسمحلك بانك تخطفيه من النوم
وعرض البحر لو بينا شراع قلبى يعوم لك عوم
(ايه ياعم صلاح الجمال ده البيتين دول حكايه ..حكايه)وكمان من بحر الهزج البحر ده حبيبى
اخوك حسن اتأثر بكلامك وباعت لك الكلمتين دول
____________________
وقلبى راضى يخضع لك وفى حبك يبات مظلوم
رضيت بالمر فى حبك طالب شمسك لقيتها غيوم
اخدك للنجوم نفـرح لســابع ارض خدتـيـنى
_________ ظلمتينى.. ظلمتينى

صلاح ابو الخير كتب:: ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى
زمان كان قلبى يشتقلك ويحزن لو ماشافك يوم
ورمش العين بيسمحلك بانك تخطفيه من النوم
وعرض البحر لو بينا شراع قلبى يعوم لك عوم
ودلوقت قصاد غدرك ما يملك غير مرار اللوم
وفيت لك والوفا غالى وفيت لك وانت خنتينى

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى

انا مش ناوى ارجعلك ولا ناوى اكون لك زاد
ولويوم قلبى يشتقلك حبيع قلبى ولو فى مزاد
حبيعه للى يدفع لى وفاء وحب وهوى ووداد
فى عينك جفت الدمعة ودمعى من خيانتك زاد
صوابعى قدتهم شمعة ف ليه بالغدر تطفينى

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى

قابلتى الدمعة من شوقى بضحكة كلها استهتار
وتهتى عن سما روحى وسبتينى وانا المحتار
غدرتى بالهوى وقلبى وقلتى ان انا الغدار
ولما قلت انا عاشق رميتينى فى وسط النار
فسيبى الكون وسيبينى لنار الفرقة تكوينى

ظلمتينى ظلمتينى ودمعك خان دموع عينى
وسلمتك حنين قلبى وباسم الحب بعتينى

انا مش لعبة فى اديكى ولا ملكك ولا ليكى
انا وريتك الدنيا وشفت الدنيا بعنيكى
حرام تقضى عليا فى يوم تهدينى وانا ابنيكى
واوهبلك حنين قلبى فى كل اوان يناديكى
يقولك ياملاك روحى يا سكنة فى شراينى

ظلمتينى ظلمتينى ودمعك خان دموع عنى
وملكتك حنين قلبى وباسم الحب بعتينى

شعر/ صلاح ابو الخير حواش

الشاعر العاشق المظلوم / صلاح أبو الخير
أحييك على هذه الغنائية الجميلة وأحييك على سلاسة النظم وجمال المعنى وسهولة التعبير
أدامك الله عليك الإبداع
ولكن لى همسة أخى صلاح
حاول أتعيد النظر فى هذا البيت :
( حبيعه للى يدفع لى وفاء وحب وهوى ووداد)
فإننى ألمح فيه كسرا عروضيا
دمت شاعرنا بكل خير