طبل الوداع للشاعرة شادية الملاح

طبل الوداع

شادية الملاح

بين سطور الحياة
كلمات كتير ما بتقراهاش
خطوات كتير ماحسبناهاش
عايشين الدنيا ولا لسه ما عشناهاش
ما اصعب الدمع البرئ
وصوت الحقيقة المؤلمه
بيدق على طبل الوداع
حالف تعود
أصل السفر جوه الحياة
رحلة عناء
فى عيون مطبات الطريق
ضاع الرفيق
تاهت ملامحه فوق شطوط الانكسار
أصل الحياة
نظرات كتير متزوقة
فوق ضحكه صفرا مشوهه
فى أرض الوشوش
سرق البكا كحل الرموش
لما الجروح 0 خطفت ملامحك و السطور
غرق القلم جوه الحروف
لسه الحياة
بتعيد بدايةنفسها
وتسرسب الدمعات ندى
واحنا اللى فاضل مننا
من عين بتعشق فى الخلا
شوية حنين
بحرك غريق
ملقتش غير حبة حكاوى
بين رفوف حاضنه الورق
شايف الامل اللى اتسرق
ولا اللى همك ف السبق
إنك تعيش
من قبل حتى ما تتولد
تايه فى روحك من سنين
صوت الأمل قام وابتدى
يروى عيدان الصبح
من شوق السنين
رغم اللى بيشوف نظرتك
بيلاقى فى عينيك الدفا
علشان ما يلضم ضحكته
عقدين صفا
يمكن يكون باب الأمل
مستنى من بدرى الوصول
مع انه معرفش السفر
مرة الامانى بين حلوق الانتظار
ريق العطش
بيصب فى شقوق الرجا
عشق انبتر
ويلم فى رموش الدفا
اوقات كتير متبعترة
لحظة ما قام الوقت
يعلن بالرحيل
من بين شطوط جزرالوداع
امواج بتعلن رفضها
و تشد ريق الرغبة من نظرة عينيك
وتهد فى قلوع مركبك
يا عمرك المليان أسى
نفسك تبعتر زحمة الأيام
فوق صبح بخيوطه عزف
لحن البكا
نبض الحقيقه المستحى
فوق وشها
من طيبته خاض التجربة
واتحدى اعاصير الشتا
والرعشة فى صوت الامل
لما الحياة فى عيونها تاهت مركبك

قصيده رائعه

مثلك

ايتها الحبيبه

شاديه الملاح

دمتِ بحب

أستاذة شادية
قصيدة جميلة
و بحييكى عليها
و ياريتنى كنت ناقدة كنت كتبت كلام كتير عنها

أستاذة شادية إسمحيلى أحييكى على هذا النظم الشعرى الرائع ....الملىء بالفكر ...وقليل من الشعر الذى يلمس الفكر والوجدان والإحساس فى أن واحد ...دمتى مبدعة

تامر محمود كتب:

أستاذة شادية
قصيدة جميلة
و بحييكى عليها
و ياريتنى كنت ناقدة كنت كتبت كلام كتير عنها

اخى العزيز تامر
شكرا ليواصلك معى
وسعيده بمرورك الطيب
وتقبل تحياتى

سلوى محمود كتب:

أستاذة شادية إسمحيلى أحييكى على هذا النظم الشعرى الرائع ....الملىء بالفكر ...وقليل من الشعر الذى يلمس الفكر والوجدان والإحساس فى أن واحد ...دمتى مبدعة

اختى العزيزه سلوى
شكرا لك على مرورك الطيب وتقبلى منى
خالص المحبه والود

سعدتُ بمطالعتى هذه القصيدة وبلا زيف أو رياء
هى تحمل آليات رائعة اسمحى لى ان اسرد بعضها من خلال النص
اولاً صياغة ان يكون هناك طبل للوداع [دلالة جيدة فالطبل إما للفرح أو للحرب إعلاناً لها وللصراع الداخلى والمعاناه من الوداع واطنك قصدت الأخير ..
[center]وصوت الحقيقة المؤلمه / بيدق على طبل الوداع / حالف تعود
* تصور سماع صوت الحقيقة رغم الألم ( تصور ملائم ومواكب للحالة)
أصل السفر جوه الحياة /رحلة عناء
** فلسفة السفر ** كلٌ يراها من منظوره وان كان الالم حالة غلب عليها العموم الآن
..............
أصل الحياة / نظرات كتير متزوقة / فوق ضحكه صفرا مشوهه
فى أرض الوشوش / سرق البكا كحل الرموش
** اعجبنى كثيراً انغمار البكاء حتى انه قد ازاب الرموش حاملاً دلالات كثيره** تكررت فى (خطفت ملامحك -غرق القلم -تسرسب الدمعات )
لما الجروح 0 خطفت ملامحك و السطور
غرق القلم جوه الحروف / لسه الحياة / بتعيد بدايةنفسها / وتسرسب الدمعات ندى
واحنا اللى فاضل مننا / من عين بتعشق فى الخلا /شوية حنين
** تحياتى ** وتقديرى إلى مزيد من الابداع الجميل ............... اشرف الخطيب