ممسوك ف خانة اليك

للشاعر خالد الهواري

ممسووك ف خانة اليك


والطولة حايرة.. مربعة

ومضلعة

و مكلبشة بانفاسك

وعلشان تحل المعضلة

لازم تبيع اهلك

تبيع أرضك.... تبيع ناسك

وخصمك واقفلك غول

مستني يهد الدور علي راسك

وانت مش لاقي

ولا فكرك .. ولا ارضك

ولا فاسك

واللعب عايز حرفنة

وانتا اللي مش حريف

والخطة ..........

....... متهلهلة...

.... ومتخبلة.........

زي الشجر لما يهزه خريف

__ ___ ___

يا عم يا قهوجي....

(دبش) الزعيم انحرف

لا عايز يلم الدور

ولا بالهزيمة اعترف

يا عم يا قهوجي

اعلن لنا الاخبار

مين فاز... ومين انهزم

مين كمل المشوار

دا الباشا .. رهن الفاس

والكنبة والمزمار

والطولة مفتوحة

واللعب لعب كبار

يا عم يا مفتري

حاسب من الشطاااار ..

م عادش يا محترم

غير لحمنا والدااار

... وااااااااااااه....

لو لحمنا ينشري

ويلفت الانظار

خدو كله واوقف هنا

سيب بكرة وسط الدار

يمكن العتمة تطرح

في الفجر الف نهار

يا عم يا مفتري

حاسب من الشطار

قصيدة جميلة
من شاعر جميل
و الأجمل من الإدارة الرائعة
بالتوفيق

الاستاذ محمد سالم المشرف
شكرا للحضور

الشاعر المبدع / خالد الهوارى أهنئك
الفائز في هذا الدور هو الشاعر
الذي وفق في الحبكة والاسقاطات
وهذا التضفير بين مفرادات الطاولة
ومفردات اللعبة الأخري التي يسقط عليها
وآه لو لحمنا ينشري فعلا بدأ اللحم يشترى
ولكن في صور أخرى واسأل الحاجة الوزيرة
والحفاة العراة الذين تطاولوا في البنيان
و مافيا عقود العمل والباقي أكيد انت عارفه
يا عم خالد وربنا يستر يا حبيبي

عاطف عاشور