شاي و شيشة قص

يا ساتر

الواحد مش عارف يلاقيها منين و لا منين

هموم متلتلة في الشغل

لحد ما فكرت اسيبه بعد ما عمل معايا أحل واجب

ضغط عالي ........ نرفزة على أتفه سبب ...

ضعف في البصر اللي زمان كنت أشوف أحسن من زرقاء اليمامة

يا الله الصحة بياكلها الدود

دا طبعاً غير الببيت و ما أدراك ما البيت

و من ذاق عرف

مافيش حد سمع نصيحة جحا و عمل بيها

الله يرحمك يا جدّي كان متجوّز أربعة

يعني كان ماشي شرعي

و كنت لما أسأله إية رأيك في الجواز ؟

كان يضحك و ما يتكلمش

دلوقتي عرفت هو كان بيضحك ليه

و برضه كان بيسكت ليه

الله يرحمه

ربنا يحلها من عنده ... و الصبر مفتاح الفرج

كلام بيصبر الواحد على العيشة اللي بقت صبر

ــ أيوه يا بيه ؟

ــ بيه ؟!

هات يا ابني شاي و شيشة قص

أخي جابر
صباح معمَّر بكل أصناف الجمال
قصيدتك خلتنى اكتب قصيدة
حرام عليك و الله
شوفها هنا

https://elgendy.ahladalil.com/montada-f19/topic-t12149.htm#129311

أستاذي وأبي الفاضل / جابر الزهيري

بعد الفطار يبقى نفكر ف موضوع الشيشه

بس على فكره

عاوزها تفاح

إيه رأيك ف النثرية دي

هههههههههههههههههههه

قصيدة جميلة رغم أننى بحب الشعر الموزون
و حاسه أنه مجرد حديث
لكن ان كان الشعر بقى كده
اكيد هكتب كثير جدا

كلام جميل وكلام معقول مقدرش اقول حاجه عنوووو

بس يعنى الشيشه حرام وبتتعب وضارة بالصحه على فكرة

ومع ذلك حلوة كلو منك حلو والله ونتمنى المزيد Cool

ههههههههههههههههههههه

له حق الاستاذ عاطف يتأثر بتلك النثريه

رعم ان مالهوش فى الشيشه لكن عرف

قيمتها وليه طلبتها .

هههههههههههههههههههههههههههههههه

نص جميل والله اخى جابر ...

بقولكوا إيه ياجماعة
همه الناس ليه مصممين يلزقوا إسم " قصيدة " على " النثر"
وليه عايزين يصبغوا عليه صبغة تانية غير طبيعته
إنتوا عارفين إحنا عملنا زى واحد خلف بنت فى الأرياف وهو مش بيحب أسماء الفلاحين راح مسميها " سوزى فتاكات " , بالله عليكو مش حاجة تضّحك
مافيش مانع إن الأنسان يعبر عن نفسه بأى صورة وبما يناسب واقع كل ثقافة
المهم ننسب كل حاجة لأصلها وبلاش خلط الأوراق المهم إن الحاجة اللى بتتكتب تسيب علامة
إنتوا عارفين كان فيه نثر من أيام المدرسة عمرى مانسيته من جماله وكان وصية أم لإبنتها التى كانت مقبلة على الزواج وكنت أحفظه عن ظهر قلب من روعته وجماله
الشاعر الأستاذ العزيز .. زهيرى
إعذرنى إن كانت أخذتنى مداخلات الإخوة قبل تحيتكم
أنا من المعجبات بأشعارك الفصحى ولكن لامانع من النثر ولامانع من الدردشة سواء كانت على القهوة أو على المصطبة أو على كورنيش النيل أو حتى مع أنفسنا
كلنا ياسيدى فى حاجة إلى ذلك المهم أن نعرف ماذا نفعل !!
تقبل تحيتى وتقديرى الشديد

شكرا أستاذ جابر
و كلام الأستاذة نبيلة الفولى
شايفاه مهم جدا
و يا ريت يبقى اسمه نثر فقط
موش شعر نثر

والله ياجماعه انا شايفه ان اللى كاتبه اخونا جابر الزهيرى ليس له علاقه لا بالنثر ولا بالشعر
بس اقولكو الحقيقه؟ انا السبب
لأنه كتب نثريه قبل كده هنا فى المنتدى اسمها( سندوتش) بس كانت هايله لدرجة انى قمت بتثبيتها
فيبدو انه اتغررررر وبدأ يكتب حاجات تانيه مختلفه خاااالص
اقولكو؟ حقكوا عليا
وكمان الاستاذ عاطف أخد منه العدوى وبيرد على كلامه.. لا وبيقول كمان انا مش متعود اكتب نثر!!!!
ياحول الله يارب

كده حيقلبوها مناقشة فى احوالنا والغلا والجرجير وجحا والجواز!!

يبقى من فضلكم ولو سمحتم اتفضلو على منتدى الحوارات قولو فيه كل شئ واحنا نروح وراكم
ونناقشكم ايه رايكو؟
ولا فى حد هنا معترض على كلامى ؟؟
ورمضان كريم
مشرفة النثر الشاعرة وفاء امين

موضوع: رد: شاي و شيشة قص الأحد أغسطس 15, 2010 6:17 pm

على فكرة يا جماعة

اللى أنا كتبته هنا في قسم النثر مجرد فضفضة

و لا يمت للشعر بصلة من قريب أو بعيد

فالشعر شعر و النثر نثر

و لايمكن أن يتم زواج الشعر بالنثر أبدا

حتى و لو زواج عرفي

يعني أنا بسلي صيامي

و كل عام و انتم بخييييييييير

و اسيبكم بقى عشان أكمل الحجر

هههههههههههه

الزهيري

أستاذة عزة الهلباوى / أستاذة وفاء

أمين شكراً وشكر خاص للأستاذ جابر الزهيرى

الرجوع للحق فضيلة

كل عام وأنتم بخير

[/center]

الأستاذة نبيلة الفولي

أشكركم على المرور الجميل

و هذه المساهمة كانت لحاجة في نفس الزهيري

و الحمد لله

قضاها

الزهيري